کونسی لغت سے؟
ظہیر بھائی، کچھ اس تخلیق کا پس منظر بھی بیان ہو۔
اگر آج کی تاریخ اس کا پس منظر نہیں۔
فاتح بھائی پس منظر اس "تخلیق" کا وہی ہے جو عالمی یومِ مذاق یعنی اپریل کی یکم کو ہونا چاہئے۔ ان دنوں محفل پر لاگ ان ہونے کا موقع ہفتوں نہیں ملتا ۔ بس دور ہی سے تانک جھانک کرلیتا ہوں ۔ آجکل محفل کی فضا خاصی خشکی مائل اور بوجھل ہوگئی ہے ۔ یومِ پاکستان کے فورا بعد اب لسانی اور علاقائی تفرقات پر باتیں ہونے لگی ہیں ۔ سو کل جب میں درو دیوار کے بیچ والی غزل لگانے کے لئے آیا تو اتفاق سے اسی دوران کیلینڈر پر تاریخ بدل گئِ اور احساس ہوا کہ مارچ ختم اور اپریل شروع ہوگیا ہے یعنی آج عالمی یومِ مذاق ہے ! بس اسی وقت رگِ شرارت پھڑک اٹھی۔ خلیل بھائِ کی وزل یاد آئی اور ان کا مشہور لفظ" لم گشتگی" اس کا محرک بن گیا ۔ بس یونہی ہنسے ہنسانے کے لئے مفاعیلن کے وزن پر الفاظ گھڑ گھڑ کر رکھتا گیا ۔ دس سے گیارہ منٹ میں یہ "غزل" تمام ہوگئِ۔ آج کل پھرسے (تیسری دفعہ) عربی سیکھنا شروع کیا ہوا ہے ۔ کہتے ہیں کہ کسی بھی تین عربی حروف کو باہم ملادیا جائے تو تقریبا ہر بار ایک بامعنی لفظ بن جاتا ہے ۔ اور پھر اس لفظ کی پوری گردان صرفی اصولوں کے تحت بنانا تو کچھ دشوار نہیں ۔ بس میں نے یہی کیا کہ وزن پورا کرنے کے لئے سہ حرفی اور
چار حرفی لفظ بناتا گیا کہ جسے انگریزی میں neologism کہئے ۔ مجھے امید تھی کہ لوگ پڑھ پڑھ کر ہنسنا شروع ہوجائیں گے اور کچھ ہلا گلا رہے گا ۔ غزل ہی کی قسم کے کچھ تبصرے آئیں گ ے۔کچھ مسکراہٹیں پیدا ہوں گی ۔ لیکن میں آپ لوگوں کو پریشان کرنے کی بہت معذرت چاہتا ہوں ۔ اب احساس ہورہا ہے کہ محفل پر میرا امیج بہت سنجیدہ قسم کا بن گیا ہے اور لوگ شاید مجھ سے کسی مذاق وغیرہ کی توقع نہیں رکھتے ۔ یہ تو میرے لئے تشویش کی بات ہے ۔ اب آئندہ سے مجھے لطیفے والی لڑائیوں میں بھی باقاعدہ جانا پڑے گا ۔
