پنجابی دی املاء دے حوالے نال کچھ منتاں ترلے کردیاں رہیا آں۔ جے سجن بیلی پروا کر لین۔ نہیں وی تے میں کیہڑی مُولی پَٹ لینی اے۔
بکرما جیت دے ناں تے بکرمی کیلنڈر پرچلت اے۔ ایہ اس دے مہینے نیں۔ بھل جان والیاں لئی اک موٹا جیہا حساب پیش کر دتا جاوے۔
چیت (چیتر) دی پہلی ۔۔۔ 15 مارچ نوں ہوندی اے۔ چیتا رکھن لئی ۔ چیتر دی چ تے مارچ دی چ چیتا رکھ لئو۔ وِساکھ (بِساکھ، بیساکھ) دی پہلی 15 اپریل نوں، جیٹھ دی پہلی 15 مئی نوں، ہاڑ (ہاڑھ، اساڑھ) دی پہلی 15 جون نوں ۔۔۔۔ تے انج ترے چلو۔ ساون، بھادوں (بھادروں، بھدرا)، اسو (اسوج)، کَتے (کاتک)، مگھر، پوہ (پوس)، مانگھ (ماگھ)، پھگن (پھاگن)۔
میں اک ہور تھاں تے لمی چوڑی تفصیل لائی سی۔ لنک لبھ پیا تے پیش کر دیاں گا۔
