نوائے پریشاں

ہچکی آ آ کے کسی وقت نکل جائے گا دم
آپ کیوں یاد کیا کرتے ہیں ہر بار ہمیں

اب تو ہر سمت میرے گحر میں دھواں پھیلا ہے
تجھ سے وابستہ ہر اک چیز جلا دی میں نے

ہزار اس نے یہ چاہا کہ میں بکھر جاوں
سو میں نے صبر کیا، صبر بھی قیامت کا

یہ اور بات کہ اظہار نہ ہو سکا ہم سے
نہیں ہے تم سے محبت، یہ کون کہتا ہے

دیکھ میں ہو گیا بدنام کتابوں کی طرح
میری تشہیر نہ کر، اب تو جلا دے مجھ کو

تم تو جانتے ہوخلش، بات کتنی سادہ ہے
خود کے ساتھ رہنے میں کم ذرا ہے رسوائی

اس نے مانگا بھی اگر کچھ تو جدائی مانگی
اور اک ہم تھے، کہ انکار نہ کرنا آیا

تجھ سے ملتا ہوں سمٹنے کے لئے
تجھ سے ملتا ہوں تو کچھ اور بکھر جاتا ہوں

جمال اب تو یہی رہ گیا پتہ اس کا
بھلی سی شکل تھی، پیارا سا نام تھا اس کا

کتنا آساں تھا تیرے ہجر میں مرنا جاناں
پھر بھی اک عمر لگی، جان سے جاتے جاتے

دل کو کہاں قبول دماغوں کے فیصلے
دل تو محبتوں کے قبیلے کا فرد ہے

ایک تم ہو، کہ ہر اک دل میں اتر جاتے ہو
ایک ہم ہیں، کہ ہر اک دل سے اتر جاتے ہیں

ہم سے اک بار بھی جیتا ہے، نہ جیتے گا کوئی
وہ تو ہم جان کے کھا لیتے ہیں ماتیں اکثر

اب تم ہو مقابل تو مجھے ہارنا ہو گا
تم کو تو میری جان ہرایا نہیں جاتا