تلاشِ زیست میں اک روز مر کے دیکھیں گے۔ فاتح الدین بشیر

وارث صاحب کے ارشاد کی مزید تعمیل اور فرخ صاحب کی حوصلہ افزائی کہ "اگر وہ کھچ تھی تو یہ اس سے بڑی ہے" نے "اکسایا" کہ یہ تک بندی بھی آپ کی نازک سماعتوں / بصارتوں پر بار گراں کے طور پر لاد دوں۔ تو پیش ہے:

واہ واہ کیا ہی خوب غزل ہے قبلہ - آپ مزید "کھچیں" مارتے رہیں اگر یہ کھچ ہے تو غزل کیا ہوگی -

سخنور نے کہا:

واہ واہ کیا ہی خوب غزل ہے قبلہ - آپ مزید "کھچیں" مارتے رہیں اگر یہ کھچ ہے تو غزل کیا ہوگی -

مزید نمائش کے لیے کلک کریں۔۔۔

پسند کرنے کا بہت شکریہ جناب۔ اور "غزل" تو آپ سے دوبارہ ملاقات پر لکھوں گا تا کہ کہہ سکوں؂
مرے سامنے اک مجسم غزل ہے
غزل دیکھ کر میں غزل کہہ رہا ہوں

ویسے تو ایسے عالم فاضل لوگوں میں ہم سا ان پڑھ تو یونہی معلوم ہوتا ہے گویا کپاس کے کھیت میں کوئی کالا بھینسا آ گھسا ہو تاہم کوئی بات نہیں جب تک کپاس کے کھیت ہیں یہ تو ہوتا رہے گا الا یہ کہ کاشتکار کھیت میں پانی اور پانی میں کرنٹ چھوڑ دیں۔

تلاشِ زیست میں اک روز مر کے دیکھیں گے
ہم اشک بن کے تری چشمِ تر کے دیکھیں گے

مزید نمائش کے لیے کلک کریں۔۔۔

واہ صاحب کیا مناسبت ہے دو مصرعوں کو باہم! کیا ضرب دی ہے!
لیکن گر اس سانحے کے بعد محبوب بتاشے بانٹنے نکل کھڑا ہوا تو دوسرے مصرعے کا کیا ہوگا؟
پھر تو وارث صاحب کے برعکس شاعری محض قیل و قال رہ جائے گی۔

خرد جنوں کو، جنوں کو خرد کیا ہے بہت
کمال اب کے ہم اپنے ہنر کے دیکھیں گے

مزید نمائش کے لیے کلک کریں۔۔۔

یہ پہلا مصرعہ ہمیں وہ مقولہ یاد دلاتا ہے کہ بے کار مباش کچھ کیا کر اور کچھ نہیں کپڑے ہی پھاڑ پھاڑ سیا کر۔

بنامِ قلزمِ حزن و ملال ہم بھی بشیر
ڈبو کے دل کو تماشے بھنور کے دیکھیں گے

مزید نمائش کے لیے کلک کریں۔۔۔

یہ قلزم ملال و حزن کا پانی کافی تیزابی خواص کا حامل ہوتا ہے انسان گھلتا چلا جاتا ہے دریا کے کنارے پڑے کچی مٹی کے ڈھیلے کی مانند۔
تاہم آپ اس کیفیت میں بھی تماشے کی فرصت رکھتے ہیں تو زندہ دلی پر دلیل ہے۔
بہت خوب غزل ہے ماشا اللہ! بلکہ ہمیں کھچ کا کوئی اردو متبادل نہیں ملا کہئے تو ایک نئی صنف کی طرح ڈال دیتے ہیں بنام 'کھچل'۔
آخر میں فاتح صاحب ہمارا ایک معصوم سا سوال ہے اور وہ یہ کہ آج کل آپ ملنے کا کیا لیتے ہیں؟
ہماری تو نہ فون کال اٹھاتے ہیں نہ کہیں آن لائن نظر آتے ہیں۔
بہرطور، غزل بہت خوب ہے تو ہم کچھ ہذیان بکنے پر مجبور ہوئے امید ہے برا نہیں مانیں گے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم فاتح الدین صاحب۔
آپ کی مرصع اور بلیغ غزل نظر نواز ہوئی ، مجھے یہ شرف پہلی بار حاصل ہوا ہے کہ مجھے آپ کا کلام پڑھنے کو ملا۔میں نے اپنی سی کوشش کی ہے کہ آپ کی غزل کو مصورانہ آہنگ میں بیان کروں ، یقینا یہ بڑی بے ادبی ہے، مگر کیا کروں کوئی اور جائے اماں نہیں ہے۔مطلع تا مقطع سبھی اشعار ایک سے بڑھ کر ایک ہیں۔بحیثیتِ مجموعی غزل کلاسیکی رویے کی طرحداد نظر آتی ہے مگر آپ کی مصرع لکھنے کی قدرت نے اس تاثر کو قدرے کم کردیا ہے ۔میری جانب سے ایک بھرپور غزل پر صمیمِ قلب سے مبارکباد اور اظہارِ تشکّر۔
طالبِ دعا

ایک اور انتہائی خوبصورت غزل کیلیئے بہت شکریہ فاتح صاحب، لاجواب غزل ہے یہ بھی، واہ واہ واہ
تلاشِ زیست میں اک روز مر کے دیکھیں گے
ہم اشک بن کے تری چشمِ تر کے دیکھیں گے
جنونِ منزلِ جاناں کی ہُوک ماند پڑی
تو خار و سنگ بھی راہِ سفر کے دیکھیں گے
بنامِ قلزمِ حزن و ملال ہم بھی بشیر
ڈبو کے دل کو تماشے بھنور کے دیکھیں گے
کمال ہے بھئی، واہ واہ، مطلع میں تشبیہات اور صنعتوں کے استعمال نے اسے چار چاند لگا دیے ہیں۔
ھل من مزید ۔۔۔۔۔۔۔۔۔۔۔۔۔

محسن حجازی نے کہا:

آخر میں فاتح صاحب ہمارا ایک معصوم سا سوال ہے اور وہ یہ کہ آج کل آپ ملنے کا کیا لیتے ہیں؟
ہماری تو نہ فون کال اٹھاتے ہیں نہ کہیں آن لائن نظر آتے ہیں۔

مزید نمائش کے لیے کلک کریں۔۔۔

جناب! آپ فکر نہ کریں آپ کے تمام کیسز ہمارے پاس ہی آئیں گے اور تب سمن بھیج کر بلوا لیں گے ہم (اللہ نہ کرے)
ویسے غزل پسند کرنے کا بہت شکریہ۔ لیکن یوں خالی خولی مکھن لگا کر آپ قانون کے رکھوالوں کو اپنے ہاتھ میں نہیں لے سکتے

واہ واہ محسن بہت ہی خوب لکھتے ہو بھائی - مگر کوئی مضمون بھی لکھ ڈالو کوئی انشائیہ یا خاکہ -

م۔م۔مغل نے کہا:

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

[FONT="Urdu_Umad_Nastaliq"][FONT="Urdu_Emad_Nastaliq"]محترم فاتح الدین صاحب۔
آپ کی مرصع اور بلیغ غزل نظر نواز ہوئی ، مجھے یہ شرف پہلی بار حاصل ہوا ہے کہ مجھے آپ کا کلام پڑھنے کو ملا۔میں نے اپنی سی کوشش کی ہے کہ آپ کی غزل کو مصورانہ آہنگ میں بیان کروں ، یقینا یہ بڑی بے ادبی ہے، مگر کیا کروں کوئی اور جائے اماں نہیں ہے۔مطلع تا مقطع سبھی اشعار ایک سے بڑھ کر ایک ہیں۔بحیثیتِ مجموعی غزل کلاسیکی رویے کی طرحداد نظر آتی ہے مگر آپ کی مصرع لکھنے کی قدرت نے اس تاثر کو قدرے کم کردیا ہے ۔میری جانب سے ایک بھرپور غزل پر صمیمِ قلب سے مبارکباد اور اظہارِ تشکّر۔
طالبِ دعا[/FONT][/FONT]

مزید نمائش کے لیے کلک کریں۔۔۔

واہ واہ واہ۔۔۔ آپ نے بندہ کی یاوہ گوئی کے عیوب کو مصوری کے پردے میں یوں چھپا دیا ہے کہ اب واقعی یہ کسی قدر غزل غزل سی لگنے لگی ہے۔
بہت ہی خوبصورت۔ بہت شکریہ جناب۔
اس دھاگے پر آنے والی تمام پذیرائی آپ کے نام۔
رہی بات پہلی مرتبہ پڑھنے کی تو یوں تو عرصہ سے محفل کا ممبر ہونے کا شرف حاصل ہے لیکن صرف ایک مرتبہ اپنی تک بندی محفل پر رکھی تھی جس کا ربط یہ ہے:
http://www.urduweb.org/mehfil/showthread.php?t=7671
اس کے بعد ہمت ہی نہ ہوئی اتنے عالی مرتبت شعرا و ناقدین کے سامنے دریدہ دہن ہو سکوں لیکن گذشتہ روز وارث صاحب کے حکم پر ایک مرتبہ پھر یہ کارِ گناہ سرزد ہو گیا اور یہ رہا اس کا ربط:
http://www.urduweb.org/mehfil/showthread.php?t=13444
ویسے آپ کی تعریف پڑھ کر میں اپنی اوقات سے زیادہ خوش ہو رہا ہوں۔

بہت زبردست لکھتے ہیں فاتح بھائی ۔۔ ماشاء اللہ ۔۔۔:clapp:
یہ آپ نے گوشہ نشینی اس لئے تو نہیں اختیار کی ہوئی آجکل کہ شاعری پر طبع آزمائی کی جائے ۔۔۔:tounge:

محمد وارث نے کہا:

ایک اور انتہائی خوبصورت غزل کیلیئے بہت شکریہ فاتح صاحب، لاجواب غزل ہے یہ بھی، واہ واہ واہ
تلاشِ زیست میں اک روز مر کے دیکھیں گے
ہم اشک بن کے تری چشمِ تر کے دیکھیں گے
جنونِ منزلِ جاناں کی ہُوک ماند پڑی
تو خار و سنگ بھی راہِ سفر کے دیکھیں گے
بنامِ قلزمِ حزن و ملال ہم بھی بشیر
ڈبو کے دل کو تماشے بھنور کے دیکھیں گے
کمال ہے بھئی، واہ واہ، مطلع میں تشبیہات اور صنعتوں کے استعمال نے اسے چار چاند لگا دیے ہیں۔
ھل من مزید ۔۔۔۔۔۔۔۔۔۔۔۔۔

مزید نمائش کے لیے کلک کریں۔۔۔

حضور! اگر یوں آپ نے زلفوں کی طرح ہمیں سر پر چڑھا لیا تو ہم بھی انہی کی طرح رخساروں کو نہ سہی پیشانی کو ضرور چھیڑتے رہیں گے۔
بقول غوث خوامخواہ؂
خوامخواہ چھیڑتی رہتی ہیں یہ رخساروں کو
تم نے زلفوں کو بہت سر پہ چڑھا رکھا ہے
خوشی سے پھولے نہ سماتے ہوئے آپ کی محبتوں اور حوصلہ افزائی کا شکریہ ادا کرنا تو بھول ہی گیا۔ اب مراسلہ مدون کرنا پڑا۔ شکریہ بھی اور معذرت بھی

سارہ خان نے کہا:

بہت زبردست لکھتے ہیں فاتح بھائی ۔۔ ماشاء اللہ ۔۔۔:clapp:
یہ آپ نے گوشہ نشینی اس لئے تو نہیں اختیار کی ہوئی آجکل کہ شاعری پر طبع آزمائی کی جائے ۔۔۔:tounge:

مزید نمائش کے لیے کلک کریں۔۔۔

سارہ بہن سب سے پہلے تو پذیرائی کا شکریہ۔ اور جہاں تلک گوشہ نشینی میں شاعری کا تعلق ہے تو یہ کافی پرانی لکھی ہوئی ہے۔ آج کل شاعری نہیں ہوتی مزدوری ہوتی ہے۔

بہت خوب جناب محترم کیا بات ہے آپ کی کیا خوب غزل کہی ہے آپ نے بہت اعلیٰ جناب
خرد جنوں کو، جنوں کو خرد کیا ہے بہت
کمال اب کے ہم اپنے ہنر کے دیکھیں گے
کیا خوب شعر ہے

خرم شہزاد خرم نے کہا:

بہت خوب جناب محترم کیا بات ہے آپ کی کیا خوب غزل کہی ہے آپ نے بہت اعلیٰ جناب
خرد جنوں کو، جنوں کو خرد کیا ہے بہت
کمال اب کے ہم اپنے ہنر کے دیکھیں گے
کیا خوب شعر ہے

مزید نمائش کے لیے کلک کریں۔۔۔

پذیرائی کا بہت شکریہ خرم۔
ویسے آپ نے جس شعر پر پسندیدگی کا اظہار فرمایا وہ آج ہی کی تخلیق ہے ورنہ باقی چار اشعار تو چار سال سے بھی پرانے ہیں۔

فاتح نے کہا:

پذیرائی کا بہت شکریہ خرم۔
ویسے آپ نے جس شعر پر پسندیدگی کا اظہار فرمایا وہ آج ہی کی تخلیق ہے ورنہ باقی چار اشعار تو چار سال سے بھی پرانے ہیں۔

مزید نمائش کے لیے کلک کریں۔۔۔

اس پر ہمیں وہ قصائی یاد آ گیا جو گوشت میں ففٹی ففٹی کی ملاوٹ کیا کرتا تھا۔ پوچھنے پر کہنے لگا کہ ایک بھینسا اور ایک مرغ!
سارہ روپوشی کی وجوہات جاننے کے لیے ہم جلد ملاقات کر رہے ہیں ان سے۔

اچھا ۔۔ کمال ہوجائے گا یہ آپ سے ملاقات کر لیں گے اگر تو ۔۔ ان کے پاس ایک سو ایک بہانے ہوتے ہیں روپوشی کے وہ ہی آپ کو کو بھی سنا دیں گے ۔۔۔

سارہ خان نے کہا:

اچھا ۔۔ کمال ہوجائے گا یہ آپ سے ملاقات کر لیں گے اگر تو ۔۔ ان کے پاس ایک سو ایک بہانے ہوتے ہیں روپوشی کے وہ ہی آپ کو کو بھی سنا دیں گے ۔۔۔

مزید نمائش کے لیے کلک کریں۔۔۔

ارے انہیں ہمارے تمام ٹھکانوں کا علم ہے لہٰذا ان کے آگے بہانے نہیں چل سکتے۔ محض معذرت سے کام چلایا جا سکے تو شاید

محمداحمد نے کہا:

فاتح صاحب،
عمدہ غزل ہے ، پڑھ کر لطف آیا۔ نذرانہء تحسین پیشِ خدمت ہے۔ قبول کیجے۔

مزید نمائش کے لیے کلک کریں۔۔۔

سراہنے کا بہت شکریہ جناب محمد احمد صاحب۔

خرد جنوں کو، جنوں کو خرد کیا ہے بہت
کمال اب کے ہم اپنے ہنر کے دیکھیں گے
بنامِ قلزمِ حزن و ملال ہم بھی بشیر
ڈبو کے دل کو تماشے بھنور کے دیکھیں گے
واہ واہ، واہ کیا بات ہے۔