ٹھیک ہے آپ کے سر پر شادی سوار ہے خان صاحب لیکن شیروانی صرف شادی کے لیے ہی نہیں ہوتی یا پھر ہمیں یہ بھی ماننا پڑے گا کہ ہمارے سیاستدان جو حلف کے لیے شیروانی پہن کر جاتے ہیں وہ وزارتِ عظمی ٰ اور وزارتِ اعلیٰ کو بھی اپنی بیوی ہی سمجھتے ہیں۔آپ کا انٹرویو ہونا ہے شادی نہیں
عمومی سوالات تو اوپر ہو چکے اور آپ پر ان کے جوابات بھی لازم ہیں۔ اب میں کوشش کروں گی کہ آپ سے متعلق کچھ خصوصی سوالات کیے جائیں۔ سیٹ بیلٹ باندھ لیں۔
سوالنامہ:
1) 'عرفان سعید' کی ڈیفینیشن لکھیں ۔ (ایک جملہ جو آپ کی شخصیت کی مکمل ترجمانی کرے نیز فقط آپ پر صادق آتا ہو۔) نیز ان کا ایمپیریکل فارمولا کیا ہے اور دنیا کی کن عظیم شخصیات سے اس ایمپیریکل فارمولے کی مماثلت ہے؟
2) کیا کبھی ایسا ہوا ہے کہ آپ کی بصیرت لیب سے باہر بھی سبھی چیزوں کو بظاہر دیکھنے کی بجائے ان کے اٹامک سٹرکچرز ، پوزیشنز اور ممکنہ ری ایکشنز دیکھنے لگی ہو؟
3) فرض کیجیے کہ آپ ایک مرکب ہیں تو آپ کے بنیادی عناصر کیا ہیں؟
4) آپ کی زندگی کا اثاثہ کیا ہے؟
5) اپنے حافظے کی سب سے بڑی تیزی اور سب سے بڑی کمزوری کا ایک ایک قصہ تحریر کیجیے۔
6) آپ کا شعبہ سائنس ہے اور ایک مدت سے بیرون ملک مقیم ہیں مگر اس قدر خوبصورت طرز تحریر ہے، اس کے پیچھے کیا محرکات کار فرما ہیں؟
7) آپ کون کون سی زبانیں روانی سے بول سکتے ہیں نیز بیرون ملک رہتے ہوئے آپ اپنی مادری زبان سے کس حد تک وابستہ ہیں؟
8 ) آپ کی رائے میں اردو محفل فورم کے پروز اور کونز کیا ہیں؟
9) کیا کبھی ایسا ہوا ہے کہ زندگی کا کوئی فلسفہ آپ پر کیمیا پڑھتے ہوئے کھلا ہو؟ مفصل نوٹ لکھیے۔
10) آپ نے آج تک کن کن غیر نصابی سرگرمیوں/ مشاغل اور کھیلوں میں حصہ لیا ہے نیز ان سرگرمیوں کے علاوہ اس کیمیا دان کی شوخی گفتار اور شگفتہ مزاجی کا راز کیا ہے؟
عرفان سعیدیاد دہانی
اگر گیس پیپرز مل گئے ہوں اور کامیابی سے بوٹی بنا لی ہو تو پرچہ حل کرنے کی طرف آئیں
بہت سخت مزاج ممتحن ملے ہیں اس بار۔اگر گیس پیپرز مل گئے ہوں اور کامیابی سے بوٹی بنا لی ہو تو پرچہ حل کرنے کی طرف آئیں
اب تک تو لاعلم تھا۔آپ بتا رہی ہیں تو آپ پر پورا یقین ہے۔
پینل انٹرویوز کے بعد دیگر محفلین کے سوال۔
یہ سوال پوچھا تو کہیں اور تھا ، یہاں کیسے آگیا؟پینل انٹرویوز کے بعد دیگر محفلین کے سوال۔
وہاں پہلے پینل کے سوالات آئیں گے، اس کے بعد دیگر۔
مزید یہ کہ آپ کے انٹرویو سے میں نے بہت کچھ سیکھا ہے اور یہ میرے لیے بہت سعادت کی بات ہے. باقی محفلین سے گزارش ہے کہ جو جو چھپے رستم ہیں عرفان سعید بھیا کے نقش قدم پر چلتے ہوئے اپنا نام انٹرویو کے لیے لکھوائیں. چاہے آپ کے مراسلہ جات کم ہی کیوں نہ ہوں، ہمیں (محفل کے سینئر ممبران کے ساتھ ساتھ) آپ کا انٹرویو کر کے بھی خوشی ہوگی اور میرا خیال ہے کہ یوں انٹرویو کا مقصد بھی بدرجہ اتم پورا ہوگا، اگر ہر دو طرح کے محفلین کا انٹرویو لیا جائے.
پہلا سوال تو یہ ہونا چاہیئے کہ نام یازغل گلیشیئر پر رکھا یا یازغل سر پہاڑ پر؟
بہت ہی زبردست سلسلہ شروع کیا ہے.....
شاندار!
مریم آپ اور آپ کی ٹیم کی اس کاوش کو جس قدر سراہا جائے کم ہے....
خصوصیات تو ساری آپ ہی کی ہیں یا پھر کوئی اور بھی چھپا رستم ہے یہاں!
