پنجابی ٹپے
جاسمن — ستمبر 13، 2015 1:24 شام
کھُوہ وگدے چ نہانا پے گیا
رُسے ہوئے مُدتاں دے
اج ہسیؔاں بُلانا پے گیا
جاسمن — ستمبر 13، 2015 1:26 شام
چِٹا رنگ وے پتاسے دا
بڑا سوہنا لگدا اے
بندہ سجنا دے پاسے دا
جاسمن — ستمبر 13، 2015 1:27 شام
حُقہ پیندے او دم لا کے
آئیاں دیاں لکھ خوشیاں
ٹُر جاندے اوں غم لا کے
جاسمن — ستمبر 13، 2015 1:28 شام
پٹھے پانی آں لیلے نُوں
ٹُر گیا چن ماہی
پچھتانی آں ویلے نُوں
جاسمن — ستمبر 13، 2015 1:29 شام
بس چلدی تے بہہ گئے او
پِچھے دا خیال رکھیو
دِل کڈھ کے لے گئے او
جاسمن — ستمبر 13، 2015 1:33 شام
ٹانگے گھوڑے دیاں واگاں نی
پھڑ کے نہ چھڈ سوہنیا
بانہہ پھڑی دیاں لاجاں نی
جاسمن — ستمبر 13، 2015 1:34 شام
منجی بھری ہوئی کاواں دی
تُوں چل پھٹیاں نُوں
داء لگے گا تے آواں گی
جاسمن — ستمبر 13، 2015 1:35 شام
دو پتر امروداں دے
تیری میری اِک جنڈری
وچ فرق وجوداں دے
جاسمن — ستمبر 13، 2015 1:36 شام
بس چلدی تے بہہ گئے او
سمجھ نہیں آئی سوہنیو
گل کیہڑی کہہ گئے او
جاسمن — ستمبر 13، 2015 1:38 شام
نیلے رنگ دی کار ہووے
نقشاں نُوں کیہ کرناں
ما ہیا فیشن دار ہووے
جاسمن — ستمبر 13، 2015 1:52 شام
ساہ مُک جاوے ڈیناں دا
ساڈے ول تک سوہنیا
کیہ جاندا اے نیناں دا
جاسمن — ستمبر 13، 2015 1:54 شام
کنیں سونے دیاں پا گوہلاں
میں تیری بلبل آں
تیرے دفتر جا بولاں
جاسمن — ستمبر 13، 2015 1:55 شام
دو پتر نیں نے ہر ہر دے
تیرے پِچھے وے سوہنیا
دھکے کھادے نے در در دے
جاسمن — ستمبر 13، 2015 1:57 شام
کوتھے اُتوں اُڈ کانواں
سدّ پٹواری نُوں
جِند ڈھول دے ناں لاواں
جاسمن — ستمبر 13، 2015 2:10 شام
کنیں کانٹے دو ماسے
اِک پاسا رکھ سوہنیا
کدی رہے نہیں دو پاسے
جاسمن — ستمبر 13، 2015 2:11 شام
گنیاں دی رو ماہیا
اُنج بھانویں نہ بولیں
ساڈے ساہمنے تے رہو ماہیا
جاسمن — ستمبر 13، 2015 2:12 شام
نکے باجرے دا کیہ مُچھنا
جیہدے نال دِل لائیے
اوہدی ذات دا کیہ پُچھنا
جاسمن — ستمبر 13، 2015 2:15 شام
پھل جھڑ گئے ککراں دے
رات دلیلاں دی
دِن چڑھ گئے فِکراں دے
جاسمن — ستمبر 13، 2015 2:16 شام
لوہے شوہے دے بنا چھاننے
ادھی روٹی ونڈ کھائیے
اکھیاں دے رہو سامنے
جاسمن — ستمبر 13، 2015 2:19 شام
پٹھے پانی آن ویہڑی نُوں
عشقے دا روگ نہ لگے
کسے دشمن ویری نُوں
Archived from: https://www.urduweb.org/mehfil/threads/%D9%BE%D9%86%D8%AC%D8%A7%D8%A8%DB%8C-%D9%B9%D9%BE%DB%92.56015/page-19