کھلے رنگ شباباں دے نیں

تنویرسعید — مارچ 3، 2009 9:15 شام
کھلے رنگ شباباں دے نیں
کھلے رنگ شباباں دے نیں
سارے رُوپ عذاباں دے نیں
دل وچ میل اے لوکاں دے پر
ہتھ وچ پھُل گُلاباں دے نیں
اوہ وی سانُوں پیار سی کردا
ہُن ایہہ قصے خواباں دے نیں
وچوں ہر کوئی اکو ورگا
سارے فرق حجاباں دے نیں
ساڈے گل وچ غم دی مالا
اُس دے ہار گُلاباں دے نیں
محمد وارث — مارچ 4، 2009 5:30 شام
آصف ایناں خرچ نیئں کردے
ایہہ تے کم نواباں دے نیں
مقطع شاید تساں ایس لئی نیں لکھیا کہ کوئی شاعر نوں پہچان نہ لئے :)
ایہہ خوبصوت کلام ساڈی سوہنی محفل دے سوہنے شاعر جناب آصف شفیع ہوراں دا اے۔
علی ذاکر — مارچ 5، 2009 3:26 شام
چنگا کلام لکھیا اے

Archived from: https://www.urduweb.org/mehfil/threads/%DA%A9%DA%BE%D9%84%DB%92-%D8%B1%D9%86%DA%AF-%D8%B4%D8%A8%D8%A7%D8%A8%D8%A7%DA%BA-%D8%AF%DB%92-%D9%86%DB%8C%DA%BA.19831/