محفلین کے انٹرویو

مریم افتخار — مئی 27، 2018 6:59 شام

گزشتہ برس کے کامیاب الیکشن کے بعد ہم اس سالگرہ پر یہ سوچتے ہی رہے کہ مزید ایسی کون سی لڑی بنائی جائے جو سالگرہ کے پورے دورانیے میں فعال رہے۔ الیکشن دوبارہ کروانا تو کچھ ایسا سودمند نہ تھا کیونکہ دس ماہ کی قلیل مدت میں انتخاب تھوڑی بدلتا ہے۔

بھلا ہو ہمارے محمدظہیر بھیا کا کہ ان کے ذہن میں محفلین کے انٹرویو کا خیال آیا اور اس خیال کو عملی جامہ پہنانے کا کام ہمارے سپرد کیا گیا۔ محفلین کے انٹرویو کی کمی ہمیں بھی کچھ عرصہ سے محسوس ہو رہی تھی کیونکہ کئی برس سے اس جانب توجہ نہیں دی گئی۔ تیرہویں سالگرہ کے موقع پر محفلین کے انٹرویو کا سلسلہ شروع کیا جا رہا ہے۔ ہماری اولین کوشش ہوگی کہ ایسے ذاتی نوعیت کے سوال نہ ہوں جو ناگوار گزریں تاہم انٹرویو دینے والے کو مکمل اختیار ہے کہ وہ جس سوال کا جس طرح جواب دینا چاہے دے اور ہمیں شرمندہ کیے بغیر آگے بڑھ جائے۔

محفلین سے التماس ہے کہ اس سلسلہ میں بڑھ چڑھ کر حصہ لیں۔ مزید برآں ہمارے پاس چالیس ہزار مراسلہ جات کا ہدف ہے ، اس طرح وہ بھی کسی طور منزل کی جانب بڑھے گا۔

مریم افتخار — مئی 27، 2018 7:01 شام

کیا خیال ہے خواتین و حضرات؟ سب سے پہلا انٹرویو کس کا ہونا چاہیے؟ ہمارے ذہن میں تو نبیل بھیا کا خیال آتا ہے۔

جان — مئی 27، 2018 7:02 شام

اچھا ہے۔ اس سے یہاں کے ماحول اور ممبرز کی نفسیات کو سمجھنے میں کافی مدد ملے گی۔

مریم افتخار — مئی 27، 2018 7:03 شام

محمدظہیر بھیا! کیا یہ زیادہ جلدی تو نہیں؟
ویسے نیک کام میں دیر کرنی تو نہیں چاہیے۔

مریم افتخار — مئی 27، 2018 7:03 شام

محمد تابش صدیقی بھیا! آپ کی ریٹنگ نے ہمیں حوصلہ دیا ہے۔ اب آپ ہی اس کام میں مزید تجاویز بھی دیں۔

مریم افتخار — مئی 27، 2018 7:05 شام

محمد تابش صدیقی بھیا۔ انٹرویو والی لڑی میں سے تبصرہ جات کو یہاں منتقل کر دیجئے۔

مریم افتخار — مئی 27، 2018 7:05 شام

بھائی جان ! تبصرہ جات کی لڑی یہ ہے۔

نبیل — مئی 27، 2018 7:07 شام

مریم افتخار نے کہا:
کیا خیال ہے خواتین و حضرات؟ سب سے پہلا انٹرویو کس کا ہونا چاہیے؟ ہمارے ذہن میں تو نبیل بھیا کا خیال آتا ہے۔

جی ہم حاضر ہیں۔

اس کے لیے پلیز علیحدہ تھریڈ شروع کر لیں۔

محمدظہیر — مئی 27، 2018 7:08 شام

مریم افتخار نے کہا:
محمدظہیر بھیا! کیا یہ زیادہ جلدی تو نہیں؟
ویسے نیک کام میں دیر کرنی تو نہیں چاہیے۔

زبردست! بہت اچھا کیا ابھی شروع کیا..
اب سوالات بھی بنائے جانے چاہیے جو پرانے انٹرویوز سے ذرا مختلف اور اپڈیٹڈ ہوں... سوالات تیار کرنے کے لیے چاہیں تو مزید وقت لیں

زیک — مئی 27، 2018 7:08 شام

مریم افتخار نے کہا:
کیا خیال ہے خواتین و حضرات؟ سب سے پہلا انٹرویو کس کا ہونا چاہیے؟ ہمارے ذہن میں تو نبیل بھیا کا خیال آتا ہے۔

اچھا خیال ہے۔
آغاز ان محفلین سے کریں جن کا پہلے انٹرویو نہیں ہوا

فرقان احمد — مئی 27، 2018 7:10 شام

محفل کی خوب صورت روایت رہی ہے کہ انٹرویو لینے کے لیے متعلقہ محفلین سے اجازت لی جاتی تھی۔ امید ہے کہ اس روایت کی پاسداری کی جائے گی۔

محمد تابش صدیقی — مئی 27، 2018 7:11 شام

مریم افتخار نے کہا:
محمد تابش صدیقی بھیا! آپ کی ریٹنگ نے ہمیں حوصلہ دیا ہے۔ اب آپ ہی اس کام میں مزید تجاویز بھی دیں۔

بہت عمدہ سلسلہ ثابت ہو سکتا ہے، اگر مربوط ہو تو۔
اپنے ساتھ ایک، دو ٹیم ممبر بھی منتخب کر لیں. تاکہ کسی ایک فرد کی غیر موجودگی سے سلسلہ رکے نہیں۔
بنیادی طور پر کچھ سوال طے شدہ ہوں، پھر مزید جو سوال کوئی پوچھنا چاہے۔

فہد اشرف — مئی 27، 2018 7:35 شام

ایک سیشن محفلین کے سوال کا بھی ہونا چاہیے۔

ابن سعید — مئی 27، 2018 7:35 شام

فرقان احمد نے کہا:
محفل کی خوب صورت روایت رہی ہے کہ انٹرویو لینے کے لیے متعلقہ محفلین سے اجازت لی جاتی تھی۔ امید ہے کہ اس روایت کی پاسداری کی جائے گی۔

ویسے کچھ روایت شکنوں نے ہمیں زار زار رلایا بھی ہے۔

امن ایمان نے کہا:
سمجھنے والے سمجھ گئے ہوں گے جو نہیں سمجھے اُن کے لیے اس شعر کی تشریح یوں ہے کہ اس دفعہ امن ایمان نے روایتی طریقے سے انٹرویو اجازت مانگنے کی بجائے ڈائریکٹ انٹرویو شروع کردیا۔۔۔وجہ یہ کہ ماضی قریب میں بھی اجازت مانگی،نہ ملی۔اب بھی امید واثق تھی کہ نہیں ملے گی اس لیے اردو محفلین کی حمایت پر تھوڑا اکڑتے ہوئے یہ جسارت کرلی۔ٹھیکک کیا نا؟؟

مریم افتخار — مئی 27، 2018 7:55 شام

زیک نے کہا:
اچھا خیال ہے۔
آغاز ان محفلین سے کریں جن کا پہلے انٹرویو نہیں ہوا

کچھ نام جو آپ کے ذہن میں ہوں، شریک کریں۔

مریم افتخار — مئی 27، 2018 8:07 شام

محمد تابش صدیقی بھائی اور محمدظہیر بھائی آپ اس سلسلے میں انٹرویو ٹیم ممبر بنیں گے؟

محمد تابش صدیقی — مئی 27، 2018 8:08 شام

مریم افتخار نے کہا:
محمد تابش صدیقی بھائی اور محمدظہیر بھائی آپ اس سلسلے میں انٹرویو ٹیم ممبر بنیں گے؟

مدیران سے ہٹ کر ہی کوئی ممبر چنیں۔

ویسے اس کام میں خواتین تیز ہوتی ہیں۔

فرقان احمد — مئی 27، 2018 8:09 شام

مریم افتخار نے کہا:
محمد تابش صدیقی بھائی اور محمدظہیر بھائی آپ اس سلسلے میں انٹرویو ٹیم ممبر بنیں گے؟

ہم بھی بنیں گے۔

فرقان احمد — مئی 27، 2018 8:10 شام

محمد تابش صدیقی نے کہا:
مدیران سے ہٹ کر ہی کوئی ممبر چنیں۔
ویسے اس کام میں خواتین تیز ہوتی ہیں۔

فرقان احمد نے کہا:
ہم بھی بنیں گے۔

مدیرانہ چپقلش!

محمد تابش صدیقی — مئی 27، 2018 8:11 شام

فرقان احمد نے کہا:
ہم بھی بنیں گے۔

ارے سوال پوچھنا منع نہیں ہو گا۔
ابتدائی سوال نامہ انٹرویو ٹیم کی طرف سے ہو گا، اس کے بعد دیگر محفلین بھی سوال کر سکیں گے۔