محفل متراں دی — page 23 of 106

arifkarim — مئی 29، 2015 2:15 شام

سید شہزاد ناصر نے کہا:
arifkarim تہاڈے مونہاں تو پنچابی بہت سوہنی لگ رئی اے
جیوندے رہو اپنے خرچے تے

اسی کٹر چنیوٹی نیں۔ ساڈے نال پنگا نہ لیو!

فاروق احمد بھٹی — مئی 29، 2015 2:16 شام

arifkarim نے کہا:
بابا بلے شاہ دی شاعری وی لا چھڈو!

رب رب کردے بڈ ھے ہو گے ملاں پنڈت سارے
رب دا کھوج کھرا نہ لبھا سجدے کر کر ہارے
رب تاں ترے اندر وسدا وچ قرآن اشارے
بلھے شاہ رب انھوں لبھدا جیڑھا پیر توں تن من وارے

سید شہزاد ناصر — مئی 29، 2015 2:17 شام

arifkarim نے کہا:
اسی کٹر چنیوٹی نیں۔ ساڈے نال پنگا نہ لیو!

جیو مرے چنیوٹ دے کھٹ بڑھئی :laugh:

بڑی خوشی ہوئی تسی چنیوٹ دے او
ہسدے وسدے رہو

سید شہزاد ناصر — مئی 29، 2015 2:23 شام

ہریا نی مائی، ہریا نی بھینے ۔
ہریا تے بھاگیں بھریا ۔
جس دہاڑے میرا ہریا نی جمیاں
سوئیؤ دہاڑا بھاگیں بھریا ۔
جمدا تاں ہریا پٹّ-لپیٹیا،
کچھڑ دیو نی اےنہاں داعیاں ۔
نھاتا تے دھوتا ہریا پٹ-لپیٹیا،
کچھڑ دیو سکیاں بھیناں ۔
کی کجھ ملیا داعیاں تے مائیاں،
کی کجھ ملیا سکیاں بھیناں ۔
پنج روپئے اےنہاں داعیاں تے مائیاں،
پٹّ دا طیور سکیاں بھیناں ۔

سید شہزاد ناصر — مئی 29، 2015 2:25 شام

نکی نکی سوئی وٹواں دھاگہ
بیٹھ کسیدڑا کڈھ رہیاں
آؤندے جاندے راہی پچھدے
توں کیوں بیبی رو رہیاں
بابل میرا صاحا سدایا
میں پردیسن ہو رہیاں
نکی نکی سوئی وٹواں دھاگہ
بیٹھی ہار پرو رہیاں
آؤندے جاندے راہی پچھدے
توں کیوں بیبی رو رہیاں
ویرے میرے کاج رچایا
میں پردیسن ہو رہیاں
نکی نکی سوئی وٹواں دھاگہ
بیٹھی ہار پرو رہیاں
آؤندے جاندے راہی پچھدے
توں کیوں بیبی رو رہیاں
مامے میرے کاج رچایا
میں پردیسن ہو رہیاں

سید شہزاد ناصر — مئی 29، 2015 2:25 شام

اچڑا برج لاہور دا، وے چیرے والیا
ہیٹھ وگے دریا، وے سجن میریا
مل مل نھاون گوریاں، وے چیرے والیا
لین ربّ دا ناں، وے سجن میریا
کوٹھے اتے کوٹھڑی، وے چیرے والیا
کوٹھے 'تے تصویر، وے سجن میریا
میں دریا دی مچھلی، وے چیرے والیا
توں دریا دا نیر، وے سجن میریا
کوٹھے اتے کوٹھڑی، وے چیرے والیا
دھر کوٹھے تے وا، وے جانی میریا
شکر ہووے تاں ونڈیئے، وے کنٹھے والیا
روپ نہ ونڈیا جا، وے جانی میریا
دھاگہ ہووے تاں توڑیئے وے کنٹھے والیا
پریت نہ توڑی جا، وے جانی میریا
ڈھل گئے ترنگڑ خطیاں، وے چیرے والیا
ہو چلی اے پربھات، وے جانی میریا
مینوں مہنے دین سہیلیاں، وے چیرے والیا
میری پرط نہ پچھی بات، وے جانی میریا

سید شہزاد ناصر — مئی 29، 2015 2:33 شام

چن کتھاں گزاری ائی رات وے
مینڈا جی دلیلاں دے وات وے
کوٹھے تے پر-کوٹھڑا ماہی کوٹھے سکدا گھاہ بھلا
عاشقاں جوڑیاں پوڑیاں تے معشوقاں جوڑے راہ بھلا
کوٹھے تے پر-کوٹھڑا ماہی کوٹھے سکدی ریت بھلا
اساں گندائیاں مینڈھیاں توں کسے بہانے ویکھ ذرا
کوٹھے تے پر-کوٹھڑا ماہی کوٹھے تے تنور بھلا
پہلی روٹی توں کھاویں تینڈے ساتھی نسّ گئے دور بھلا
کوٹھے تے پر-کوٹھڑا چن کوٹھے تے تندور بھلا
ہسدیاں ہسدیاں کر گیوں کیوں دل نوں چکناچور بھلا
کوٹھے تے پر-کوٹھڑا ماہی اوتھے بیٹھا کاں بھلا
توں تے مینکوں بھل گئیں میں تے اجے وی تیری ہاں بھلا
کوٹھے تے پر-کوٹھڑا ماہی کوٹھے سکدیاں توریاں
کلیاں راتاں جاگ کے میں نپیاں تیریاں چوریاں
کوٹھے تے پر-کوٹھڑا ماہی کوٹھے دے وچّ باریاں
ہن تاں واپس آ ماہی توں جتیا تے میں ہاریاں

arifkarim — مئی 29، 2015 2:34 شام

فیض لاہوری کشیدہ وچ بابا بلے شاہ دا ’’ تیرے عش نچائیاں کر کے تھیا تھیا‘‘:

سید شہزاد ناصر — مئی 29، 2015 2:36 شام

arifkarim نے کہا:
فیض لاہوری کشیدہ وچ بابا بلے شاہ دا ’’عش نچائیاں کر کے تھیا تھیا‘‘:

اؤے شاواشے :mogambo:

فاروق احمد بھٹی — مئی 29، 2015 2:39 شام

سید شہزاد ناصر تلمیذ عبدالقیوم چوہدری نیرنگ خیال
میری اک خواہش اے کہ اصلاحِ سخن دے زمرے وچ "پنجابی شاعری کی اصلاح" دے نام نال ایک زمرہ محفل وچ تشکیل دتا جاوے بالکل اوس طرح جسطرح اردو لئی اصلاح سخن دا زمرہ ۔ ایس توں مقصد اے نئیں کے پنجابی اردو دا مقابلہ کرائیے۔ بلکہ صرف اے مقصد اے کے پنجابی شاعری دی اصلاح لئی جا سکے ہر وراری اک نئی لڑی شروع کرکے۔استادِ محترم محمد یعقوب آسی دا محفل وچ موجود ہونا ایس حوالے نال ساڈے لئی کسے نعمت توں گھٹ نئیں۔
نالے اردو دے زمرے وچ پنجابی شاعری دی اصلاح لئی لڑی کھولنا اوہدا مزہ خراب کرن والی گل اے ویسے تے اہ صرف اصلاحِ سخن دا زمرہ اے ۔ مطلب اونہوں کسے زبان نال مخصوص نئیں کیتا گیا۔ تے سخن تے ہر زبان وچ ہوندا اے ۔ تے ایتھے فارسی پنجابی تے اردو شاعری دے متعلق استاد وی موجود نیں ۔۔
تہاڈی دوستاں دی ایس بارے کی رائے وے ۔۔ آیا کہ اصلاحِ سخن دے زمرے نوں ای پنجابی لئی استعمال کیتا جاوے کہ اوہدے تے بظاہر کوئی زبان دی پابندی نئیں۔ یا کہ پنجابی لئی علیحدہ زمرہ کھولیا جاوے۔
والسلام

arifkarim — مئی 29، 2015 2:40 شام

سید شہزاد ناصر نے کہا:
اؤے شاواشے

ایدی ویڈیو’’سپریم عشق‘‘ از شعیب منصور:

تلمیذ — مئی 29، 2015 2:44 شام

شاہ جی، میری صلاح اے، کسے ناشر راہیں پنجابی لوک گیتاں دی اک کتاب چھپوا دیو، آون آلیاں نسلاں دا کجھ بھلا ہو جائے گا۔

تلمیذ — مئی 29، 2015 2:51 شام

فاروق احمد بھٹی نے کہا:
سید شہزاد ناصر تلمیذ عبدالقیوم چوہدری نیرنگ خیال
میری اک خواہش اے کہ اصلاحِ سخن دے زمرے وچ "پنجابی شاعری کی اصلاح" دے نام نال ایک زمرہ محفل وچ تشکیل دتا جاوے بالکل اوس طرح جسطرح اردو لئی اصلاح سخن دا زمرہ ۔ ایس توں مقصد اے نئیں کے پنجابی اردو دا مقابلہ کرائیے۔ بلکہ صرف اے مقصد اے کے پنجابی شاعری دی اصلاح لئی جا سکے ہر وراری اک نئی لڑی شروع کرکے۔استادِ محترم محمد یعقوب آسی دا محفل وچ موجود ہونا ایس حوالے نال ساڈے لئی کسے نعمت توں گھٹ نئیں۔
نالے اردو دے زمرے وچ پنجابی شاعری دی اصلاح لئی لڑی کھولنا اوہدا مزہ خراب کرن والی گل اے ویسے تے اہ صرف اصلاحِ سخن دا زمرہ اے ۔ مطلب اونہوں کسے زبان نال مخصوص نئیں کیتا گیا۔ تے سخن تے ہر زبان وچ ہوندا اے ۔ تے ایتھے فارسی پنجابی تے اردو شاعری دے متعلق استاد وی موجود نیں ۔۔
تہاڈی دوستاں دی ایس بارے کی رائے وے ۔۔ آیا کہ اصلاحِ سخن دے زمرے نوں ای پنجابی لئی استعمال کیتا جاوے کہ اوہدے تے بظاہر کوئی زبان دی پابندی نئیں۔ یا کہ پنجابی لئی علیحدہ زمرہ کھولیا جاوے۔
والسلام

چنگا وچار اے، پر اینہوں پنجابی فورم تیک محدود رکھو تے چنگا رہوے گا، تاں جے کسے سجن نوں اعتراض نہ ہووے۔

محمد یعقوب آسی — مئی 29، 2015 3:13 شام

سید شہزاد ناصر نے کہا:
چن کتھاں گزاری ائی رات وے
مینڈا جی دلیلاں دے وات وے
کوٹھے تے پر-کوٹھڑا ماہی کوٹھے سکدا گھاہ بھلا
عاشقاں جوڑیاں پوڑیاں تے معشوقاں جوڑے راہ بھلا
کوٹھے تے پر-کوٹھڑا ماہی کوٹھے سکدی ریت بھلا
اساں گندائیاں مینڈھیاں توں کسے بہانے ویکھ ذرا
کوٹھے تے پر-کوٹھڑا ماہی کوٹھے تے تنور بھلا
پہلی روٹی توں کھاویں تینڈے ساتھی نسّ گئے دور بھلا
کوٹھے تے پر-کوٹھڑا چن کوٹھے تے تندور بھلا
ہسدیاں ہسدیاں کر گیوں کیوں دل نوں چکناچور بھلا
کوٹھے تے پر-کوٹھڑا ماہی اوتھے بیٹھا کاں بھلا
توں تے مینکوں بھل گئیں میں تے اجے وی تیری ہاں بھلا
کوٹھے تے پر-کوٹھڑا ماہی کوٹھے سکدیاں توریاں
کلیاں راتاں جاگ کے میں نپیاں تیریاں چوریاں
کوٹھے تے پر-کوٹھڑا ماہی کوٹھے دے وچّ باریاں
ہن تاں واپس آ ماہی توں جتیا تے میں ہاریاں

ایہ میں کدھرے ویکھیا وی سی، سنیا وی سی (انٹرنیٹ تے)۔ سائٹ پھر لبھاں گا، اک واری۔

محمد یعقوب آسی — مئی 29، 2015 3:34 شام

اک لڑی لبھی اے۔
جے دوست اجازت دین تے ایس نوں اگے چلا لئو۔

اوشو — مئی 29، 2015 4:50 شام

تلمیذ نے کہا:
سُنن جوگ اک ودھیا قوالی
کجھ ورہے پہلوں جناب اوشو, ہوراں دی مہربانی نال محفل اُتے ایہہ بے مثال قوالی سُنی سی۔ قد ردان مِتراں لئی ایہدا ربط پیش خدمت اے،
سُنو تے آنند لؤو۔
https://dl.dropboxusercontent.com/u/24655582/Qawali pharr wanjhli badal taqdeer ranjhna (punjabi spirtual ghazal by arif feroz khan).mp3

پچھلے ہفتے اک واری فیر ایہو قوالی ایسی قوال یعنی عارف فیروز خان دی آواز چ لائیو سنی او وی فرمائش کر کے

فاروق احمد بھٹی — مئی 29، 2015 4:54 شام

تلمیذ نے کہا:
چنگا وچار اے، پر اینہوں پنجابی فورم تیک محدود رکھو تے چنگا رہوے گا، تاں جے کسے سجن نوں اعتراض نہ ہووے۔

محمد یعقوب آسی نے کہا:
ایہ میں کدھرے ویکھیا وی سی، سنیا وی سی (انٹرنیٹ تے)۔ سائٹ پھر لبھاں گا، اک واری۔

محمد یعقوب آسی نے کہا:
اک لڑی لبھی اے۔
جے دوست اجازت دین تے ایس نوں اگے چلا لئو۔

ہؤرے میں اپنی گل صحیح طرح سمجھا نئیں سَکیا۔ لڑی تے کوئی وی شروع کیتی جا سکدی اے ۔ پر اہدھے وچ اوہو ای مسئلہ اے صفحے ودھدے جان گے ۔
جیویں پنجابی فورم ایک زمرہ اے تے ایدے وچ ہر طرح دیا شروع کیتیا ہویاں لڑیاں وکھرے وکھرے موضوع نال۔
ایس طرح بھاویں پنجابی فورم وچ ای دو نویں زمرے انتظامیہ کولوں کھلوا لے جاون
جیویں کہ

تہاڈی شاعری
اصلاحِ سخن پنجابی
پسندیدہ پنجابی شاعری

اے زمرے ہون گے تے اینہاں دے اندر اگوں متعلقہ شروع کیتیاں ہویا ں لڑیاں وکھرے وکھرے بندے دیاں تے وکھرے وکھرے عنوان نال۔
اگر ممکن اے اور ایدے وچ کوئی فنی رکاوٹ نئیں تے میرے خیال وچ اے کم ہو جانا چاہی دا ے ۔ کہ پنجابی تے ویسے وی اردو محفل وچ گردش کر رہئی اے مثلا آپ کی شاعری زمر ےوچ پنجابی شاعری۔

اوشو — مئی 29، 2015 4:55 شام

arifkarim نے کہا:
فیض لاہوری کشیدہ وچ بابا بلے شاہ دا ’’ تیرے عش نچائیاں کر کے تھیا تھیا‘‘:

تھلے ویکھ کے ای اپنے ہجے ٹھیک کر لو

بابا بلھے شاہ رح
نالے اس دی تشریح وی سمجھاؤ سانوں

خالد محمود چوہدری — مئی 29، 2015 7:03 شام

سید شہزاد ناصر نے کہا:
ماں میری رانی
پیو میرا راجہ

arifkarim — مئی 29، 2015 7:55 شام

اوشو نے کہا:
نالے اس دی تشریح وی سمجھاؤ سانوں

سانوں کدی اردو شاعری دی سمجھ نئیں آئی، تسی پنجابی سمجھان دی گل کرنڈے او!