فلک شیر — نومبر 6، 2016 7:34 صبح
السلام علیکم
پنجابی ساڈی ماں بولی ، تے ہندوستان پاکستان دی وڈیاں بولیاں وچوں اک اے۔ محفل تے ڈھیر پنجابی آؤندے جاندے لنگھدے ٹپدے پھیرا جھاک ماردے نیں ۔ محفل تے بارہ دری ناں دا ک تاگہ واہوا مشہور ہندا سی، ہون وی ہووے گا ، ہورے ساڈا چکر گھٹ لگدا اے۔ ڈیرہ ساڈے جٹاں دے گھراں دے اک پاسے پروہنیاں دی خدمت خاطر نالے اپنے بہن کھلون لئی چھتی تھاں یا کسے بوہڑ شوہڑ دی چھاں تھلے چار منجیاں دا ناں ہندا اے۔ پہلاں پہلاں مال ڈنگر کھوہاں دے مڈھ بنھے جاندے سن۔ فیر ایہناں کھوہاں تے وی لوکاں ڈیرے بنا لئے۔ ایہ رہتل دی جان ہندے سن، پرہیا پنچایت، آیا گیا، پروہنا شروہنا ، سارے ڈیریاں اچ ای نبڑدے سردے سن ۔ایہ تاگہ ایسے لئی بنایا اے، کہ جدوں کدھرے پھیرا وجے، تے سلام دعا لئی کوئی تھاں تھڑا بن جائے ۔
اک دو بیلیاں نوں میں ٹیگ کرن لگاں ، باقی ساریاں نوں وی سدا اے
فلک شیر
فلک شیر — نومبر 6، 2016 7:37 صبح
نیرنگ خیال
محمداحمد پائی ایتھے پنجابی سکھن سکھان گے
فلک شیر — نومبر 6، 2016 7:42 صبح
حمیرا عدنان — نومبر 6، 2016 8:09 صبح
مینوں وی پنجابی سیکھنی اے اتھے آ سکدی آں؟
فلک شیر — نومبر 6، 2016 8:33 صبح
مینوں وی پنجابی سیکھنی اے اتھے آ سکدی آں؟
جی ایسے لئی ڈیرہ بنایا اے ، کہ لوک آؤندے جاندے رہن، حال چا ل دسدے پچھدے رہن ، بولن نال پنجابی وی آ ای جاندی اے ہولی ہولی
نیرنگ خیال — نومبر 6، 2016 8:44 صبح
بڑے عرصے دی میری ایہو چاہ اے کہ گوڑی پنجابی لکھن تے بولن دا ول آجائے۔۔۔ لیکن ایہہ چروکنی گلے دا ہار ہوئی آلی گل اے۔۔۔۔ چیمہ صیب۔۔۔۔۔ ڈیرے تے ہن خواب خیال ہوئی جاندے نیں۔۔۔۔
ٹر گئے لوگ سیانے بیبا
پیپل ہیٹھاں حقے رہ گئے
فلک شیر — نومبر 6، 2016 8:48 صبح
بڑے عرصے دی میری ایہو چاہ اے کہ گوڑی پنجابی لکھن تے بولن دا ول آجائے۔۔۔ لیکن ایہہ چروکنی گلے دا ہار ہوئی آلی گل اے۔۔۔۔ چیمہ صیب۔۔۔۔۔ ڈیرے تے ہن خواب خیال ہوئی جاندے نیں۔۔۔۔
ٹر گئے لوگ سیانے بیبا
پیپل ہیٹھاں حقے رہ گئے
ہائے ہائے
اوکھ کرنا پینا اے ، عادت نئیں نہ ہے ۔ لکھاں گے تے ول وی آ جائے گا سانوں
نیرنگ خیال — نومبر 6، 2016 8:58 صبح
ہائے ہائے
اوکھ کرنا پینا اے ، عادت نئیں نہ ہے ۔ لکھاں گے تے ول وی آ جائے گا سانوں
ڈاہڈا اوکھا جیہا کم اے۔۔۔۔ راگ ہووے تاں وگدی رو اچ بندہ بہ جاوے۔۔۔۔ لکھن واسطے متھا گھسانا پیندا۔۔۔ اوے اوکھا پینڈا مدتاں توں وسوں بار جے۔
حمیرا عدنان — نومبر 6، 2016 9:00 صبح
پنجابی زبان وچ بندا گل بات تے ٹر ٹر کر دا کر لندا اے پر لکھن دے واقعی موت پے جاندی اے ، اللہ حیاتی کرے فلک شیر پائن دی اس لڑی وچ لکھن دی کوشش کرن نال ماڑا جیا وی فرق پیا تے بوہت ودھیا گل ہوئے گی
نیرنگ خیال — نومبر 6، 2016 9:03 صبح
محمداحمد بھرا ہوراں نے راتی الزام لایا کہ میں محفل اچ اوس ویلے پیر پاندا۔۔۔ جدوں تسی دونویں نئیں ہندے۔۔۔
فلک شیر — نومبر 6، 2016 9:25 صبح
محمداحمد بھرا ہوراں نے راتی الزام لایا کہ میں محفل اچ اوس ویلے پیر پاندا۔۔۔ جدوں تسی دونویں نئیں ہندے۔۔۔
ایہ تہاڈے تے الزام لگیا کیویں ؟
نیرنگ خیال — نومبر 6، 2016 9:30 صبح
ایہ تہاڈے تے الزام لگیا کیویں ؟
میں تاں پھرولن دی کوشش نئیں کیتی۔۔۔۔ متاں ایس دی جڑاں پنجاب چوں نکلن۔۔۔۔
محمداحمد — نومبر 6، 2016 9:39 صبح
ہن میں کی دساں
ادھی سمجھ آندی ہے تہ آدھی نئیں آندی.
پیپل ہیٹاں حقے رہ گئے تہ اس دا مطلب تے اے ہویا کہ منجیاں وی چک کے لے گئے لوگ باگ
محمد تابش صدیقی — نومبر 6، 2016 9:40 صبح
اتھے پنجابی دی لتاں پننے دی اجازت وی ہووے گی؟
سید عاطف علی — نومبر 6، 2016 11:18 صبح
ساڈا وی ناں لکھ لیو براؤ۔
فلک شیر — نومبر 6، 2016 12:03 شام
میں تاں پھرولن دی کوشش نئیں کیتی۔۔۔۔ متاں ایس دی جڑاں پنجاب چوں نکلن۔۔۔۔
سارا گناہ پنجاب دا ای نکلنا اے
کل اک بیلی آکھدا سی پیا کہ ایہ دھوں وی شہراں اچ آیا اے جیہڑا ، ایہ وی جٹاں دا قصور اے
فلک شیر — نومبر 6، 2016 12:04 شام
ساڈا وی ناں لکھ لیو براؤ۔
ست بسم اللہ
جی آیاں نوں شاہ جی
فلک شیر — نومبر 6، 2016 12:05 شام
اتھے پنجابی دی لتاں پننے دی اجازت وی ہووے گی؟
ہر اوس چیز دی لتاں بھنو، جدیاں لتاں کوئی نئیں
فلک شیر — نومبر 6، 2016 12:08 شام
ہن میں کی دساں
ادھی سمجھ آندی ہے تہ آدھی نئیں آندی.
پیپل ہیٹاں حقے رہ گئے تہ اس دا مطلب تے اے ہویا کہ منجیاں وی چک کے لے گئے لوگ باگ
واہ واہ
پیپل ای پٹے گئے نیں ، اگ بال لئی اے لوکاں اوہناں دی، حقے دی تھاں منڈے ہن شیشہ پیندے نیں
فلک شیر — نومبر 6، 2016 12:08 شام
پنجابی زبان وچ بندا گل بات تے ٹر ٹر کر دا کر لندا اے پر لکھن دے واقعی موت پے جاندی اے ، اللہ حیاتی کرے فلک شیر پائن دی اس لڑی وچ لکھن دی کوشش کرن نال ماڑا جیا وی فرق پیا تے بوہت ودھیا گل ہوئے گی
جی لکھنا تھوڑا اوکھا کم اے پنجابی