عبدالقیوم چوہدری — جنوری 16، 2021 4:53 صبح
اکھاں دی دہلیز تے
بیٹھی ہوئی رِیجھ نوں
چن دی اُڈیک نے
کیتی اے کویل وے
بُھکھا بھانا سوں گئیا
ہنجوواں دا میل وے
بُلھاں دی بنیر تے
سُتی ہوئی ڈانجھ نوں
بدلاں دی تانگھ نے
کیتا اے فقیر وے
کھیڑیاں نوں پچ گئی
رانجھنے دی ہیر وے
سوچاں دی دھریک تے
ٹنگی ہوئی یاد نوں
واء دے سلوک نے
کر دِتا دُور وے
ایدکاں وی انبیاں نوں
لگیا نہیں بُور وے
دِلاں دی دیوار تے
جمّی ہوئی سانجھ نوں
وِتھاں دی جھریٹ نے
دِتا اے اُدھیڑ وے
شیشیاں چ پئی ہوئی
جاندی نہیں تریڑ وے
ساہواں دے سریر تے
اُگی ہوئی آس نوں
دُھپ دی ہواڑ نے
دِتا اے مدھول وے
شُوکدا اے سپ کوئی
ٹالھیاں دے کول وے
۔۔
ارشاد سندھو
شمشاد — جنوری 16، 2021 6:00 صبح
واہ واہ، بہت خوب چوہدری صاحب
بہت سوہنا کلام ہے۔
شکریہ بہت بہت۔
جاسمن — جنوری 16، 2021 3:44 شام
واہ واہ کیہہ ودھیا تے سوہنا کلام اے۔ جی کردا اے اینہو کسے نہر دے کنڈے یا فیر کسے ٹالی تھلے بہہ کے مزے نال پڑھیے۔
بہت شکریہ۔
لاریب مرزا — جنوری 16، 2021 3:54 شام
خوب!!
ایس ایس ساگر — جنوری 16، 2021 3:55 شام
اکھاں دی دہلیز تے
بیٹھی ہوئی رِیجھ نوں
چن دی اُڈیک نے
کیتی اے کویل وے
بُھکھا بھانا سوں گئیا
ہنجوواں دا میل وے
بُلھاں دی بنیر تے
سُتی ہوئی ڈانجھ نوں
بدلاں دی تانگھ نے
کیتا اے فقیر وے
کھیڑیاں نوں پچ گئی
رانجھنے دی ہیر وے
سوچاں دی دھریک تے
ٹنگی ہوئی یاد نوں
واء دے سلوک نے
کر دِتا دُور وے
ایدکاں وی انبیاں نوں
لگیا نہیں بُور وے
دِلاں دی دیوار تے
جمّی ہوئی سانجھ نوں
وِتھاں دی جھریٹ نے
دِتا اے اُدھیڑ وے
شیشیاں چ پئی ہوئی
جاندی نہیں تریڑ وے
ساہواں دے سریر تے
اُگی ہوئی آس نوں
دُھپ دی ہواڑ نے
دِتا اے مدھول وے
شُوکدا اے سپ کوئی
ٹالھیاں دے کول وے
واہ۔عمدہ کلام۔
شریک محفل کرنے کا شکریہ بھائی۔
عبدالقیوم چوہدری — جنوری 16، 2021 7:08 شام
واہ واہ کیہہ ودھیا تے سوہنا کلام اے۔ جی کردا اے اینہو کسے نہر دے کنڈے یا فیر کسے ٹالی تھلے بہہ کے مزے نال پڑھیے۔
بہت شکریہ۔
وا جی وا۔
میں کل توں ایس کلام نوں خورے پنجی تری واری اک ردھم نال گنگنا چکیا آں۔ اُنج وی مینوں ایس اچ چڑھدے پنجاب دے منے پرمنے شاعر شو کمار بٹالوی ہوراں دی دِس پئی پیندی اے۔
سندھو صاحب نے کمال ای کر دتا اے۔
فرخ منظور — جنوری 21، 2021 1:01 شام
کڑیاں دےجذبات دی خوب منظر نگاری کیتی اے
نیرنگ خیال — جنوری 21، 2021 2:38 شام
ساہواں دے سریر تے
اُگی ہوئی آس نوں
دُھپ دی ہواڑ نے
دِتا اے مدھول وے
شُوکدا اے سپ کوئی
ٹالھیاں دے کول وے
ودھیا۔۔۔ مزا آگیا چوہدری صااب۔۔۔۔
نیرنگ خیال — جنوری 21، 2021 2:38 شام
اُنج وی مینوں ایس اچ چڑھدے پنجاب دے منے پرمنے شاعر شو کمار بٹالوی ہوراں دی دِس پئی پیندی اے۔
سچ کیہا