تعارفکیا آپ مجھے جانتےہیں؟

تیشہ — نومبر 12، 2009 11:54 شام

ناز پری نے کہا:
السلام علیکم میں ابھی اپنے بارے میں لکھ کر ارسال کرتی ہوں
جو کچھ میں کہتی ہوں جناب وہی کچھ لکھتے ہیں اپنے پاس سے کچھ نہیں لکھتے ہیں میں ابھی حاضر ہوتی ہوں آپ سب کا بہت شکریہ کہ آپ سب نے اتنی محبت دی جیسا سنا تھا ویسا بلکے اس سے بھی زیادہ بہتر پایا

میں نے کچھ نہیں کیا :sad2:

مجھ سے ناراض نا ہونا :blushing:

یہ تو میں نے تکُا لگایا تھا جو ٹھیک نکلا مگر میرا کہنے کا مطلب ہرگز یہ نہیں تھا کہ خرم خود سے جواب لکھ رہا ہے بلکے مطلب یہ ہے کہ الفاظ ناز جی کے ہیں ہاتھ خرم کے ہیں :blushing:

شاہ حسین — نومبر 13، 2009 12:10 صبح

اگر کسی کو انعام ملنا چاہئے تو وہ میں ہوں سب سے پہلا اندازہ میرا ہی تھا

تیشہ — نومبر 13، 2009 12:14 صبح

شاہ110 نے کہا:
اگر کسی کو انعام ملنا چاہئے تو وہ میں ہوں سب سے پہلا اندازہ میرا ہی تھا

پہلے میں نے بتایا تھا میرے بعد آپ بولے تھے ۔ بولے کیا تھا کہ خرم شہزاد بھی تو اس محفل کے ممبر ہیں بس :chatterbox:

باقی انعام یہ رہا آپکا ۔ ۔۔

شاہ حسین — نومبر 13، 2009 12:20 صبح

باجو اگر ذرا تفصیل سے لکھ دیتا تو ان کا کھیل خراب ہو جاتا ۔
چلیں انعام آپ لے لیں مگر یہ تو ہٹائیں

خون نکل رہا ہے

ابن سعید — نومبر 13، 2009 12:43 صبح

بوچھی نے کہا:
میں نے کچھ نہیں کیا مجھ سے ناراض نا ہونا یہ تو میں نے تکُا لگایا تھا جو ٹھیک نکلا مگر میرا کہنے کا مطلب ہرگز یہ نہیں تھا کہ خرم خود سے جواب لکھ رہا ہے بلکے مطلب یہ ہے کہ الفاظ ناز جی کے ہیں ہاتھ خرم کے ہیں

اس قدر ہم آہنگی تو بڑی خوبصورت بات ہے۔ وہ کیا کہتے ہیں دو بدن ایک جان یا ایک بدن دو جان۔ خیر اب جو بھی ہو۔

ناز پری — نومبر 13، 2009 12:45 صبح

السلام علیکم
یوں تو میرا نام کچھ اور ہے لیکن آپ مجھے ناز پری کے نام سے پکار سکتے ہیں۔ میرا تعلق سرزمینِ پاک کے ایک چھوٹے سے شہر جہلم سے ہے۔
میں نے گورنمنٹ کالج جہلم سے ایم۔ اے اُردو اور علامہ اقبال اوپن یونی ورسٹی سے بی۔ ایڈ کیا ہے۔ تقریباََ ایک سال گورنمنٹ کالج جہلم میں درس و تدریس کا فریضہ بھی انجام دیا ہے۔ وہاں چونکہ عارضی طور پر لیکچرار کے فرائض انجام دے رہی تھی اس لئے اب میں آرمی پبلک سکول و کالج جہلم کینٹ میں بطور ٹیچر کام کر رہی ہوں
ایم۔ فل کا ارادہ رکھتی ہوں مگر فی الحال یہ ایک ارادہ ہی ہے انشاءاللہ جلد ہی اسے عملی جامہ پہنانے کی کوشش کروں گی۔
شاعری سے لگاؤ ہے اور اردو ادب سے شناسائی چاہتی ہوں اس لئے یہاں ہوں۔ آپ لوگوں کی رہنمائی میں بہت کچھ سیکھنے کا موقعہ ملے گا انشاءاللہ۔ علاوہ ازیں خرم شہزاد خرم میرے کزن ہیں اور ہماری منگنی تین سال قبل ہوئی۔ میرے یہاں آنے کی ایک وجہ اِ ن کی خواہش بھی تھی۔ اب تو آپ مجھے اچھی طرح جان گئے ہیں ناں مجھے ٹائپنگ نہیں آتی۔ یہ فریضہ آجکل کوئی اور انجام دے رہا ہے مگر انشاءاللہ میں جلد ہی خود ٹائپ کرنے لگوں گی
آپ ہمیشہ اپنی دعاؤں میں ہمیں یاد رکھیئے گا۔
والسلام

خرم شہزاد خرم — نومبر 13، 2009 12:53 صبح

جن جن حضرات نے یہ کہا تھا کہ میں نے اب تک خوش آمدید کیوں نہیں کہا تو لو جی اب کہتا ہوں ناز پری صاحبہ میری طرف سے بھی خوش آمدید
ویسے میں محفل پر پہلے ہی کہہ چکا تھا کہ ایک پری آنے والی ہے لیکن ان کو کچھ وقت لگے گا دیر تو ہوئی لیکن وہ پری آ تو گی سب سے درخواست کروں گا ہمیں کزن کہہ کر اگر مخاطب کیا جائے تو زیادہ بہتر ہو گا

بلال — نومبر 13، 2009 1:01 صبح

ناز پری نے کہا:
پھر آخر آپ نے کنفرم کر ہی لیا

جی بالکل کنفرم کر لیا ہے۔۔۔
باقی آپ کا تعارف پڑھ کر اچھا لگا۔ محفل پر آتی رہیں۔ میرے خیال میں اس سے کوئی فرق نہیں پڑتا کہ ٹائیپ کون کر رہا ہے۔ پوسٹ فون، چیٹ یا ای میل پر لکھوائی جائے اور پھر چاہے جہلم سے ہو یا ابوظہبی سے ہو کوئی فرق نہیں پڑتا۔ ویسے بڑی بات ہے خود صرف محفل کو پڑھنا اور پھر پوسٹ لکھوانا۔ بڑی ہمت ہے خرم شہزاد خرم کی اور آپ کی۔۔۔
ویسے یہ محفل کے لئے بھی اعزاز ہے کہ لوگ اپنی ذاتی زندگی میں محفل کو اتنی اہمیت دیتے ہیں۔
اللہ تعالیٰ آپ دونوں کو بے شمار خوشیاں دے۔۔۔آمین

ابن سعید — نومبر 13، 2009 1:05 صبح

بہت خوب بھئی واہ یعنی کہ ہماری بٹیا رانی کی تعلیمی استعداد بھی خوب ہے۔
اللہ آپ دونوں کو ۔۔۔۔۔ خیر یہ دعائیں بڑی خبر ملنے کے بعد دے دوں گا۔

اور خرم جونئیر آپ حوالہ جات سے کیوں گھبراتے ہیں۔ آپ دونوں اپنے آپ میں مکمل اور معزز محفلین ہیں اس لئے آپ کی علیحدہ تشخص کو برقرار رکھا جائے گا۔ اور کسی بھی حوالے کو ضرورت پڑنے پر ہی استعمال کیا جائے گا۔ اور میں‌تو عموماً اپنی نسبت ہی استعمال کرتا ہوں۔ مثلاً بھائی، بیٹا، بٹیا، اپیا وغیرہ۔

شمشاد — نومبر 13، 2009 3:30 صبح

اچھا تو یہ بات ہے۔ آنے دو زینب کو پھر دیکھتا ہوں۔

محب علوی — نومبر 13، 2009 8:08 صبح

خرم یار تم تو چھپے رستم نکلے۔
ناز آپ بھی کافی خوش قسمت ہیںجو اپ کو خرم جیسا کزن اور منگیتر مل گیا اور اردو کا آپ کا شوق تو سمجھے خوب پورا ہوگا۔ خرم اردو کا بڑا مداح ہے اور اردو اسی میں رچی بسی ہے۔
خرم تمہاری کلاس تو میں ایم ایس این پر لیتا ہوں

سید محمد نقوی — نومبر 13، 2009 8:13 صبح

سلام علیکم
محترمہ
گرچہ اس پغام میں تاخیر ہوگئی، لیکن پھر بھی،
اردو محفل پر خوش آمدید۔

سید محمد نقوی — نومبر 13، 2009 8:19 صبح

ابن سعید نے کہا:
اللہ آپ دونوں کو ۔۔۔۔۔ خیر یہ دعائیں بڑی خبر ملنے کے بعد دے دوں گا۔

تو کیا ابھی دعا دینے میں کوئی ممانعت ہے، ابھی دے دیں، اس وقت اور دے دیجیے گا۔

میں جملہ پورا کردیتا ہوں۔
اللہ آپ دونوں کو ہمیشہ شاد و آباد رکھے۔ آمین

ملائکہ — نومبر 13، 2009 9:46 صبح

ناز پری نے کہا:
السلام علیکم
یوں تو میرا نام کچھ اور ہے لیکن آپ مجھے ناز پری کے نام سے پکار سکتے ہیں۔ میرا تعلق سرزمینِ پاک کے ایک چھوٹے سے شہر جہلم سے ہے۔
میں نے گورنمنٹ کالج جہلم سے ایم۔ اے اُردو اور علامہ اقبال اوپن یونی ورسٹی سے بی۔ ایڈ کیا ہے۔ تقریباََ ایک سال گورنمنٹ کالج جہلم میں درس و تدریس کا فریضہ بھی انجام دیا ہے۔ وہاں چونکہ عارضی طور پر لیکچرار کے فرائض انجام دے رہی تھی اس لئے اب میں آرمی پبلک سکول و کالج جہلم کینٹ میں بطور ٹیچر کام کر رہی ہوں
ایم۔ فل کا ارادہ رکھتی ہوں مگر فی الحال یہ ایک ارادہ ہی ہے انشاءاللہ جلد ہی اسے عملی جامہ پہنانے کی کوشش کروں گی۔
شاعری سے لگاؤ ہے اور اردو ادب سے شناسائی چاہتی ہوں اس لئے یہاں ہوں۔ آپ لوگوں کی رہنمائی میں بہت کچھ سیکھنے کا موقعہ ملے گا انشاءاللہ۔ علاوہ ازیں خرم شہزاد خرم میرے کزن ہیں اور ہماری منگنی تین سال قبل ہوئی۔ میرے یہاں آنے کی ایک وجہ اِ ن کی خواہش بھی تھی۔ اب تو آپ مجھے اچھی طرح جان گئے ہیں ناں مجھے ٹائپنگ نہیں آتی۔ یہ فریضہ آجکل کوئی اور انجام دے رہا ہے مگر انشاءاللہ میں جلد ہی خود ٹائپ کرنے لگوں گی
آپ ہمیشہ اپنی دعاؤں میں ہمیں یاد رکھیئے گا۔
والسلام

میری طرف سے آپکو خوش آمدید پری :party:

شمشاد — نومبر 13، 2009 10:08 صبح

۔۔۔۔ یوں تو میرا نام کچھ اور ہے لیکن آپ مجھے ناز پری کے نام سے پکار سکتے ہیں۔ میرا تعلق سرزمینِ پاک کے ایک چھوٹے سے شہر جہلم سے ہے۔ ۔۔۔۔

یہ " کچھ اور " بھلا کیا نام ہوا۔ اس سے تو اچھا تھا " بی بی برکتے " ہی ہوتا۔

سیدہ شگفتہ — نومبر 13، 2009 11:49 صبح

السلام علیکم ناز
اردو محفل میں خوش آمدید ! بہت اچھا لگا آپ کے بارے میں جان کر !

سیدہ شگفتہ — نومبر 13، 2009 11:51 صبح

خرم شہزاد خرم بھائی ، آپ کو بہت مبارک باد !

سیدہ شگفتہ — نومبر 13، 2009 11:55 صبح

خرم بھائی ، آپ کو چاہیے کہ ایک بہت اچھی سی پارٹی تشکیل دیں اب :happy:

خرم شہزاد خرم — نومبر 13، 2009 12:02 شام

محب علوی نے کہا:
خرم یار تم تو چھپے رستم نکلے۔
ناز آپ بھی کافی خوش قسمت ہیںجو اپ کو خرم جیسا کزن اور منگیتر مل گیا اور اردو کا آپ کا شوق تو سمجھے خوب پورا ہوگا۔ خرم اردو کا بڑا مداح ہے اور اردو اسی میں رچی بسی ہے۔
خرم تمہاری کلاس تو میں ایم ایس این پر لیتا ہوں

میں نے کیا کیا ہے جناب

خرم شہزاد خرم — نومبر 13، 2009 12:03 شام

شمشاد نے کہا:
یہ " کچھ اور " بھلا کیا نام ہوا۔ اس سے تو اچھا تھا " بی بی برکتے " ہی ہوتا۔

انھوں نے اپنا اصل نام ہی لکھا تھا لیکن ہم نے شائع نہیں کیا انھوں نے تو ایک خط لکھا تھا محفل کو جو میں نے ٹائپ کیا ہے دل تو تھا وہ خط ہی یہاں لگا دیتا لیکن مشاورات کے بعد نہیں‌لگایا