عظیم کی شاعری برائے اصلاح و تنقید و تبصرہ

عظیم شہزاد نے کہا:

دین و دنیا بُھلا کے بیٹھے ہیں
عشق مذہب بَنا کے بیٹھے ہیں
اپنی مَیت سَجا کے بیٹھے ہیں
اِک تماشا لَگا کے بیٹھے ہیں
خُون اپنا بہا کے بیٹھے ہیں
آپ خُود کو مِٹا کے بیٹھے ہیں
دل جلانے کی بات کرتے ہو
ہم تو خُود کو جَلا کے بیٹھے ہیں
تیرے ہجراں میں کون جانے ہم
کتنے صدمے اُٹها کے بیٹھے ہیں
بُهول بیٹھے ہیں تیرے وعدوں کو
اپنے وعدے بُھلا کے بیٹھے ہیں
زندگی میں عظیم کیا کہئے
چند خُوشیاں مَنا کے بیٹھے ہیں

​

مزید نمائش کے لیے کلک کریں۔۔۔

غزل میں کوئی قابلِ گرفت خامی بھی نہیں اور کوئی بہت بڑی خوبی بھی نہیں۔
ہاں اس امر کا احساس ضرور ہوتا ہے کہ ادھر غزل کہی، ادھر پوسٹ کر دی۔ یہ میرا احساس ہے، ضروری نہیں کہ فی الواقع ایسا ہوا ہو۔
اپنا کوئی بھی فن پارہ دوستوں کے سامنے رکھنے سے پہلے بہت ضروری ہے کہ کچھ وقت اس کے ساتھ گزارئیے، اس میں کوئی قطع و برید ایسی سوجھ جائے جو بہتری لا سکے تو کر دیجئے۔ زبان و بیان کی صحت کا خیال رکھا کیجئے، کہ آج کے ایک شاعر کا کہا کل کے زبان دان کے لئے حوالہ بنے گا۔ کسی دوسرے کا مصرع اگر استعمال کرنا ہے تو اُس کو واوین میں لکھ دیجئے، کہ آپ کا قاری جان جائے ۔

میں بھی کچھ اسی قسم کا اظہار کرنا چاہ رہا تھا ۔ زود گوئی پر گوئی اگرچہ سلیس و رواں لہجہ بھی رکھے اور قابل تصحیح کوئی امر نہ بھی ہو لیکن تھوڑی توجہ فکر ی گہرائی پر یا کسی تخیل کی نزاکت یا کسی حلمت و دانائی کوئی خاص انداز بیان وغیرہ کے تصوّر پر فوکس لی جائے تو شاعری ذرا جاندار اور نسبتاً زیادہ اپیل کرنے والی ہو سکتی ہے۔
اگر چہ یہ بھی ضروری نہیں کہ ہر شعر ہی بیت الغزل کے مقام کا حامل ہو جائے ۔تاہم اس کا خیال رکھا جائے تو بہتر ہو۔ باقی قیمتی مشورے تو مل ہی چکے ہیں۔

مجھے شعر و شعاری سے خاص لگاؤ نہیں لیکن اس معاملے میں اچھائی نظر آئی ہے اس لئے
میں نے الحمدللہ پسند کیا،
باقی الف ب سے ے تک جاننے والے بتائینگے کہ کی خامی ہے کیا درست ہے
جزاک اللہ

یہی میں بھی اکثر کہتا رہتا ہوں عظیم شہزاد سے کہ عروضی اعتبار سے اکثر اشعار درست ہوتے ہیں، لیکن مفہوم کے اعتبار سے کوئی نئی بات نہیں ہوتی۔ یا بہت کم ہوتی ہے۔ اس کے علاوہ میں نے اکثر کچھ مشورے بھی دئے ہیں، لیکن یہ معلوم نہیں ہو سکا کہ انہوں نے کیا عمل کیا ہے ان پر، متفق ہیں یا نہیں، یا بہتری کے کسی مشورے کو قبول کرتے ہیں یا نہیں۔ یا کم از کم غزل کی فائنل شکل ہی یہاں دوبارہ شئر کریں

الف عین محمد یعقوب آسی

مجموعی طور پر محنت کی کمی محسوس ہو رہی ہے۔
تفصیل پھر سہی۔

الف عین محمد یعقوب آسی

اچھا تجربہ ہے، پسند آیا

ڈھنگ میں ن معلنہ ہوتا ہے، یہاں ڈھب کر دیا جائے۔
مقطع کا پہلا مصرع بھی دیکھو، عمل کا م ساکن تقطیع ہو رہا ہے

جی بہتر
دعائیں

الفاظ کا غیر اہم استعمال ۔آخری شعرکی نوعیت سمجھ نہیں پڑتی۔

نظر کے سامنے رکها ہے جو کچه، خوبصورت ہے
مگر جو کچه نہاں ہے وہ، بہت ہی خوب ہوتا ہے
سبحان اللہ