کل جو اردو محفل پر بہت پیار آیا تو کچھ اشعار قلم بند ہو گئے 
سو بصد احترام و عقیدت پیشِ خدمت ہیں:قطعہ
محفِلِ اردو تجھے میرا سلام
اے دِلِ اردو تجھے میرا سلام
اس جہانِ برق، دل و جاں سوز میں
تُو گِلِ اردو، تجھے میرا سلامقطعہ
زینتِ اردو ہے تُو اور شان بھی
رونقِ اردو ہے تُو اور جان بھی
فرض کیجے نیٹ کو گر دنیا تو پھر
کعبۂ اردو ہے تُو، ایمان بھیرباعی
کیا محفلِ اردو کی کروں میں توصیف
ثانی ہے کوئی جس کا نہ کوئی ہے حریف
دیکھے ہیں کثافت سے بھرے فورم، پر
اک نور کی محفل ہے، ہے اتنی یہ لطیف
ہم کو آتی ہے پیار پر اردو
ان کو اردو پہ پیار آتا ہے
-------- زبانِ غیر میں کیا تم سے گفتگو کیجے
-------- جو کیجئے تو بس اردو میں گفتگو کیجے
کیا بات ہے جناب واہ واہ ،، بہت خوبصورت قطعات اور رباعی ہے ۔
یعنی ’’ وہ الگ باندھ کے رکھا ہے جو مال اچھا ہے ‘‘
سدا سلامت رہیں جناب
والسلام