عزیزانِ من، آداب!
ایک نظم، نسبتاً تازہ، آپ سب کی بصارتوں کی نذر۔ گر قبول افتد زہے عز و شرف!
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک نظم، نسبتاً تازہ، آپ سب کی بصارتوں کی نذر۔ گر قبول افتد زہے عز و شرف!
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاتعلقی (نظم)
خون دے کر اک بیاباں کو بنایا لالہ زار
آس یہ رکھ کر کہ اک دن آئے گا لطف بہار
دیکھیے نیرنگیٔ حالات، اسی گلگشت میں
اپنے حصے میں کچھ آیا بھی تو کنجِ خار زار
اور وہ جو اس خرابے میں اڑاتے دھول تھے
فصل گل میں بیٹھے بیٹھے مالکِ گلشن ہوئے
جس لہو سے رنگ و بوئے گل کو ہوتا تھا ثبات
تھی نمی جس کی چمن کی خاک کو آبِ حیات
وقت جب بدلا تو پانی سے بھی ارزاں ہو گیا
ہاں مگر یہ بھی ہوا، پھر بختِ گلشن سو گیا!
خاک اڑاتے لوگ کیا جانیں چمن کا سینچنا
ان کے تو پیشِ نظر تھا بس ثمر کو بیچنا
برگ و بار و رنگ و بو جب ہو گئے نذرِ ہوس
ظلم سہہ سہہ کر زمیں بھی کہہ اٹھی اب حد ہے بس
سوئے کنجِ خار پھر ہونے لگی ہے یہ شنید
کچھ لہو درکار ہے گلشن کو پھر، ھل من مزید؟
حرص والے اب ہیں میری خامشی پر طعنہ زن
کہہ رہے ہیں کیا نہیں تیرے بھی یہ کوہ و دمن؟
کیوں نہیں بربادیٔ گلشن پہ تو نوحہ کناں؟
اشک آنکھوں میں نہیں تیری، نہ اٹھتا ہے دھواں!
کیا کہوں اب ان سے، آنکھیں کیوں مری پر نم نہیں
کیوں مجھے بربادیٔ گلشن کا کوئی غم نہیں!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پسِ نوشت: دو ایک غلطیاں دانستہ چھوڑ دی ہیں، ان کو درگزر فرمائیں
خون دے کر اک بیاباں کو بنایا لالہ زار
آس یہ رکھ کر کہ اک دن آئے گا لطف بہار
دیکھیے نیرنگیٔ حالات، اسی گلگشت میں
اپنے حصے میں کچھ آیا بھی تو کنجِ خار زار
اور وہ جو اس خرابے میں اڑاتے دھول تھے
فصل گل میں بیٹھے بیٹھے مالکِ گلشن ہوئے
جس لہو سے رنگ و بوئے گل کو ہوتا تھا ثبات
تھی نمی جس کی چمن کی خاک کو آبِ حیات
وقت جب بدلا تو پانی سے بھی ارزاں ہو گیا
ہاں مگر یہ بھی ہوا، پھر بختِ گلشن سو گیا!
خاک اڑاتے لوگ کیا جانیں چمن کا سینچنا
ان کے تو پیشِ نظر تھا بس ثمر کو بیچنا
برگ و بار و رنگ و بو جب ہو گئے نذرِ ہوس
ظلم سہہ سہہ کر زمیں بھی کہہ اٹھی اب حد ہے بس
سوئے کنجِ خار پھر ہونے لگی ہے یہ شنید
کچھ لہو درکار ہے گلشن کو پھر، ھل من مزید؟
حرص والے اب ہیں میری خامشی پر طعنہ زن
کہہ رہے ہیں کیا نہیں تیرے بھی یہ کوہ و دمن؟
کیوں نہیں بربادیٔ گلشن پہ تو نوحہ کناں؟
اشک آنکھوں میں نہیں تیری، نہ اٹھتا ہے دھواں!
کیا کہوں اب ان سے، آنکھیں کیوں مری پر نم نہیں
کیوں مجھے بربادیٔ گلشن کا کوئی غم نہیں!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پسِ نوشت: دو ایک غلطیاں دانستہ چھوڑ دی ہیں، ان کو درگزر فرمائیں
