لگتے ہیں سبھی پھول مگر خار ہیں ہم لوگ۔۔۔۔۔

زھرا علوی — اگست 29، 2008 8:32 شام

خود اپنی محبت میں گرفتار ہیں ہم لوگ
بس اپنی محبت کے وفادار ہیں ہم لوگ
کیا صورت وسیرت ہے ہمیں اس سے غرض کیا
بس دولت و حشمت کے طلبگار ہیں ہم لوگ
محفل ہو دکھاوے کی تو ہیں سب سے نمایاں
اور کہنا پڑے سچ تو شرمسار ہیں ہم لوگ
کھیلیں گے بڑے شوق سے ہم خون کی ہولی
اپنوں کا لبادوں میں بھی اغیار ہیں ہم لوگ
ریشم سے ملائم ہیں تو ہم کانچ سے نازک
لگتے ہیں سبھی پھول مگر خار ہیں ہم لوگ۔۔۔۔

ظفری — اگست 29، 2008 8:50 شام

خود اپنی محبت میں گرفتار ہیں ہم لوگ
بس اپنی محبت کے وفادار ہیں ہم لوگ
واہ زہرا جی ۔۔۔ بہت خوب ۔ اور کیا خوب مطلع ہے ۔ لگتا ہے آج آپ لوگوں سے خاصی متاثر ہوگئیں ہیں ۔

علم و عروض سے ناواقفیت کی بناء پر کوئی علمی تبصرہ کرنے سے قاصر ہوں ۔ مگر اصولی طور پر غزل میں پانچ اشعار ہونا ضروری ہیں ۔ امید ہے پانچواں شعر بھی دیگر اشعار کی طرح بہت عمدہ ہوگا ۔

بہرحال چاروں اشعار بیحد پسند آئے ۔ مابرکباد قبول کیجیئے ۔

زھرا علوی — اگست 29، 2008 8:59 شام

ظفری نے کہا:
خود اپنی محبت میں گرفتار ہیں ہم لوگ
بس اپنی محبت کے وفادار ہیں ہم لوگ
واہ زہرا جی ۔۔۔ بہت خوب ۔ اور کیا خوب مطلع ہے ۔ لگتا ہے آج آپ لوگوں سے خاصی متاثر ہوگئیں ہیں ۔
علم و عروض سے ناواقفیت کی بناء پر کوئی علمی تبصرہ کرنے سے قاصر ہوں ۔ مگر اصولی طور پر غزل میں پانچ اشعار ہونا ضروری ہیں ۔ امید ہے پانچواں شعر بھی دیگر اشعار کی طرح بہت عمدہ ہوگا ۔
بہرحال چاروں اشعار بیحد پسند آئے ۔ مابرکباد قبول کیجیئے ۔

پہلے تو تعریف کا شکریہ ظفری صاحب ۔۔۔۔

واقعی ہم نے آج لوگوں سے متاثر ہو کر چند شعر کہہ ڈالے وہ کیا ہے نا جب کوئی مقابلے کی بات کرے تو ہم ایموشنل ہو جاتے ہیں :grin:

۔۔۔۔اور آپکی بات بجا ہم پانچ اشعار کی شرط پوری کرنے کی کوشش کریں گے۔۔۔۔

ظفری — اگست 29، 2008 9:57 شام

زہرا جی ۔۔ وہ کیا ہے کہ ہم بھی کبھی کبھی مقابلہ کا سن کر ایموشنل ہو جاتے ہیں ۔

چونکہ علمِ عروض کی ہم پر استادوں کی طرف سے " خاص معافی " ہے ۔ اس لیئے آپ کی لڑی میں ہم نے اپنی ایک بے قیمت موتی پرو دی ہے ۔ امید ہے اس جسارت کو آپ معاف فرمادیں گی ۔

اپنے لیئے خود اغیار ہیں ہم لوگ
ہر جگہ یوں تو بے شمار ہیں ہم لوگ
کسی کی طرف انگلی ہم کیا اٹھائیں
راہ میں اپنی دیوار ہیں ہم لوگ
اپنی منزل کا پتا بھی معلوم نہیں
کتنے مجبور ، لاچار ہیں ہم لوگ
جو بچا ہے وہ سنبھالا جاتا نہیں
اور ، مر مٹنے پر تیار ہیں ہم لوگ
پانچواں شعر کوشش کے باوجود بھی وارد نہیں ہوا ۔ اس کے لیئے ہم بیحد معذرت خواہ ہیں ۔ :hatoff:

زھرا علوی — اگست 29، 2008 11:06 شام

ظفری نے کہا:
زہرا جی ۔۔ وہ کیا ہے کہ ہم بھی کبھی کبھی مقابلہ کا سن کر ایموشنل ہو جاتے ہیں ۔ چونکہ علمِ عروض کی ہم پر استادوں کی طرف سے " خاص معافی " ہے ۔ اس لیئے آپ کی لڑی میں ہم نے اپنی ایک بے قیمت موتی پرو دی ہے ۔ امید ہے اس جسارت کو آپ معاف فرمادیں گی ۔
اپنے لیئے خود اغیار ہیں ہم لوگ
ہر جگہ یوں تو بے شمار ہیں ہم لوگ
کسی کی طرف انگلی ہم کیا اٹھائیں
راہ میں اپنی دیوار ہیں ہم لوگ
اپنی منزل کا پتا بھی معلوم نہیں
کتنے مجبور ، لاچار ہیں ہم لوگ
جو بچا ہے وہ سنبھالا جاتا نہیں
اور ، مر مٹنے پر تیار ہیں ہم لوگ
پانچواں شعر کوشش کے باوجود بھی وارد نہیں ہوا ۔ اس کے لیئے ہم بیحد معذرت خواہ ہیں ۔

بہت خوب جناب۔۔۔۔

ظفری صاحب قطعا کوئی مسئلہ نہیں آپ جتنے مرضی موتی ٹانکیے بلکہ الٹا آپکے اشعار دیکھ کر ہماری اس غزل کے آنگن میں دو چار پھول اور کھل سکنے کے امکانات بڑھ گئے ہیں بشرطیکہ ہمارے محترم اساتذہ موجودہ کوبھی اشعار ہونے کی سند بخش دیں۔۔۔۔

ہم وقت آنے پر آپ کے خیال کو "چرا " کر اپنے اشعار میں استعمال کر سکتے ہیں ۔۔۔یقینا آپ بھی برا نہیں مانیں گے۔۔۔ :grin:

محمد وارث — اگست 30، 2008 5:09 صبح

بہت اچھی غزل ہے زھرا علوی لا جواب۔ سبھی اشعار لا جواب ہیں لیکن یہ تو بہت ہی اچھے ہیں:
خود اپنی محبت میں گرفتار ہیں ہم لوگ
بس اپنی محبت کے وفادار ہیں ہم لوگ
محفل ہو دکھاوے کی تو ہیں سب سے نمایاں
اور کہنا پڑے سچ تو شرمسار ہیں ہم لوگ
ایک دو گزارشات:
- غزل میں طاق اعداد میں اشعار کہنا (پانچ، سات، نو وغیرہ) ایک روایت ضرور ہے لیکن اصول بالکل بھی نہیں ہے، چار اشعار کی غزل بھی غزل ہی ہے۔
- دوسرے شعر کے پہلے مصرعے میں 'صورتِ سیرت' کی بجائے مجھے 'صورت و سیرت' زیادہ بہتر لگ رہا ہے۔
- آخری شعر بھی اچھا ہے لیکن اسکا پہلا مصرع وزن سے خارج ہے، ایک تو اس میں 'نرم' جو دراصل (نر،م) ہے (نَرَم) بندھا ہے اور دوسرا ایک آدھ لفظ کم ہے۔ درستگی کے بعد یہ شعر بھی بہت خوبصورت ہو جائے گا۔
امید ہے برا نہیں مانیں گی!
والسلام

زھرا علوی — اگست 30، 2008 6:16 صبح

محمد وارث نے کہا:
بہت اچھی غزل ہے زھرا علوی لا جواب۔ سبھی اشعار لا جواب ہیں لیکن یہ تو بہت ہی اچھے ہیں:
خود اپنی محبت میں گرفتار ہیں ہم لوگ
بس اپنی محبت کے وفادار ہیں ہم لوگ
محفل ہو دکھاوے کی تو ہیں سب سے نمایاں
اور کہنا پڑے سچ تو شرمسار ہیں ہم لوگ
ایک دو گزارشات:
- غزل میں طاق اعداد میں اشعار کہنا (پانچ، سات، نو وغیرہ) ایک روایت ضرور ہے لیکن اصول بالکل بھی نہیں ہے، چار اشعار کی غزل بھی غزل ہی ہے۔
- دوسرے شعر کے پہلے مصرعے میں 'صورتِ سیرت' کی بجائے مجھے 'صورت و سیرت' زیادہ بہتر لگ رہا ہے۔
- آخری شعر بھی اچھا ہے لیکن اسکا پہلا مصرع وزن سے خارج ہے، ایک تو اس میں 'نرم' جو دراصل (نر،م) ہے (نَرَم) بندھا ہے اور دوسرا ایک آدھ لفظ کم ہے۔ درستگی کے بعد یہ شعر بھی بہت خوبصورت ہو جائے گا۔
امید ہے برا نہیں مانیں گی!
والسلام

ارے وارث صاحب میں نے برا کیوں ماننا ہے بھلا۔۔۔

یہاں پر چسپاں کرنے کا مقصود ہی آپ اساتذہ سے اصلاح لینا ہے۔۔۔آپ اسے شاعری سے باہر بھی قرار دے دیں تو بھی ہم برا نہیں مانیں گے۔۔۔
آپ کی صلاح کو ہم نے ذہن نشین کر لیا ہے اور عمل کی کوشش کرتے ہیں ابھی۔۔۔
بہت بہت شکریہ۔۔۔۔

جیا راؤ — اگست 30، 2008 6:59 صبح

واہ واہ زہرا جی زبردست !
کل ہی ہم سوچ رہے تھے کہ بہت عرصہ سے آپ کا کلام پڑھنے کو نہیں ملا۔
خوبصورت غزل پیش کرنے کا شکریہ

جیا راؤ — اگست 30، 2008 7:03 صبح

ظفری نے کہا:
زہرا جی ۔۔ وہ کیا ہے کہ ہم بھی کبھی کبھی مقابلہ کا سن کر ایموشنل ہو جاتے ہیں ۔ چونکہ علمِ عروض کی ہم پر استادوں کی طرف سے " خاص معافی " ہے ۔ اس لیئے آپ کی لڑی میں ہم نے اپنی ایک بے قیمت موتی پرو دی ہے ۔ امید ہے اس جسارت کو آپ معاف فرمادیں گی ۔
اپنے لیئے خود اغیار ہیں ہم لوگ
ہر جگہ یوں تو بے شمار ہیں ہم لوگ
کسی کی طرف انگلی ہم کیا اٹھائیں
راہ میں اپنی دیوار ہیں ہم لوگ
اپنی منزل کا پتا بھی معلوم نہیں
کتنے مجبور ، لاچار ہیں ہم لوگ
جو بچا ہے وہ سنبھالا جاتا نہیں
اور ، مر مٹنے پر تیار ہیں ہم لوگ
پانچواں شعر کوشش کے باوجود بھی وارد نہیں ہوا ۔ اس کے لیئے ہم بیحد معذرت خواہ ہیں ۔

غزل پر غزل کہنے کی غالبا نئی رسم چلی ہے۔
ایسا 'کچھ' ہماری غزل پر ہوا، پھر اس پر بھی 'بہت کچھ' ہوا۔

مغزل — اگست 30، 2008 7:15 صبح

زھرا جی ۔ آداب
رسید حاضر ہے ۔۔
تفصیلی نامہ بشرطِ موجودگیِ برقی رو
والسلام

زھرا علوی — اگست 30، 2008 8:45 صبح

جیا راؤ نے کہا:
واہ واہ زہرا جی زبردست !
کل ہی ہم سوچ رہے تھے کہ بہت عرصہ سے آپ کا کلام پڑھنے کو نہیں ملا۔
خوبصورت غزل پیش کرنے کا شکریہ

بس آپ لوگوں کے ہی پر زور اصرار پر ہم نے بنجر ہوئی پڑی زمیں پر اپنے خیال کی آبیاری کرنے کی کوشش کی۔۔۔۔
اب دیکھیے کتنے پھول کھیلیں۔۔۔۔ :grin:

نوید صادق — اگست 30، 2008 8:56 صبح

جیا راؤ نے کہا:
غزل پر غزل کہنے کی غالبا نئی رسم چلی ہے۔
ایسا 'کچھ' ہماری غزل پر ہوا، پھر اس پر بھی 'بہت کچھ' ہوا۔

لیکن غزل پر غزل ہمیشہ بے وزن ہی آ رہی ہے

عمار ابن ضیا — اگست 30، 2008 9:03 صبح

بہت خوب زہرہ بہن۔

محفل ہو دکھاوے کی تو ہیں سب سے نمایاں
اور کہنا پڑے سچ تو شرمسار ہیں ہم لوگ

کیا بات ہے۔
کیا ذکر ہو اغیار کا، یاں حال یہ اپنا
اپنوں کے لیے باعثِ آزار ہیں ہم لوگ
میں نے زبردستی ایک شعر کہہ دیا ہے۔

زھرا علوی — اگست 30، 2008 9:07 صبح

عمار خاں نے کہا:
بہت خوب زہرہ بہن۔
کیا بات ہے۔
کیا ذکر ہو اغیار کا، یاں حال یہ اپنا
اپنوں کے لیے باعثِ آزار ہیں ہم لوگ
میں نے زبردستی ایک شعر کہہ دیا ہے۔

بہت خوب بھائی
زبردستی اتنا اچھا شعر تو جب شعری موڈ میں ہوئے تو غضب ہی ہو جائے گا۔۔۔۔

زھرا علوی — اگست 30، 2008 9:09 صبح

جیا راؤ نے کہا:
غزل پر غزل کہنے کی غالبا نئی رسم چلی ہے۔
ایسا 'کچھ' ہماری غزل پر ہوا، پھر اس پر بھی 'بہت کچھ' ہوا۔

ارے کوئی بات نہیں سب کی مشق سخن ہی ہو جاتی ہے۔۔۔ اچھا ہے نا۔۔۔

عمار ابن ضیا — اگست 30، 2008 9:19 صبح

زھرا علوی نے کہا:
بہت خوب بھائی
زبردستی اتنا اچھا شعر تو جب شعری موڈ میں ہوئے تو غضب ہی ہو جائے گا۔۔۔۔

بس رہنے ہی دیں۔۔۔ مسکا پالش کی ضرورت نہیں۔ :grin:

زھرا علوی — اگست 30، 2008 9:20 صبح

بھائیوں کو مسکا لگنا بڑے فائدے میں رہتا ہے ۔۔۔سنا ہے۔۔۔

آزمایا بھی ہے۔۔۔ :grin:

عمار ابن ضیا — اگست 30، 2008 9:26 صبح

زھرا علوی نے کہا:
بھائیوں کو مسکا لگنا بڑے فائدے میں رہتا ہے ۔۔۔سنا ہے۔۔۔
آزمایا بھی ہے۔۔۔

ہاہاہا۔۔۔۔ :lll:

محمداحمد — اگست 30، 2008 9:55 صبح

زھرا علوی نے کہا:
ریشم سے ملائم ہیں تو ہم کانچ سے نازک
لگتے ہیں سبھی پھول مگر خار ہیں ہم لوگ۔۔۔۔

واہ زہرہ صاحبہ خوب غزل کہی ہے آپ نے داد حاضر ہے۔
خوش رہیئے!

جیا راؤ — اگست 30، 2008 10:05 صبح

زھرا علوی نے کہا:
بس آپ لوگوں کے ہی پر زور اصرار پر ہم نے بنجر ہوئی پڑی زمیں پر اپنے خیال کی آبیاری کرنے کی کوشش کی۔۔۔۔
اب دیکھیے کتنے پھول کھیلیں۔۔۔۔

ہم تو 'بہار' کی دعا کر رہے ہیں۔