میں دھرتی دیس پنجاب دی

عبدالقیوم چوہدری — نومبر 18، 2016 6:27 شام

میں دھرتی دیس پنجاب دی
میرا جثہ لیرو لیر
میرے منہ تے جندرے چپ دے
میرا پیراں دھرم زنجیر
مینوں راکھیاں پائیاں بیڑیاں
میں گھار وچ ہوئی اسیر
مینوں ویریاں کی سی مارنا
میرے سجناں بھنے تیر
میرے رانجھے کیدو ہو گئے
میرے مرزے، خان شمیر
اج جنم جنم دیاں وَیریاں
میری سامب لئی تقدیر
میتھوں نانک بلھے کُھس گئے
میری جھولی غالب، میر
مینوں میرے پُتر ماردے
میریَاں ویریاں نال رل

حمیرا عدنان — نومبر 18، 2016 6:36 شام

واہہہ بہت ودھیا چوہدری صاحب

ہارون اعجاز — نومبر 23، 2016 7:56 صبح

بہت زبردست پا جی

ابو ہاشم — نومبر 23، 2016 12:21 شام

نال اردو ترجمہ وی لکھ دتا کرو ۔انج پنجابی'چ لوکاں دی دلچسپی ودھے گی

رومانہ چوہدری — نومبر 30، 2016 5:11 صبح

عبدالقیوم چوہدری نے کہا:
میتھوں نانک بلھے کُھس گئے
میری جھولی غالب، میر

سچائی۔ بہت خوب