شعر اور تکرارِ لفظ

زخم بِن غم بِن اور غصّے بِن
اپنا کھانا حرام ہوتا ہے

چاک پر چاک ہوا جوں جوں سلایا ہم نے
اس گریباں ہی سے اب ہاتھ اُٹھایا ہم نے

صبح وہ آفت اٹھ بیٹھا تھا تم نے نہ دیکھا صد افسوس
کیا کیا فتنے سر جوڑے پلکوں کے سائے سائے گئے

سرہانے میر کےآہستہ بولو
ابھی ٹک روتے روتے سو گیا ہے

کیسی کیسی صحبتیں آنکھوں کے آگے سے گئیں
دیکھتے ہی دیکھتے کیا ہوگیا یک بارگی

اس میں زم زم ہے کہ تھم تھم اس میں جم جم ہے کہ بیش
کثرت کوثر میں زم زم کی طرح تھم تھم نہیں

نظامی بھائی بہت سی تکرار جمع کر رکھی ہے آپ نے

لیکن یہ سب خوبصورت ہیں ۔۔ بعض بعض اوقات تکرار انتہائ بھونڈی لگتی ہے ۔۔ اس کی بھی مثالیں پیش کیجیے

خرم!!
ادھر ادھر مت دیکھو،
شعر کہو،
پھر دیکھو کہ مصرع کیا کہتا ہے۔
ان چکروں میں پڑنے کی ضرورت ہے۔
وقت اور تجربہ اور ذوقِ صحیح آپ کی رہنمائی کریں گے۔

بات یہ ہے کہ آدمی شاعر
یا تو ہوتا ہے، یا نہیں ہوتا

نوید صادق نے کہا:

بات یہ ہے کہ آدمی شاعر
یا تو ہوتا ہے، یا نہیں ہوتا

مزید نمائش کے لیے کلک کریں۔۔۔

بالکل نوید بھائی ایسی ہی بات ہے۔
مگر وصی شاہ صاحب کے بارے میں کیا کہیں گے

بھائی سب توفیق کی بات ہے ۔ اس کے ہاں ایک دو شعر مل ہی جائیں گے ۔ مگر سرقہ کرکے اپنی عز ت پر بٹہ لگا دیا موصوف نے

محمد نعمان نے کہا:

بالکل نوید بھائی ایسی ہی بات ہے۔
مگر وصی شاہ صاحب کے بارے میں کیا کہیں گے

مزید نمائش کے لیے کلک کریں۔۔۔

یہاں میرے کچھ اپنے تحفظات ہیں

م۔م۔مغل نے کہا:

بھائی سب توفیق کی بات ہے ۔ اس کے ہاں ایک دو شعر مل ہی جائیں گے ۔ مگر سرقہ کرکے اپنی عز ت پر بٹہ لگا دیا موصوف نے

مزید نمائش کے لیے کلک کریں۔۔۔

خدائے سخن میر تقی میر فرما گئے ہیں
شعر سبھی کہہ لیتے ہیں
دو بول بنانا مشکل ہے

بالکل نوید بھائی اور امجد اسلام امجد نے کہا تھا کہ
کوئی پچیس سال کی عمر کے بعد شعر کہہ کے دکھائے تو میں اسے شاعر مانوں گا۔۔۔۔۔۔۔۔

حمد--کس کا نظام راہ نما ہے افق افق
کس کا نظام راہ نما ہے افق افق
جس کا دوام گونج رہا ہے افق افق
شانِ جلال کس کی عیاں ہے جبل جبل
رنگِ جمال کس کا جما ہے افق افق
مکتوم کس کی موجِ کرم ہے صدف صدف
مرقوم کس کا حرفِ وفا ہے افق افق
کس کی طلب میں اہل ِ محبت ہیں داغ داغ
کس کی ادا سے حشر بپا ہے افق افق
سوزاں ہے کس کی یاد میں تائب نفس نفس
فرقت میں کس کی شعلہ نوا ہے افق افق
از حضرت حفیظ تائب رحمۃ اللہ علیہ

اشعار میں ایسی تکرار کو ہندی ادب میں "انوپراس النکار" کا نام دیا جاتا ہے۔ اور یہ صنائع لفظی کے زمرے میں آتا ہے۔
ویسے محترم نوید صادق صاحب کہاں گم ہیں؟ عرصہ ہوا محفل کی طرف نہیں آئے۔

کھڑک سنگھ کے کھڑکنے سے کھڑکتی ہیں کھڑکیاں
کھڑکیوں کے کھڑکنے سے کھڑکتا ہے کھڑک سنگھ
بچپن سے سنتے آ رہے ہیں

ہم نے رو رو کے محبت کی بقا مانگی ہے
اس نے ہنس ہنس کے مقدر کی سزا مانگی ہے
ہم نے ڈر ڈر کے حقیقت کی ضیا مانگی ہے
اس نے خوش ہو کہ بھی ظلمت کی گھٹا مانگی ہے
(متلاشی)

م۔م۔مغل نے کہا:

بھائی سب توفیق کی بات ہے ۔ اس کے ہاں ایک دو شعر مل ہی جائیں گے ۔ مگر سرقہ کرکے اپنی عز ت پر بٹہ لگا دیا موصوف نے

مزید نمائش کے لیے کلک کریں۔۔۔

کیا واقعی وصی شاہ نے اشعار سرقہ کیئے ہیں، کچھ ثبوت ہے اس کا ؟