میرےبول اوَلے ۔۔ (شریف کنجاہی)

میرے بول اوَلے
اَج میں بھیڑا ، اَج میں جھوٹھا، میرے بول اوَلے
چنگ تہاڈی ہٹی وِکدا، سچ تہاڈے پلّے
اج وی جے میں اَکھ مٹکّے دے ای گیت سناواں
بال ناتھ دے چیلے والی تھاں تھاں ناد وجاواں
قِصّیاں دے وچ رانجھا بن بن جس گھر وقت گزاراں
اوسے گھر دیاں کُڑیاں کڈھاں اوتھےای سَنھ ماراں
رَنّاں دیاں اک اک کر کے سِر توں پیراں تائیں
وارو واری چسکے لَےلَے کراں میں صِفت ثنائیں
تاں تے مینوں چنگیاں جانو، میریاں واراں گاؤ
میرے اِک اِک مصرعے اُتے رالاں پئے وگاؤ
جے میں آکھاں اسیں تسیں آں اک آدم دے جائے
کیوں مُڑ اک وگاراں کٹےتے اک ویلھیاں کھائے
جے میں آکھاں دنیا اُتے بے گھر کوئی نہ ہووے
جے میں آکھاں بُڈھے ویلے ٹوکری کوئی نہ ڈھووے
جے میں آکھاں مِسّا لونا سارے رَل کے کھائیے
اک دوجے دیاں باہنواں بنئے نالے بھا ر ونڈائیے
جے میں آکھاں جھگڑیاں والیاں ساریاں مِسلاں ٹھپئے
مار مکاوو گلاں دے وِچ ناں ہفئے ناں کھپئے
تاں میں بھیڑا تاں میں جھوٹھا، میرے بول اوَلے
چنگ تہاڈی ہٹی وِکدا، سچ تہاڈے پلّے
۔ ۔ ۔ ۔ ۔ ۔ ۔ ۔ شریف کنجاہی

جنی جنی سمجھ آئی اے ۔۔۔ہو تے کمال ہے

زبیر مرزا فلک شیر غدیر زھرا نیرنگ خیال نیلم سید زبیر شمشاد نایاب محمود احمد غزنوی باباجی بھلکڑ

بہت زبردست کلام اے جی خوش ہو گیا پڑھ کے میں تے شریف کنجاہی ہوراں دی مداح بن گئی آں ونڈن لئی شکریہ

اَج میں بھیڑا ، اَج میں جھوٹھا، میرے بول اوَلے
چنگ تہاڈی ہٹی وِکدا، سچ تہاڈے پلّے

مزید نمائش کے لیے کلک کریں۔۔۔

کیا بات ہے جی۔ بہت ودیا۔

کی کمال دی شاعری اے سرکار۔۔۔۔ 3 توں 4 واری چسکے لے لے پڑھ ریا واں۔۔۔ تے سواد ہر واری وددا جاندا اے۔۔۔ قسمیں۔۔۔ ہاے۔۔۔۔ تعریف کرنا سوکھا نئیں۔۔۔ چنگ تہاڈی ہٹی وکدا سچ تہاڈے پلے۔۔۔۔ واہ سئیں واہ

واہ جناب بہت زبردست کلام اے۔۔۔۔۔۔۔
ہر مصرعے اولا چس دتا جناب۔۔۔۔ کمال ای کردتا اے شریف کنجاہی اوراں
تے بقول اونہاں دے ۔۔۔۔۔
وارو واری چسکے لَےلَے کراں میں صِفت ثنائیں
تے ہر مصرعے دی صفت ثنا کرن والی اے۔۔۔۔۔

چنگ تہاڈی ہٹی وکدا سچ تہاڈے پلّے۔۔۔۔بلّے بئی بلّے

بنا شک ۔ چس آ جاندی اے کنجاہی ہوراں دا کلام پڑھدیاں ۔۔۔۔۔