میں اس غزل کی تشریح کا سوچ رہا ہوں جس کا شعر آپ نے اپنی مراسلے میں بطور حوالہ پیش کیا ہے۔۔۔ معنی گم شم سامع وامع۔۔
ظہیراحمدظہیر — اکتوبر 23، 2022 6:05 شام
پنج پیارےشاہ صاحب میں خواہ مخواہ الجھا نہیں کرتا لیکن ظہیر صاحب نے خاکسار کا ذکر کیا تھا اور آپ نے حد لگا دی کہ "اصل میں ان پیاروں کے پاس داد کے سوا کوئی چارہ نہیں" سو عرض کر رہا ہوں۔ آپ نے مجھے "پنج پیاروں" میں شامل کیا شکریہ محترم۔ باقی رہا چارہ تو مجھے یہاں پندرہ سال ہو گئے ہیں کبھی مروت میں واہ واہ نہیں کی، آپ کو یقین نہ آئے تو اس زمرے کی لڑیاں کھنگال لیں، اس خاکسار کے مراسلے آٹے میں نمک کے برابر ملیں گے۔ فیس بُک پر تو اتنے بھی نہیں ہیں گو وہاں شاعری یہاں کے مقابلے میں ہزاروں گنا زیادہ ہے اور اسکی وجہ صرف ایک ہے، کوئی شعر کوئی غزل میرے دل کو چھوتی ہے تو تبصرہ کرتا ہوں وگرنہ پڑھ پڑھا کر آگے گزر جاتا ہوں۔ لوگوں کے ٹیگ کرنے اور ان باکس کرنے کے باوجود چپ رہتا ہوں۔
میرے نزدیک ظہیر صاحب کہ یہ غزل واقعی داد کی حقدار ہے، آپ کو ایسا نہیں لگتا تو یہ آپ کی پسند کی بات ہے۔ باقی بات بحر والی تو میں یقین کے ساتھ کہہ سکتا ہوں کہ اگر ظہیر صاحب خود نہ فرماتے کہ یہ انہوں نے بحر کے ساتھ تجربہ کیا ہے تو کسی کا دھیان ادھر جاتا بھی نہ!
بہت خوب!
