میری پہلی غزل "محفل" کی نذر

الف عین نے کہا:

لیکن سعیِ والے شعر میں میں مغل اور وارث دونوں صاحبان سے اختلاف رکھتا ہوں۔ میرا خیال ہے کہ سعی میں ع اور ی دونوں ساکن ہیں۔ مغل نے بھی اسے ’سَ عِی عے‘ بر وزن فعولن تقطیع کیا ہے۔ یہ تلفظ غلط ہے میرے خیال میں۔ سعی در اصل بر وزن فعل، جیسے "سحر‘ یا’سرد‘ باندھا جانا چاہئے۔ سحر بمعنی جادو۔۔۔ صبح کے معنوں میں سَحَر نہیں۔

مزید نمائش کے لیے کلک کریں۔۔۔

آپ کی رائے صائب ہے اعجاز صاحب اور میں اپنی رائے سے رجوع کرتا ہوں۔
حیرت ہے سامنے کی بات تھی اور مجھ سے چھپی رہی کہ لغات میں ڈھونڈتا رہا، غالب کا خوبصورت شعر ہے:
دوست غم خواری میں میری سعی فرمائیں گے کیا
زخم کے بھرنے تلک ناخن نہ بڑھ آئیں گے کیا
یہاں 'سعی' بروزنِ 'درد' ہی بندھا ہے نا کہ بروزنِ 'سَبَب'۔
شکریہ آپ کا اعجاز صاحب۔

میں کہا تھا نا ادمی کام کے ہو ۔۔۔۔ خوبصورت لکھا ہے

بہت شکری آپ سب کا اعجاز صاحب ، وارث صاحب، اور مغل صاحب

شکریہ وارث۔ ماشاء اللہ تمہارے پاس حوالے تیار رہتے ہیں۔ وہ کتابی حوالے ہوں یا شعری مثالیں۔اف،۔۔۔ یری یاد داشت۔۔ کبھی کام نہیں کر تی کہ سند پیش کروں اساتذہ سے۔

بہت شکریہ آپ سب کا لیکن ابھی تک یہ نہیں کھلا کہ مصرعے میں "تھے" ہونا چاہئے یا نہیں -

جناب جناب
بالاتّفاق یہ مصرع:
جسے سمجھے تھے سعئِ رائیگاں ہم
ہی درست ہے۔۔ (یعنی تھے کے ساتھ)
نیاز مند۔
م۔م۔مغل

سخنور نے کہا:

بہت شکریہ آپ سب کا لیکن ابھی تک یہ نہیں کھلا کہ مصرعے میں "تھے" ہونا چاہئے یا نہیں -

مزید نمائش کے لیے کلک کریں۔۔۔

حضور آپ کی یہ غزل تو خوب کِھلی، سو اب اگلی کا انتظار ہے

سعی عربی ہے اور عربی میں اس کا یہی تلفظ ہے۔ اگر سعی بطور سبب ولا جاتا ہے یا شاعری میں باندھا گیا ہے تو یہ شعراء ضرورت؟ شعری کہہ گئے ہوں گے لیکن غلطی بہر ھال غلطی ہے، چاہے وہ غالب سے سرزد ہوئی ہو۔ جیسا کہ غالب کے کلام میں ایطا کی مثالیں مل جاتی ہیں۔

میرے خیال میں غالب کی سند کے بعد 'سعی' کے درست تلفظ میں کوئی مسئلہ نہیں ہونا چاہیئے یعنی 'سع ی' نا کہ 'سَ عی'۔
دوست غم خواری میں میری سعی فرمائیں گے کیا
دوس غم خا - فاعلاتن
ری مِ میری - فاعلاتن
سع ی فر ما - فاعلاتن
ئی گِ کا - فاعلن
فرخ صاحب کے شعر میں میرے خیال میں سعیٔ رائگاں'، ہمزہ کی اضافت کی وجہ سے تھوڑی سی مزید کنفیوژن پیدا کر رہی ہے، شاید اسے 'زیر' کی اضافت کے ساتھ ہونا چاہیئے یعنی 'سعیِ رائگاں' (لیکن میں اس سلسلے میں قطعی بات نہیں کر سکتا)
جسے سمجھے تھے سعیِ رائگاں ہم
جسے سمجے - مفاعیلن
تِ سع یے را - مفاعیلن
ء گا ہم - فعولن
ویسے مجھے بھی اشتیاق ہو گیا ہے مغل صاحب کا مراسلہ پڑھ کر، اگر کچھ اشعار دیگر اساتذہ کے مل سکیں تو مزید بات واضح ہو گی، میں بھی ڈھونڈنے کی کوشش کرونگا۔

میں نے میر اور اقبال کا کلام دیکھنی کی 'سعی' کی ہے، 'سعی' کو ڈھونڈنے کیلیئے اور ان دونوں کے کئی اشعار ملے، جس میں 'سعی' بندھا ہے اور سبھی میں 'سعی' عین ساکن کے ساتھ یعنی بروزنِ 'درد' کے وزن پر پایا اور یہ بھی کہ 'سعی' کو اضافت کے ساتھ لکھنے کا صحیح طریقہ 'زیر' کے ساتھ ہے نا کہ 'ہمزہ' کے ساتھ یعنی 'سعیِ رائیگاں' نا کہ 'سعیٔ رائیگاں'۔ کچھ اشعار لکھتا ہوں۔
میر تقی میر
سعیِ طوفِ حرم نہ کی ہر گز
آستاں پر ترے مقام کیا
(بحرِ خفیف مسدس مخبون محذوف مقطوع)
کب تک خرابِ سعیِ طوافِ حرم رہوں
دل کو اُٹھا کے بیٹھ رہوں گا کُنشت میں
(بحرِ مضارع مثمن اخرب مکفوف محذوف)
بہت سعی کر یے تو مر رہیے میر
بس اپنا تو اتنا ہی مقدور ہے
(بحر متقارب مثمن محذوف)
علامہ اقبال
کس قدر لذّت کشودِ عقدۂ مشکل میں ہے
لطف صد حاصل ہماری سعیِ بے حاصل میں ہے
(بحر رمل مثمن محذوف)
بڑھا تسبیح خوانی کے بہانے عرش کی جانب
تمنّائے دلی آخر بر آئی سعیِ پیہم سے
(بحر ہزج مثمن سالم)
اسکے علاوہ دو شعر اور دیکھیئے
سعی تو کی وصل کی ہم نے بہت
جب نہ کچھ قابو چلا تو مر چلے
(امیر مینائی، بحر رمل مسدس محذوف)
ایک نے آ کے مری سعی نہ کی قاتل سے
کیا کوئی دوست مرا گبر و مسلماں میں نہ تھا
(مصحفی، بحر رمل مثمن مخبون محذوف مقطوع)

بہت شکریہ وارث صاحب آپ نے تفصیل سے پیش کیا ، فرخ منظور صاحب آپ کر غزل پر ایک بار پھر مبارکباد ، گر قبول افتد زہے عزو شرف

م۔م۔مغل نے کہا:

بہت شکریہ وارث صاحب آپ نے تفصیل سے پیش کیا ، فرخ منظور صاحب آپ کر غزل پر ایک بار پھر مبارکباد ، گر قبول افتد زہے عزو شرف

مزید نمائش کے لیے کلک کریں۔۔۔

بہت شکریہ مغل صاحب!

آپ کا بھی شکریہ جناب ۔

ٍفرخ بھائی! سب سے پہلے تو آپ کو مبارکباد کہ آپ نے شاعر ہونے کا باقاعدہ طور پر اعلان کر دیا۔
اب غزل کی بحث کی طرف آتے ہیں۔ میں ایک بار پھر فرخ کا شکریہ کا ادا کروں گا کہ ان کی اس غزل کی وجہ سے اتنے اہم نکات واضح ہوئے جس کی طرف عمومی طور پر ہم دھیان نہیں دیتے۔ اعجاز صاحب، وارث صاحب اور مغل صاحب کی بحث سے بہت سے کنسیپٹ کلیئر ہوئے۔
سعی کی حوالے سے میں بھی اسے فعو کے وزن پر ہی سمجھ رہا تھا مگر اعجاز صاحب کی نشان دہی پر وارث صاحب نے حوالے کے طور پر جو اشعار پیش کیے اس کے بعد تو شک کی کوئی گنجائش ہی نہیں رہ جاتی اور یہ واضح ہو گیا کہ سعی کا وزن فعو نہیں بلکہ فعل ہے۔
مطلع کے حوالے سے میں اعجاز صاحب سے اتفاق کروں گا کہ ایطا عیبِ سخن ہے اور اس مطلع میں یقینا ایطا موجود ہے شاید ایطائے خفی ہے۔ میرے خیال میں اگر شاعر نے مطلع میں قیادت اور سیادت کے قافیے سلیکٹ کیے ہیں تو اسے باقی قافیے بھی اسی طرح ( عیادت وغیرہ)۔ استعمال کرنے چاہیئں لیکن چونکہ بہت سے لوگوں نے اس سے اجتناب نہیں کیا لہذا ایک مبتدی کیلیے ما فی مشکلہ۔ لیکن یہ تسلیم کرنا چاہیے کہ یہ عیب ہے
پوری غزل کا مجموعی تاثر میرے نزدیک یہ بنتا ہے کہ اگرچہ پوری غزل وزن میں ہے اشعار بھی مناسب ہیں لیکن کچھ اشعار میں ابلاغ کا مسئلہ ضرور ہے۔
مطلع میں یہ واضح نہیں کہ قیادت جو میسر ہوئی ہے وہ کس طرح جہالت پر مبنی ہے یا جاہل ہے، جہالت سیادت تو ہوئی لیکن کس طرح اس کا سبب کیا تھا۔ یہ اس شعر سے ظاہر نہیں ہو رہا۔ بس قافیہ پیمائی لگتی ہے۔ دوسرے شعر میں بھی نہ فاعل ہے اور نہ مفعول ۔ کسے دعا دی جاتی تھی اور کس کی شہادت ہوئی؟
پانچویں شعر میں بھی یہ واضح نہیں کیا گیا کہ قدموں کو کہاں جانے کی عادت ہوئی ہے۔ یہ بات دوسرے مصرعے میں ہونی چاہیئے تھی۔
مرے قدموں کو عادت ہو گئی ہے۔
کس چیز کی؟
ایک اور بات کہ فرخ صاحب آج کا دور تو جدید غزل کا ہے نئی علامتیں استعمال کریں یا انہیں جدید انداز میں پیش کریں۔ امید ہے آئندہ آپ کی غزلوں میں مزید بہتری آئے گی۔

تمام طرف سے قینچیاں استرے چل چکے اب ہمارے نشتر جانفزا کو بھی کچھ موقع ملنا چاہئے۔
میسّر اب قیادت ہو گئی ہے
جہالت ہی سیادت ہوگئی ہے
کیا کہنے! کیا ہی کہنے! سبحان اللہ! کیا مضمون باندھا ہے سماجی حالات کی خوب نقشہ کشی ہے تاہم ایطائے خفی وغیرہ کی تہمت اساتذہ کی جانب سے ہے ہم کو کچھ ایسا نہیں دکھائی دیا یہی اساتذہ ہماری غزل گوئي کو خطائے جلی قرار دیتے ہیں۔
دعا دیتے تھے "عمر ِجاوداں ہو“
مبارک ہو! شہادت ہوگئی ہے
کیا کہنے! سبحان اللہ! سفر سخن کے آغاز میں ہی مرنے مارنے کی باتیں۔
جسے رکھتا تھا اپنی جاں کا دشمن
اب اس سے بھی ارادت ہوگئی ہے
خوش قسمتی ہے جناب کی۔
جسے سمجھے تھے سعئ رائگاں ہم
وہی الفت، عبادت ہوگئی ہے
بہت خوب۔۔۔
ترے کوچے کو ہی جاتے ہیں اب تو
مرے قدموں کو عادت ہوگئی ہے
کیا کہنے۔۔۔ ایسا بھی ہوتا ہے۔
تمنا شعر کہنے کی تھی فرّخ
غزل مجھکو، سعادت ہوگئی ہے
یہ سعادت ہم کو کب ہو گی؟ ہم بھی سوچ رہے ہیں کہ ہریڑ اور آملے کے مربے وغیرہ شروع کیے جائيں۔
بہرطور، فرخ بھائی پہلی غزل بہت مبارک ہو! امید ہے مزید پڑھنے کو ملتا رہے گا۔

فرخ بھائی معذرت کہ اس طرف پہلے دھیان نہ جا سکا ۔ ماشاء اللہ بہترین غزل ہے ۔ اللہ کرے زور سخن اور زیادہ

سخنور نے کہا:

میسّر اب قیادت ہو گئی ہے
جہالت ہی سیادت ہوگئی ہے
دعا دیتے تھے "عمر ِجاوداں ہو“
مبارک ہو! شہادت ہوگئی ہے
جسے رکھتا تھا اپنی جاں کا دشمن
اب اس سے بھی ارادت ہوگئی ہے
جسے سمجھے تھے سعئ رائگاں ہم
وہی الفت، عبادت ہوگئی ہے
ترے کوچے کو ہی جاتے ہیں اب تو
مرے قدموں کو عادت ہوگئی ہے
تمنا شعر کہنے کی تھی فرّخ
غزل مجھکو، سعادت ہوگئی ہے
اس غزل کی اصلاح محمد وارث صاحب کی مرہونِ منت ہے - بہت شکریہ وارث صاحب !

مزید نمائش کے لیے کلک کریں۔۔۔

میں نے تو یہ غزل دیکھی ہی نہ تھی۔ واقعی بہلی ہی کاوش اور اتنی اچھی ۔ بہت خوب
یہ دو شعر تو بہت ہی اچھے لگے
جسے رکھتا تھا اپنی جاں کا دشمن
اب اس سے بھی ارادت ہوگئی ہے
جسے سمجھے تھے سعئ رائگاں ہم
وہی الفت، عبادت ہوگئی ہے
ویسے کیا "شہادت ہونا" اور "سعادت ہونا"
محاورات صحیح ہیں؟ اعتراض نہیں کر رہی ، سمجھنا چاہتی ہوں

محسن حجازی نے کہا:

تمام طرف سے قینچیاں استرے چل چکے اب ہمارے نشتر جانفزا کو بھی کچھ موقع ملنا چاہئے۔
میسّر اب قیادت ہو گئی ہے
جہالت ہی سیادت ہوگئی ہے
کیا کہنے! کیا ہی کہنے! سبحان اللہ! کیا مضمون باندھا ہے سماجی حالات کی خوب نقشہ کشی ہے تاہم ایطائے خفی وغیرہ کی تہمت اساتذہ کی جانب سے ہے ہم کو کچھ ایسا نہیں دکھائی دیا یہی اساتذہ ہماری غزل گوئي کو خطائے جلی قرار دیتے ہیں۔
دعا دیتے تھے "عمر ِجاوداں ہو“
مبارک ہو! شہادت ہوگئی ہے
کیا کہنے! سبحان اللہ! سفر سخن کے آغاز میں ہی مرنے مارنے کی باتیں۔
جسے رکھتا تھا اپنی جاں کا دشمن
اب اس سے بھی ارادت ہوگئی ہے
خوش قسمتی ہے جناب کی۔
جسے سمجھے تھے سعئ رائگاں ہم
وہی الفت، عبادت ہوگئی ہے
بہت خوب۔۔۔
ترے کوچے کو ہی جاتے ہیں اب تو
مرے قدموں کو عادت ہوگئی ہے
کیا کہنے۔۔۔ ایسا بھی ہوتا ہے۔
تمنا شعر کہنے کی تھی فرّخ
غزل مجھکو، سعادت ہوگئی ہے
یہ سعادت ہم کو کب ہو گی؟ ہم بھی سوچ رہے ہیں کہ ہریڑ اور آملے کے مربے وغیرہ شروع کیے جائيں۔
بہرطور، فرخ بھائی پہلی غزل بہت مبارک ہو! امید ہے مزید پڑھنے کو ملتا رہے گا۔

مزید نمائش کے لیے کلک کریں۔۔۔

بہت شکریہ محسن اتنے خوبصورت تبصرے کے لئے۔ لیکن میرا خیال ہے آپ کو کوئی مربہ کھانے کی ضرورت نہیں کیونکہ آپ کی نثر اتنی خوبصورت ہے کہ آپ کو شاعروں کے جمِ غفیر میں شامل ہونے کی ضرورت ہی نہیں ۔ کیونکہ ہو سکتا ہے اس ہجوم میں‌ آپ کہیں کھو جائیں۔ جبکہ آپ کی نثر اپنا منفرد مقام رکھتی ہے آپ نثر پر ہی توجہ مرکوز رکھیں۔

جیہ نے کہا:

میں نے تو یہ غزل دیکھی ہی نہ تھی۔ واقعی بہلی ہی کاوش اور اتنی اچھی ۔ بہت خوب
یہ دو شعر تو بہت ہی اچھے لگے
جسے رکھتا تھا اپنی جاں کا دشمن
اب اس سے بھی ارادت ہوگئی ہے
جسے سمجھے تھے سعئ رائگاں ہم
وہی الفت، عبادت ہوگئی ہے
ویسے کیا "شہادت ہونا" اور "سعادت ہونا"
محاورات صحیح ہیں؟ اعتراض نہیں کر رہی ، سمجھنا چاہتی ہوں

مزید نمائش کے لیے کلک کریں۔۔۔

شہادت ہوتی ہے اور سعادت حاصل ہوتی ہے۔ یہ دونوں الفاظ صحیح طریقے سے نہیں برتے جاسکے۔