تعارفتعارف — page 5 of 7

mfdarvesh — دسمبر 8، 2011 9:49 صبح

اور خوش آمدید جناب

مغزل — دسمبر 9، 2011 11:31 صبح

وہ کیا کہتے ہیں موئی انگریزی میں ۔۔ ارے ہاں یاد آیا۔۔ ’’ اگین خوش آمدید ‘‘ اوہ ہ ہ ۔۔ سوری ’’ دوبارہ ویلکم ‘‘ نہیں نہیں۔۔۔ ’’ واپسی مبارک ہو‘‘ :laugh:

زیک — ستمبر 24، 2013 5:00 شام

محفل میں آئے اتنا عرصہ ہو گیا ہے کہ شاید کوئی پہچان ہی نہ پائے۔ سو اس لڑی کو اوپر لا رہا ہوں تاکہ ہع خاص و عام کو معلوم ہو کہ میں محفل کا ex-founder ہوں مگر اب ایک عام رکن کے طور پر واپس آیا ہوں۔

بھلکڑ — ستمبر 24، 2013 5:04 شام

زیک نے کہا:
محفل میں آئے اتنا عرصہ ہو گیا ہے کہ شاید کوئی پہچان ہی نہ پائے۔ سو اس لڑی کو اوپر لا رہا ہوں تاکہ ہع خاص و عام کو معلوم ہو کہ میں محفل کا ex-founder ہوں مگر اب ایک عام رکن کے طور پر واپس آیا ہوں۔

خوش آمدید!

انیس الرحمن — ستمبر 24، 2013 5:08 شام

عمر سیف — ستمبر 24، 2013 7:02 شام

ایک بار پھر خوش آمدید

عندلیب — ستمبر 24، 2013 7:03 شام

خوش آمدید جناب ۔

حسیب نذیر گِل — ستمبر 25، 2013 2:24 شام

ایک مرتبہ پھر خوش آمدید جناب

جاسمن — اگست 31، 2018 12:39 صبح

شروعات بارے پڑھنا اچھا لگتا ہے۔

عبید انصاری — ستمبر 18، 2018 6:13 شام

منہاجین نے کہا:
ایک مجرم تو پکڑا گیا۔
اس سے ملئے، یہ ہے قدیر ۔ ۔ ۔
دراصل مجھے ویب ٹیکنالوجی بہت پسند ہے۔ میں نے تقریباً دو سال پہلے کمپیوٹر خریدا۔ جب میں نے کمپیوٹر خریدا تو مجھے کلک کرنے اور اور فولڈر یا فائلیں کھولنے کے سوا کچھ نہیں آتا تھا۔ چنانچہ میں نے کمپیوٹر سیکھنے کو اپنا نصب العین بنا لیا۔ نتیجتاً تقریباً ایک ماہ میں میں نے پوری ونڈوز کھنگال ڈالی اور کمپیوٹر میں " چیتا " ہو گیا۔ اس کا ایک اور نتیجہ یہ نکلا کہ میں ایف ایس سی میں صرف ساٹھ فیصد نمبر لے سکا اور انجینیرنگ یونیورسٹی والوں نے میرے پاؤں پکڑے، کہ بھائی آپ گھر میں آرام کریں، یہاں یونیورسٹی میں خوامخواہ آپ کی ٹیکنیکل صلاحیتوں کو زنگ لگ جائے گا۔ میں کمپیوٹر تو بخوبی سیکھ گیا، مگر دوسری طرف ذرا نقصان ہوگیا۔
اب دلِ ناتواں نے سوچا کہ یار! انجینیرنگ میں کیا رکھا ہے، خوامخواہ مشینوں کے ساتھ طبع آزمائی کرنی پڑتی ہے۔ چھوڑو اس کو اور بی ایس سی کر لو۔ چنانچہ میں نے بی ایس سی میں داخلہ لے لیا اور زور و شور، لگن اور تندہی کے ساتھ کمپیوٹر کی فیلڈ میں مزید ہاتھ پاؤں مارنے شروع کر دیے۔ جب کمپیوٹر سیکھا تو انٹرنیٹ کیا مشکل تھا۔ اس کو تو ویسے ہی کامن سینس نے لتاڑ دیا۔ ایک بات میں واضح کردوں، میں نے یہ تمام خرابہ کسی سے نہیں سیکھا صرف کامن سینس استعمال کی۔ ہاں کچھ کچھ باتیں کہیں کہیں سے معلوم ہوتی گئیں۔
ایک دن میں نے اپنے دوست عمیر خان سے پوچھا کہ یار، یہ ویبسائٹیں کیسے بنتی ہیں۔ انہوں نے بتایا کہ اس کے لیے ویب پیج بنانے پڑتے ہیں جن کے لیے ایچ ٹی ایم ایل کی ضرورت ہوتی ہے جو کہ ایک زبان ہے اور یہ تم جیسے عقل کے اندھے کی سمجھ میں نہیں آنے کی۔ میں نے ان سے بہت کہا کہ مجھے بھی سمجھائیے یہ کیا ہے انہوں نے کہا کہ میرا سر نہ کھاؤ ، یہ تمہیں پسند نہیں آئے گا۔
مگر بندہِ ناچیز نے بھی ہمت نہ ہاری۔ میں نے یہ کیا کہ جو ویب پیج بھی کھولتا اس کا سورس کوڈ نوٹ پیڈ میں دیکھنا شروع کردیتا، پھر اس کا کچھ حصہ ڈیلیٹ کر کے دیکھتا کہ کیا فرق پڑا ہے۔ اس طرح کرتے کرتے میں نے ایک ماہ میں ایچ ٹی ایم ایل سیکھ لی۔ اس کے بعد مجھے اس سے متعلق ایک کتاب ملی، چنانچہ میں نے کچھ اپنا سر پِیٹا اور کچھ کتاب کو بے نقط سنائیں کہ کمبخت! تو نے ابھی ملنا تھا، کچھ دیر پہلے مل جاتی تو کیا بگڑ جاتا۔
چونکہ میں پیدائشی ذہین و فطین اور قابل و عامل تھا ، چنانچہ میں نے آہستہ آہستہ ویب سے متعلق دوسری ٹیکنالوجیز سے بھی روشنائی حاصل کرلی۔ پھر میں نے کسی پپّو قسم کے ویب ہوسٹ کی تلاش شروع کردی جو مفت جگہ اور پروگرامنگ لینگوئج کے لیے آب و ہوا فراہم کرے۔ مگر کوئی بھی میرے معیارِ بے شمار پر نہ اتر سکا بلکہ جو پہلے موجود تھے ، وہ بھی اڑ گئے۔
چونکہ مجھے کمپیوٹر اور انٹرنیٹ وغیرہا سیکھنے میں بہت مشکل پیش آئی تھی ، اس لیے میں نے سوچا کہ نو آموزوں کے لیے ویب سے متعلق مضامین اردو میں پیش کرنے چاہییں تا کہ وہ بچے بلونگڑے جو اپنا وقت انڑنیٹ پر لچر بکواس دیکھنے میں گزارتے ہیں اور کوئی ذریعہ و منبعِ علم نہیں پاتے ، ان کو مدد فراہم ہو۔

نہایت دلچسپ!

عبداللہ محمد — جون 2، 2025 4:15 شام

کافی تگ و دو کے بعد ادارہ اس نتیجے پر پہنچا ہے کہ یہ غالباً زیک بھائی کی طرف سے شروع کردہ پہلی لڑی تھی؟
زیک بھائی کیا ایسا ہی ہے یا اس سے پہلے بھی کوئی تھی؟
خیر اس سے سوال یہ ہے کہ دو دہائیاں قبل آپ نے یہ لڑی کہاں سے بنائی اس وقت آپ کے زیر استعمال کونسا کمپیوٹر تھا؟ اور موبائل بھی؟
اس وقت نیٹ کی سپیسڈ اندازاً کتنی تھی اور قیمت بھی اور آپ کتنے گھنٹے استعمال کرتے تھے؟ کیا تب آپ کیفے وغیرہ جاتے تھے؟

زیک — جون 2، 2025 7:20 شام

عبداللہ محمد نے کہا:
کافی تگ و دو کے بعد ادارہ اس نتیجے پر پہنچا ہے کہ یہ غالباً @زیک بھائی کی طرف سے شروع کردہ پہلی لڑی تھی؟
زیک بھائی کیا ایسا ہی ہے یا اس سے پہلے بھی کوئی تھی؟

شاید یہی پہلی تھی۔ شروع بھی محفل کے پہلے مہینے میں ہوئی اور میں رجسٹر بھی کچھ لیٹ ہی ہوا تھا

عبداللہ محمد نے کہا:
خیر اس سے سوال یہ ہے کہ دو دہائیاں قبل آپ نے یہ لڑی کہاں سے بنائی

ان دنوں نیا نیا واپس اٹلانٹا موو ہوا تھا۔ یقیناً گھر ہی سے بنائی ہو گی

عبداللہ محمد — جون 2، 2025 7:24 شام

عائشہ نے کہا:
بہت بہت بہت بہت بہت بہت بہت شکریہ!!!!

عائشہ جی نے ایک دن میں 21 مراسلے کئے۔
اتنا سارا شکریہ ادا کیا اور پھر واپس نہ لوٹیں۔

زیک — جون 2، 2025 7:28 شام

عبداللہ محمد نے کہا:
اس وقت آپ کے زیر استعمال کونسا کمپیوٹر تھا؟ اور موبائل بھی؟

ڈیسکٹاپ کمپیوٹر میں خود ہی بنایا کرتا ہوں۔ سو اپنا بنایا والا تھا۔
لیپٹاپ ان دنوں ڈیل کا تھا جس نے بہت مسائل دیئے۔ انٹرنیٹ پر اپنی دکھی داستان لکھی تو ڈیل نے رابطہ کیا اور نیا کمپیوٹر دیا۔
موبائل پالم ٹریو 650 ہوتا تھا آئی فون سے پہلے۔

سیما علی — جون 2، 2025 7:29 شام

زیک نے کہا:
اپنا تعارف کرانے میں کچھ دیر ہو گئی۔ میرا نام زکریا اجمل ہے اور میں اٹلانٹا (امریکہ) میں پی ایچ ڈی مکمل کر رہا ہوں۔ میری ریسرچ computer vision اور image and video processing میں ہے۔ اٹلانٹا اور امریکہ میں رہتے ہوئے مجھے سات سال سے زیادہ ہو گئے ہیں۔
بلاگنگ کے بارے میں مجھے 2001 میں پتہ چلا جب میں نے امریکی سیاست پر بلاگ پڑھنے شروع کئے (سیاست کا میں کافی شوقین ہوں)۔ اپنا بلاگ جون 2002 میں بلاگسپاٹ پر شروع کیا۔ مئی 2003 میں اسے اپنی سائٹ پر موویبل ٹائپ پر منتقل کر لیا۔
پچھلے سال فروری میں مجھے اپنے بلاگ پر اردو لکھنے کا جذبہ آیا۔ اس وقت تک میں نے کمپیوٹر پر کبھی اردو نہیں لکھی تھی۔ صحیح یاد نہیں پڑتا کہ یہ خیال کہاں سے آیا۔ اس وقت میں عمیر اور جلال کے اردو بلاگوں سے واقف تھا۔ اس کے علاوہ انہی دنوں میرے roommate نے فارسی میں بلاگ شروع کیا تھا۔ خیر اردو میں لکھنا شروع کیا۔ اس کے لئے کئی جتن کرنے پڑے۔ ان کا حال اور کچھ معلومات اپنے بلاگ پر لکھیں۔ پھر خیال آیا کہ کیوں نہ اردو بلاگز کی فہرست تیار کی جائے۔ یہ تین بلاگز سے شروع ہو کر اب 35 تک پہنچ چکی ہے۔
اس سال جنوری میں آصف سے مشورہ کیا کہ اردو میں بلاگنگ کو مقبول کرنے کے لئے کچھ کام کیا جائے۔ ساتھ نبیل اور دانیال بھی شامل ہو گئے۔ میں باتیں بناتا گیا اور یہ لوگ کام کرتے گئے۔ اردو وکی، اردو بلاگ، اردو سیارہ سب تیار ہوئے تو پھر خیال آیا کہ ان کو ایک سائٹ پر یکجا کیا جائے۔ اس طرح اردو ویب کا آغاز پچھلے ماہ ہوا۔ سائٹ کو آن لائن لانے میں قدیر کا ذکر کرنا بھی ضروری ہے۔
اب دیکھیں اردو ویب کو ہم سب کہاں لے جاتے ہیں۔ میں ابھی بھی زیادہ بلاگنگ انگریزی میں کرتا ہوں اور اس سائٹ کے لئے اپنے منصوبوں پر کام کرنے کا وقت مشکل سے ملتا ہے۔

🎖️🎖️🎖️🎖️🎖️🎖️🎖️🎖️🎖️🎖️🎖️🎖️🎖️🎖️🎖️

زیک — جون 2، 2025 7:36 شام

عبداللہ محمد نے کہا:
اس وقت نیٹ کی سپیسڈ اندازاً کتنی تھی اور قیمت بھی اور آپ کتنے گھنٹے استعمال کرتے تھے؟ کیا تب آپ کیفے وغیرہ جاتے تھے؟

سپیڈ شاید 6 Mbps تھی۔ قیمت بالکل یاد نہیں۔
ہمہ وقت انٹرنیٹ آن ہوتا تھا تو استعمال بھی ہوتا تھا لیکن شاید بہت زیادہ نہیں۔
نیٹ کیفے شاید کبھی نہیں گیا

سیما علی — جون 2، 2025 9:29 شام

زیک نے کہا:
تاکہ ہع خاص و عام کو معلوم ہو کہ میں محفل کا ex-founder ہوں مگر اب ایک عام رکن کے طور پر واپس آیا ہو

خوش آمدید خوش آمدید
عام ہوکر بھی بہت خاص ہیں آپ زیک۔

مریم افتخار — جون 2، 2025 9:32 شام

خوش آمدید زیک، امید ہے آپ کا وقت یہاں اچھا گزرے گا۔ اپنا ہی گھر سمجھیں!

مریم افتخار — جون 2، 2025 9:36 شام

کوئی قابل ہو تو ہم شان کئی دیتے ہیں
ڈھونڈنے والوں کو دنیا بھی نئی دیتے ہیں
یہاں ہم سب کو بہت کچھ سیکھنے کو ملتا ہے (اگر سیکھنا چاہیں تب)۔ باقی زیادہ مسئلہ ہو تو یہاں مجھے رپورٹ کرتے ہیں۔ پہلے میں جاسوس کہلاتی تھی مگر آج کل لوگوں کو بھولا ہوا ہے اور میں بس بڑے مسئلوں (جیسے محفل کا خاتمہ وغیرہ) کو مزاح کارنگ دیتی ہوں اور پھر جب لوگ نہیں ہنستے تو ان سے تاوان وغیرہ وصول کرتی ہوں تاکہ مزید شور کی آلودگی پر قابو پایا جاسکے!

یاز — جون 2، 2025 9:40 شام

سیما علی نے کہا:
خوش آمدید خوش آمدید
عام ہوکر بھی بہت خاص ہیں آپ زیک۔

لیکن برادرم زیک عام ہیں ہی کب؟
ہم وہ راہی ہیں جو منزل کی خبر رکھتے ہیں
پاؤں کانٹوں پہ شگوفوں پہ نظر رکھتے ہیں
کتنی راتوں سے نچوڑا ہے اُجالا ہم نے
رات کی قبر پہ بنیادِ سحر رکھتے ہیں