گل رب سائیں عمر دراز کری کیتی کیں لگدے دل جوئی نہی
میری کل دی ختم دوائی تهئی اے کهوٹی کول دوآنی کوئی نہی تیری ودهسی مرض طبیب آہدائے بابا جے لگاتار لیوئی نہی
نکے پتر نوں سوچیا آکهنا آں دوجے دیہہ دی ہمت ہوئی نہی
سیما علی — دسمبر 2، 2020 5:49 صبح
مولا بخش دے "گل" گنہگار بڑا ای بخشنڑ دے قابل ہے نہی
ساری عمر گناہاں وچ نبھ گئی اے نیکی ناں دی قبضے شئے نہی ہک گل کرنی ہائی رب سائیں جے رنج مسکین تے رہے نہی
ربا ماں تو ودھ کے پیار کرینایں کدی ماں تاں بدلے لئے نہی
سیما علی — دسمبر 2، 2020 5:51 صبح
اک اجاڑ شہر سارے لوکی ٹر گئے لے گئی نال قضا
گلیاں ہوکے بھردیاں روندی پھرے ہوا کندھیاں سنج مسنجیاں کوٹھے وانگ بلا
کوکاں دین حویلیاں ساڈے ول نہ آ
منیر نیازی
سیما علی — دسمبر 2، 2020 5:54 صبح
تریا چلتر بھید نئیں کھلیا آخر کی اے
ایس کڑی دی چال کلیاں ورگا رنگ اے جس دا
بدلاں ورگے وال کی ہووے تے انج ملدی
جیویں گورھے یار جے کوئی نال سہیلی ہووے
اکھاں نہ کر دی چار منیر نیازی
سیما علی — دسمبر 2، 2020 5:55 صبح
شہر دے مکان
اپنے ای ڈر توں جڑے ہوئے نیں
اک دوجے نال منیر نیازی
میں ون دا سنگھنا بوٹا،
ٹھنڈھیاں میریاں چھاواں ۔ مٹھیآں میریاں پیلو،
وے توں راہیا جاندیا ۔ بھکھن-بھانیا ماندیا ۔
آ جھٹّ کو ساہ لے، میریاں پیلو کھا لے،
میری چھاویں بہہ لے ۔ میں ون دا سنگھنا بوٹا،
ٹھنڈھیاں میریاں چھاواں ۔ شریف کنجاہی
لاريب اخلاص — دسمبر 5، 2020 4:52 شام
درویشاں دلگیراں دا
نیلا رنگ فقیراں دا سنّت حضرت عیسیٰ دی
سادا کُرتا لیراں دا دل یاداں دا ڈونگا کھوہ
اکھ دریا اے نیراں دا گھاٹا نئیوں پورا ہوندا
ماپے ،بہناں ،ویراں دا چنگا ماڑا کج وی نئیں
رولا اے تقدیراں دا کندھاں کولوں پچھ تحسین
دکھ اے کیہہ تصویراں دا یونس تحسین
درویشاں دلگیراں دا
نیلا رنگ فقیراں دا سنّت حضرت عیسیٰ دی
سادا کُرتا لیراں دا دل یاداں دا ڈونگا کھوہ
اکھ دریا اے نیراں دا گھاٹا نئیوں پورا ہوندا
ماپے ،بہناں ،ویراں دا چنگا ماڑا کج وی نئیں
رولا اے تقدیراں دا کندھاں کولوں پچھ تحسین
دکھ اے کیہہ تصویراں دا یونس تحسین
جاچ مینوں آگئی غم، کھان دی
ہولی ہولی رو کے جی پر چان دی چنگا ہویا توں پرایا ہو گیوں
مک گئی چنتا تینوں اپنان دی مر تے جاں پر ڈر ہے دماں والیو
دھرت وی وکدی ہے مل شمشان دی نہ دیو مینوں ساہ ادھارے دو ستو
لے کے مڑ ہمت نہیں پرتان دی نہ کرو شو دی اداسی دا علاج
رون دی مرضی ہت اج بے ایمان دی
(شو کمار بٹالوی)
شمشاد — دسمبر 8، 2020 10:45 شام
سیاں نال میں کھیڈن گئی اں تے ٹُٹ گئیاں نے ونگاں
ماںہوندی تے ہور چڑھوندی، تے پیو تو منگدی سنگاں
(میاں محمد بخش)
شمشاد — دسمبر 28، 2020 4:35 صبح
چھوٹیاں ہوندیاں ڈنگر چارے، وڈیاں ہو ہل واہیا
بڈھیاں ہو کے مالا پھیری، تے رب دا الاہما لاہیا
(دھنا بھگت)
شمشاد — دسمبر 29، 2020 7:44 شام
جے جاناں تِل تھورڑے سنبھل بُک بھریں
جے جاناں شَوہ ننڈھڑا تھوڑا مان کریں
(بابا فرید) اوکھے لفظاں دے معنے جے جاناں: اگر میں جاندا
تِل : ایک بیج جیہدے توں تیل کھڈیا جاندا اے پر ایس دے معنی حیاتی دے ساہ وی لئے جاندے ہین۔
تھورڑے: بہت ہی تھوڑے
سنبھل : سوچ سمجھ کے۔
بُک: روک۔ دواں ہتھاں دے ملاپ توں جوپیالے دی شکل بن جاندی اے۔
شَوہ: خصم۔ مالک
ننڈھڑا: نوجوان۔ بے پروا
شمشاد — دسمبر 29، 2020 7:44 شام
جے جاناں لڑ چِھجّنا پیڈھی پائیں گنڈھ
تَیں جے وڈ میں نہ کو، سبھ جگ دِٹّھا ہنڈھ
(بابا فرید) اوکھے لفظاں دے معنے جے: اگر۔
جاناں: جاننا۔
لڑ: دامن ۔ پَلّو۔
چِھجّنا: پراناکپڑا جیس وچ بہتے سوُراخ ہون۔
پِیڈھی: مضبوط تر۔ پکّی۔
تیںجے: تیرے ورگا۔
وڈ میں نہ کو: میرے لئی کوئی بُرا نہیں۔
جگ: دُنیا۔
ڈِٹّھا: ویکھیا۔
ہنڈھ: برت کے ۔ تجربہ کرکے۔
شمشاد — دسمبر 29، 2020 7:45 شام
جے تُوں عقل لطیف ، کالے لِکھ نہ لیکھ
آپنے گریوان میں سِر نِیواں کر دیکھ
(بابا فرید) اوکھے لفظاں دے معنے عقل لطیف: بریک جئی عقل۔
کالے لِکھ: سیاہ اعمال نامے۔
لیکھ: لکھ۔ قِسمت۔
آپنے: اپنے۔
گریوان: گریبان۔
نِیواں کر : نیواں کرکے۔
شمشاد — دسمبر 29، 2020 7:45 شام
جو تَیں مارن مُکیّاں تنھاں نہ مارِیں گھُمّ
آپنے گھر جائیے پَیر تنھاں دے چُم
(بابا فرید) اوکھے لفظاں دے معنے تَیں: تجھ نوں۔
مُکیّاں: مُکّے۔ گھُسونے۔
تِنھاں: انہاں نوں۔
گُھّم: پرت لے۔ لوٹ کے
چُّم: چُوم کے۔ بوسہ دے کے۔
شمشاد — دسمبر 29، 2020 7:46 شام
جاں تُو کھٹن ویل تاں تُوں رتّا دُنی سیوں
مرگ سوائی نِینہہ، جاں بھریا تں لدیا
(بابا فرید) اوکھے لفظاں دے معنے جاں: جد
تُو: تیرا۔
کھٹّن ویل: کمان دا ویلا۔
تاں :تب
رتّا: مصروُف رہیا۔
دُنی: دُنیا۔
سیو : کے نال۔
مرگ: موت
سوائی: پُختہ ہوگئی۔
نِینہہ: محبت ۔ بنیاد۔
بھریا: بھر گیا۔
لدیا: لد گیا۔ چلا گیا۔
شمشاد — دسمبر 29، 2020 7:47 شام
دیکھ فریدا جو تھِیا : داڑھی ہوئی بھُور
اَگّا نیڑے آئیا پِچّھا رہیا دُور
(بابا فرید) اوکھے لفظاں دے معنے جوتھیا: جو ہویا اے
بھُور: سفید
اَگّا: اگلا قدم۔ بڑھاپا۔ موت
نیڑے: قریب۔ نزدیک
پِچھّا : گزرا ہُوا جوانی
شمشاد — دسمبر 29، 2020 7:48 شام
دیکھ فریدا جو تھِیا: سکّر ہوئی وِس
سائیں باجھوں آپنے ویدن کہیئے کِس
(بابا فرید) اوکھے لفظاں دے معنے جوتھیا: جو ہُویا۔
سکر: چینی۔ شکّر
وِس : زہر
سائیں: خدا۔ مالک ۔ محبوب۔
باجھ۔ بغیر ۔ علاوہ۔
ویدن: دُکھ درد۔