عبدالقیوم چوہدری — جولائی 30، 2014 9:28 شام
میں بابے دا محرم حقہ
میتھوں ججا قسم چوالے
میں بابے دا قاتل نئیں
میں بابے دا کلہا یا ر
جہڑابابا مرن دے ویلے بھکدا نئیں سی
جے اے ملزم بھکدا ہوندا
گڑ گڑ کرکے گلاں لاکے
اے بابے نوں مرن ناں دیندا
میں بابے دا محرم حقہ
میتھوں ججا قسم چوالے
میں بابے دا قاتل نئیں
سچ پچھیں تے
اس بابے نوں پہلی کھنگ اودوں آئی سی
جد بابے طیفے دی ماں نوں
نوہ دے ہتھ کٹیندا ڈٹھا
ہاں وے ججا
اس بابے دا پہلا اتھرو اودوں ڈگا
جد بابے دی بابی مر گئی
میں بابے دا محرم حقہ
میتھوں ججا قسم چوالے
میں بابے دا قاتل نئیں
تے سن ججا
اس بابے نوں پہلا دورا اودوں ہویا
جد بابے دا مجی بستر
تے بابے دا نان پیالہ
وکھرا ہویا
بابامارن والے قاتل
اونے جہڑے
اپنی کھیڈ کھلارن دے لئی
بُڈا بابا وکھرا کر کے
تیرے در تے آجاندے نیں
میتھوں ججا قسم چوالے
میں بابے دا قاتل نئیں
۔۔۔۔۔۔۔
شاعر : محمد صابر
شمشاد — جولائی 30، 2014 9:40 شام
ودیا جی ودیا۔
سید زبیر — جولائی 31، 2014 5:02 صبح
تے سن ججا
اس بابے نوں پہلا دورا اودوں ہویا
جد بابے دا مجی بستر
تے بابے دا نان پیالہ
وکھرا ہویا
سوہنڑا تے سُچا ۔
عبدالقیوم چوہدری — جولائی 31، 2014 7:26 صبح
تے سن ججا
اس بابے نوں پہلا دورا اودوں ہویا
جد بابے دا مجی بستر
تے بابے دا نان پیالہ
وکھرا ہویا
سوہنڑا تے سُچا ۔
نوازش
نایاب — جولائی 31، 2014 8:14 صبح
ڈونگی تے سوہنی شراکت
ڈھیر دعاواں ۔۔۔
خالد محمود چوہدری — جولائی 31، 2014 8:35 صبح
نا کر یار اینا سچ نئیں بولیدا
عبدالقیوم چوہدری — جولائی 31، 2014 10:04 صبح
ڈونگی تے سوہنی شراکت
ڈھیر دعاواں ۔۔۔
جزاک اللہ
عبدالقیوم چوہدری — جولائی 31، 2014 10:08 صبح
نا کر یار اینا سچ نئیں بولیدا
عبدالقیوم چوہدری — اگست 1، 2014 12:40 شام
تلمیذ — اگست 1، 2014 12:59 شام
بہت ودھیا، چودھری صاحب۔
نیرنگ خیال,
نیرنگ خیال — اگست 1، 2014 2:48 شام
چوہدری صاب واقعی ودھیا کلام اے۔۔۔ شراکت دا شکریہ
بہت ودھیا، چودھری صاحب۔
نیرنگ خیال,
سر جی ایہہ کدھرے اپنے محفل آلے
محمد صابر دا کلام تے نئیں۔
فلک شیر — اگست 1، 2014 2:51 شام
سوہنی شراکت ۔۔۔۔
عمر سیف — اگست 1، 2014 2:56 شام
بہت خوب
تلمیذ — اگست 1، 2014 3:08 شام
چوہدری صاب واقعی ودھیا کلام اے۔۔۔ شراکت دا شکریہ
سر جی ایہہ کدھرے اپنے محفل آلے
محمد صابر دا کلام تے نئیں۔
ایہہ تے جناب
عبدالقیوم چوہدری, ای دس سکدے نیں۔ میں ایسے لئی تہانوں ٹیگ کیتا سی کیوں جے تسیں وی محمد صابر ہورا ں دا کلام پوسٹ کردے ہوندے او۔
عبدالقیوم چوہدری — اگست 1، 2014 3:59 شام
ایہہ تے جناب
عبدالقیوم چوہدری, ای دس سکدے نیں۔ میں ایسے لئی تہانوں ٹیگ کیتا سی کیوں جے تسیں وی محمد صابر ہورا ں دا کلام پوسٹ کردے ہوندے او۔
جہڑے محمد صابر ہوری پنجابی شاعری کردے نیں اُناں دے کلام وچ مینوں اے نظم نئی سی ملی۔ میں جناب محمد صابر ہوراں نوں پیغام لکھیا اے، جواب آ جائے تے فیر دسنا آں۔
نیرنگ خیال — اگست 1، 2014 5:58 شام
ایہہ تے جناب
عبدالقیوم چوہدری, ای دس سکدے نیں۔ میں ایسے لئی تہانوں ٹیگ کیتا سی کیوں جے تسیں وی محمد صابر ہورا ں دا کلام پوسٹ کردے ہوندے او۔
جی ایہہ صابر علی صابر ہوراں دا ہی کلام اے۔ اوہ عام طور تے اپنا ناں صابر علی صابر ورتدے نیں تے تاں واسطے مینوں بھلیکھا پے گیا۔
عبدالقیوم چوہدری — اگست 1، 2014 6:37 شام
جی ایہہ صابر علی صابر ہوراں دا ہی کلام اے۔ اوہ عام طور تے اپنا ناں صابر علی صابر ورتدے نیں تے تاں واسطے مینوں بھلیکھا پے گیا۔
صابر علی صابر تے محمد صابر دو الگ الگ شاعر ہونے نیں ؟
نیرنگ خیال — اگست 1، 2014 6:52 شام
صابر علی صابر تے محمد صابر دو الگ الگ شاعر ہونے نیں ؟
ہو سکدا اے سر۔۔۔ مینوں پتا نئیں۔
عبدالقیوم چوہدری — اگست 1، 2014 6:57 شام
جی ایہہ صابر علی صابر ہوراں دا ہی کلام اے۔ اوہ عام طور تے اپنا ناں صابر علی صابر ورتدے نیں تے تاں واسطے مینوں بھلیکھا پے گیا۔
ہو سکدا اے سر۔۔۔ مینوں پتا نئیں۔
اے نظم محمد صابر ہوراں دی اے، جہیڑے ریاض سعودی عرب وچ مقیم نیں تے سرگودھا پاکستان تو اِنا دا تعلق اے۔ اِنا دی شاعری دامجموعہ اک کتاب 'قلندوار' دے ناء تو پبلش ہو چکیا اے۔
میری انا نال تھوڑی دیر پہلاں ای گل ہوئی اے
شمشاد — اگست 1، 2014 7:49 شام
میں بابے دا محرم حقہ - ایک اور ویڈیو