مسافر - شریف کنجاہی

تیرا پنڈا پوری توت دی تیری لغراں ورگی بانہہ!
تیری بُل نے پُھل کریر دے تیرا جوبن وَن دی چھاں
ایہہ چھانواں سدا نہ رہندیاں رہ جائے پچھے ناں
اسی رب سببی گوریے اج آ گئے ایس گراں
اساں جھٹ دوپہر گذارنی اساں بہتا نئیں پڑاں
اساں پِنڈ نہ پانے جوگیاں اساں مَل نہ بہنی تھاں
کس پکے پا کے بیٹھنا ایہہ دنیا اک سراں
تیرے جوبن وانگوں گوریے اسیں کل مسافر ہاں!
--------- شریف کنجاہی

اسی اکّھاں پتھر کر لئیاں
سدھراں دی سنگی گُھٹ لئی ایہہ
اسی اندروں اندریں مر گئے آں
اپنے تے مٹّی سٹ لئی ایہہ

بہت ودھیا کلام اے
تہاڈا بہت شکریہ

محمود غزنوی نے کہا:

اسی اکّھاں پتھر کر لئیاں
سدھراں دی سنگی گُھٹ لئی ایہہ
اسی اندروں اندریں مر گئے آں
اپنے تے مٹّی سٹ لئی ایہہ

مزید نمائش کے لیے کلک کریں۔۔۔

نئیں محمود صاحب، اینی مایوسی وی چنگی نئیں ہوندی۔ اداسی دے بدلاں وچ خوشی دی لشکارا وی ہوندا اے، سرکار۔

اساں جھٹ دوپہر گذارنی اساں بہتا نئیں پڑاں
اساں پِنڈ نہ پانے جوگیاں اساں مَل نہ بہنی تھاں
بوہت ودھیا

واہ بوہت ودھیا کلام