انور مسعودگل کسے کیتی سی

گل کِسے کیتی سی
ہورے کیہڑی گل سی
ہورے کِنے کیتی سی
ہورے کدوں کیتی سی
ہورے کی تاریخ سی
ہورے کیہڑا وار سی
رب جانے بدھ سی یا اتوار سی
ہورے کیہڑا ویلا سی
شام دا ہنیرا سی
کہ فجری دا نور سی
کوئی اُگ سُگ نہیں ،ٹھنڈ سی کہ نِگ سی
تُپ سی کہ چھاں سی
شہرسی گراں سی
ہورے کیہڑی تھاں سی
ہورے کیہڑی رُت سی
آمبیاں تے آمب سن یا اجے بُھور سی
چِیتے دی پڑولی دیاں گوٹھاں پیا پھولناں
ویلے دیاں لیراں والا کِیھنوں پیا کھولناں
گل کِسے کِیتی سی
تے گل کیوئیں کیتی سی
جِنے کِنے کیتی سی
اوہ نیٹرے سی کہ دور سی
گل دا سواد ہوندا
ہورے کی سواد سی
پھیکی سی، کراری سی
کَھٹی سی، کھاری سی
تُمے وانگوں کوڑی سی
کہ یاں موتی چور سی
گل کوئی ضرور سی
​