غزل ۔۔۔ اُٹھا رکھوں سبھی کارِ جہاں، کتاب پڑھوں ۔۔۔ محمد احمدؔ

نیرنگ خیال — مئی 20، 2023 3:45 شام

ظہیراحمدظہیر نے کہا:
یعنی توپ کے گولے اور میزائل مارنے والے ہماری ننھی سی بے ضرر غلیل پر معترض ہیں اور دہشت گرد ، آیا دہشت گرد آیا کا شور مچارہے ہیں ۔
سچ کہا شاعر نے:
ہوتی آئی ہے کہ اچھوں کو بُرا کہتے ہیں

اوہ۔۔۔ مائیکرو بمباری کر رہے ہیں۔

ظہیراحمدظہیر — مئی 20، 2023 4:50 شام

نیرنگ خیال نے کہا:
اوہ۔۔۔ مائیکرو بمباری کر رہے ہیں۔

آپ پر بھلا اس مائیکرو بمباری کا کیا اثر ہوگا۔ لگ یہی رہا ہے کہ آپ کو کوچے سے باہر نکالنے کے لیے کان کے عین قریب کوئی بہت زوردار دھماکا کرنا پڑے گا ۔ بھائی صاب ، آپ آخر ہیں کہاں ۔یہ چپ کا روزہ کیوں رکھا ہوا ہے ۔ کچھ تو کہیے کہ لوگ کہتے ہیں ۔۔۔۔ ۔۔۔ (کیا کہتے ہیں وہ تو آپ کو معلوم ہی ہے اس لیے یہاں لکھ کر پکسل ضائع کرنے کی کوئی ضرورت نہیں )۔
نین بھائی ، آپ فوراً سے پیشتر کچھ عطا کیجیے ورنہ میں احمد بھائی سےساز باز کرکے آپ کی ہجوِ طویل در بحرِ ثقیل کا انتظام کرواتا ہوں ۔

نیرنگ خیال — مئی 22، 2023 12:12 شام

ظہیراحمدظہیر نے کہا:
آپ پر بھلا اس مائیکرو بمباری کا کیا اثر ہوگا۔ لگ یہی رہا ہے کہ آپ کو کوچے سے باہر نکالنے کے لیے کان کے عین قریب کوئی بہت زوردار دھماکا کرنا پڑے گا ۔ بھائی صاب ، آپ آخر ہیں کہاں ۔یہ چپ کا روزہ کیوں رکھا ہوا ہے ۔ کچھ تو کہیے کہ لوگ کہتے ہیں ۔۔۔۔ ۔۔۔ (کیا کہتے ہیں وہ تو آپ کو معلوم ہی ہے اس لیے یہاں لکھ کر پکسل ضائع کرنے کی کوئی ضرورت نہیں )۔
نین بھائی ، آپ فوراً سے پیشتر کچھ عطا کیجیے ورنہ میں احمد بھائی سےساز باز کرکے آپ کی ہجوِ طویل در بحرِ ثقیل کا انتظام کرواتا ہوں ۔

ہوہوہوہہوو۔۔۔ ہجو طویل در بحر ثقیل۔۔۔
میں تو ادھر ہی ہوتا ہوں ظہیر بھائی! ہمیشہ سے۔۔۔۔میں بیچارہ تو نثر لکھ سکتا ہوں۔۔۔ وہ بھی بس واجبی سی۔۔۔ اور ستم یہ کہ اس پر بھی ہاتھ تنگ ہے۔۔۔۔ اب کریں تو کیا۔۔۔ کریں۔۔

ظہیراحمدظہیر — مئی 22، 2023 2:55 شام

نیرنگ خیال نے کہا:
ہوہوہوہہوو۔۔۔ ہجو طویل در بحر ثقیل۔۔۔
میں تو ادھر ہی ہوتا ہوں ظہیر بھائی! ہمیشہ سے۔۔۔۔میں بیچارہ تو نثر لکھ سکتا ہوں۔۔۔ وہ بھی بس واجبی سی۔۔۔ اور ستم یہ کہ اس پر بھی ہاتھ تنگ ہے۔۔۔۔ اب کریں تو کیا۔۔۔ کریں۔۔

آپ فوراً سے پیشتر ایک عدد تحریر اس بارے میں لکھ ڈالیں کہ نیرنگِ خیال کی نوکِ قلم آج کل زنگ آلود کیوں ہورہی ہے ۔ آپ وجوہات بیان کریں ، حل کوئی نہ کوئی سوچ لیا جائے گا۔

صابرہ امین — مئی 22، 2023 3:43 شام

اُٹھا رکھوں سبھی کارِ جہاں، کتاب پڑھوں
واہ واہ ۔ ۔ یہ خیال ہر روز دن میں کئی کئی بار آتا ہے۔
میں دیکھتا ہوں کتابوں کو ایک حسرت سے
کہ مجھ غریب کو فرصت کہاں کتاب پڑھوں
حسب حال
ہرے بھرے کسی جنگل میں ڈال دوں ڈیرا
طُیّور دیکھوں، چُنوں تتلیاں، کتاب پڑھوں
یہ بھی ایک خواہش رہتی ہے۔ سفر میں بچوں اور ہمارے بیگز میں کتابیں ہمیشہ موجود رہتی ہیں۔ مگر ایسا خوابناک منظر ہو اور ایک کتاب۔ ۔ کیا بات ہے!! ساتھ میں چائے بھی کہیں لے آتے تو شعر ہمارے مطابق %100 ہو جاتا۔

ویسے تتلیاں چنی جا سکتی ہیں؟ کیا مردہ تتلیاں ہیں؟ بعض لوگ اپنی البمز میں لگاتے ہیں جیسے۔
تمہاری طرح رکھے پھائے میرے زخم پہ کون؟
میں سوچتا ہوں کوئی مہرباں کتاب پڑھوں
مری طرح ہے کہانی کا مرکزی کردار
سُلجھ رہی ہیں کئی گُتھّیاں، کتاب پڑھوں
بہت اعلی ۔ ڈھیروں داد۔۔۔

نیرنگ خیال — مئی 22، 2023 5:07 شام

ظہیراحمدظہیر نے کہا:
آپ فوراً سے پیشتر ایک عدد تحریر اس بارے میں لکھ ڈالیں کہ نیرنگِ خیال کی نوکِ قلم آج کل زنگ آلود کیوں ہورہی ہے ۔ آپ وجوہات بیان کریں ، حل کوئی نہ کوئی سوچ لیا جائے گا۔

محبت ظہیر بھائی! ۔۔ اسی قسم کی ہی تحریر معرض وجود میں لائی جائے گی۔ موضوع بھی اچھا ہے۔۔۔

محمداحمد — جون 10، 2023 8:20 صبح

نیرنگ خیال نے کہا:
میں تو اُدھر ہی ہوتا ہوں ظہیر بھائی! ہمیشہ سے

محمداحمد — جون 10، 2023 8:21 صبح

نیرنگ خیال نے کہا:
میں بیچارہ تو نثر لکھ سکتا ہوں۔۔۔ وہ بھی بس واجبی سی۔۔۔

عاجزی کے لئے بے چارہ کہہ دینا ہی کافی تھا۔

واجبی سی نثر والی بات تو کوئی بھی نہیں مانے گا۔

محمداحمد — جون 10، 2023 8:23 صبح

ظہیراحمدظہیر نے کہا:
نیرنگِ خیال کی نوکِ قلم آج کل زنگ آلود کیوں ہورہی ہے ۔

اس کی وجہ ان کی قیام گاہ ہے۔
جس دن کوچہء آلکساں چھوڑ کر کسی متحرک بستی میں آباد ہو گئےاُسی دن قلم ایسا چلے گا کہ روکنا دشوار ہو جائے گا۔

محمداحمد — جون 10، 2023 8:28 صبح

صابرہ امین نے کہا:
اُٹھا رکھوں سبھی کارِ جہاں، کتاب پڑھوں
واہ واہ ۔ ۔ یہ خیال ہر روز دن میں کئی کئی بار آتا ہے۔

یعنی ہمارا والا ہی معاملہ ہے۔

صابرہ امین نے کہا:
میں دیکھتا ہوں کتابوں کو ایک حسرت سے
کہ مجھ غریب کو فرصت کہاں کتاب پڑھوں
حسب حال

صابرہ امین نے کہا:
ہرے بھرے کسی جنگل میں ڈال دوں ڈیرا
طُیّور دیکھوں، چُنوں تتلیاں، کتاب پڑھوں
یہ بھی ایک خواہش رہتی ہے۔ سفر میں بچوں اور ہمارے بیگز میں کتابیں ہمیشہ موجود رہتی ہیں۔ مگر ایسا خوابناک منظر ہو اور ایک کتاب۔ ۔ کیا بات ہے!!

صابرہ امین نے کہا:
ساتھ میں چائے بھی کہیں لے آتے تو شعر ہمارے مطابق %100 ہو جاتا۔

ہاہاہاہا۔۔۔! بھائی یہ بات تو ہمیں بھی کسی نے بتائی کہ اس شعر میں چائے کا ذکر پہلے سے موجود ہے۔

صابرہ امین نے کہا:
ویسے تتلیاں چنی جا سکتی ہیں؟ کیا مردہ تتلیاں ہیں؟ بعض لوگ اپنی البمز میں لگاتے ہیں جیسے۔

پتہ نہیں! شاعر کون سا اتنے پریکٹیکل ہوتے ہیں۔ گھر میں بیٹھ کر ہی نہ جانے کیا کیا ہانکتے رہتے ہیں۔

صابرہ امین نے کہا:
تمہاری طرح رکھے پھائے میرے زخم پہ کون؟
میں سوچتا ہوں کوئی مہرباں کتاب پڑھوں
مری طرح ہے کہانی کا مرکزی کردار
سُلجھ رہی ہیں کئی گُتھّیاں، کتاب پڑھوں
بہت اعلی ۔ ڈھیروں داد۔۔۔

بہت شکریہ!
بے حد ممنون ہوں۔

جاسمن — جون 11، 2023 12:11 شام

ظہیراحمدظہیر نے کہا:
احمد بھائی نے اس غزل میں ہر موقع پر اور ہر واقعے پر کتاب پڑھنے کی ترکیب بیان کی ہے۔ فائدہ اس میں یہ ہے کہ پکڑے جانے کی صورت میں آپ یہ کہہ کر بچ سکتے ہیں کہ بھئی میں تو کتاب پڑھ رہا تھا ، بے خیالی میں ایسا ہوگیا ۔

ظہیراحمدظہیر نے کہا:
جی جی ، بالکل۔ احمد بھائی نے اس غزل میں ہر موقع پر اور ہر واقعے پر کتاب پڑھنے کی ترکیب بیان کی ہے۔ غزل کیا ہے کسی لائبریری کا منشور ہے ۔ آپ ضرور عید قرباں پر بکری اور کتاب کو یکجا کرنے کی کوشش کریں ۔ فائدہ اس میں یہ ہے کہ پکڑے جانے کی صورت میں آپ یہ کہہ کر بچ سکتے ہیں کہ بھئی میں تو کتاب پڑھ رہا تھا ، بے خیالی میں ایسا ہوگیا ۔

بھابھی: سودا لانے کے لیے کہا تھا آپ سے۔ دو گھنٹے ہو گئے۔
احمد بھائی: اوہ! میں کتاب پڑھ رہا تھا۔
۔۔۔۔
باس: احمد! آپ کو یہ دو لیٹرز ٹائپ کرنے کے لیے دیے تھے۔ آپ نے اب تک کیوں میں ٹائپ کیے؟
احمد بھائی: میں کتاب پڑھ رہا تھا۔
۔۔۔۔۔۔
استاد: سبق کیوں نہیں یاد کیا۔
احمد بھائی: میں کتاب پڑھ رہا تھا۔

جاسمن — جون 11، 2023 12:12 شام

محمداحمد نے کہا:
ہاہاہاہا۔۔۔! بھائی یہ بات تو ہمیں بھی @کسی نے بتائی کہ اس شعر میں چائے کا ذکر پہلے سے موجود ہے۔

کب؟
کہاں؟