شعر اور تکرارِ لفظ

السلام علیکم
سر مجھے شعر اور تکرارِ لفظ کے بارے میں پوچھنا تھا کچھ حضرات کہتا ہے اس شعر میں تکرار ہے یہ اچھی نہیں لگ رہی اور کچھ میں تکرار ہوتی ہے اور وہ بہت مشہور شعر ہوتے ہیں مثلاً اقبال صاحب کا ایک مصرع ”اقبال ہے اقبال ہے اقبال ہمارا“
اور ایک فارسی کا شعر
”گر تو می خواہی کہ باشی خوش نویس
می نویس و می نویس و می نویس
مہربانی فرمائیں شکریہ

مرزا عبدالقادر بیدل عظیم آبادی کا شعر
معمائی معمائی معما
اگر خواہی کشودن چشم بکشا
اس شعر میں لفظ "معما" کی تکرار کلام میں وزن emphasis پیدا کررہی ہے۔ تکرار سے کلام میں خوبصورتی بھی پیدا ہوتی ہے اور بے جا تکرار سے کلام بدصورت۔

شکریہ الف نطامی۔۔ اور اس بار سوال پوچھنے کی جگہ تم نے جواب دیا ہے اور درست دیا ہے۔
خرم۔۔ مبتدی شاعر کو تکرار سے بچنا ہی چاہیے کہ یہ کہنا بہت مشکل ہے کہ کہاں تکرار سے حسن پیدا ہوا ‌ہے اور کہاں عیب۔

بہت اچھا سوال کیا ہے خرم

الف نظامی نے کہا:

مرزا عبدالقادر بیدل عظیم آبادی کا شعر
معمائی معمائی معما
اگر خواہی کشودن چشم بکشا
اس شعر میں لفظ "معما" کی تکرار کلام میں وزن Emphasis پیدا کررہی ہے۔ تکرار سے کلام میں خوبصورتی بھی پیدا ہوتی ہے اور بے جا تکرار سے کلام بدصورت۔

مزید نمائش کے لیے کلک کریں۔۔۔

بہت شکریہ الف نظامی صاحب

کیوں نہ اس تھریڈ میں ایسے اشعار لکھے جائیں جن میں کسی لفظ کی تکرار ہو۔

آپ شروع کر دے نا الف نظامی صاحب

ناموں میں جو اک نام حسیں اور جلی ہے
وہ نامِ علی، نامِ علی، نامِ علی ہے

ناوکِ ناز سے مشکل ہے بچانا دل کا
درد اٹھ اٹھ کہ بتاتا ہے ٹھکانہ دل کا

اگر فردوس بہ روئی زمین است
ہمین است و ہمین است و ہمین است

بہت خوب سلسلہ ہے خرم شہزاد خرم شہزادے۔
شاباش

شاباش ہو شاباش ہو خرم تمہیں شاباش ہو
تکرار کی کیا ضد پڑی ہم نے کہا شاباش ہو

وہاں وہاں سے حقیقت کھلے گی منظر کی
جہاں جہاں سے عدو ترجماں بدلتے ہیں

منو نے اک بلی پالی
بلی پالی کالی کالی
کالی کالی نرم ملائم
نرم ملائم کھال ہے اسکی
کھال ہے اسکی مخمل جیسی
مخمل جیسی چکنی چکنی
چکنی چکنی اچھی اچھی
اچھی اچھی پیاری پیاری
کتے سے گھبراتی بلی
کوٹھے پر چڑھ جاتی بلی
باہر سے جب آتی بلی
بلی پر غراتی بلی
غراتی لڑ جاتی بلی
گھر سے مار بھگاتی بلی
منو اس کو پوسی کہتا
پس پس کہہ کر پاس بلاتا
پاس بلاتا دودھ پلاتا
اچھی اچھی بات سکھاتا

کیا بات ہے سعود بھائی آپ نے تو تکرار ہی تکرار کر دی ہے بہت خوب

بھائی یہ بچپن میں اردو کی کتاب میں پڑھی تھی۔ کچھ کچھ بھعل بھی گیا ہوں۔

کیا بات ہے واہ۔

دم بہ دم دم را غنیمت دان و ہم دم شو بدم
محرمِ دم باش و دم را یک دمی بی جا مدم
لمحہ بہ لمحہ گزرتے سانسوں کو غنیمت جانو اور اس انتہائی مختصر زندگی کے ہم دم بن جاو
زندگی کے محرم راز بن کر مقصد حیات کو پالو اور اک لمحہ بھی بے مقصد زندگی نہ گزارو

کھلنا کم کم کلی نے سیکھا ہے
تیری آنکھوں کی نیم خوابی سے