تھاپیاں تھوڑا جئیا ماڈرن اکھر اے اصل اکھر تے ہے 'گوہے' ۔
پنڈاں دیاں زنانیاں جدوں گوہے تھپ نا سکن یا مکے ہوون تے فیر باہروں زمیناں وچوں گوہے چنن وی جاندیاں نیں۔
السلام علیکم
پنجابی ساڈی ماں بولی ، تے ہندوستان پاکستان دی وڈیاں بولیاں وچوں اک اے۔ محفل تے ڈھیر پنجابی آؤندے جاندے لنگھدے ٹپدے پھیرا جھاک ماردے نیں ۔ محفل تے بارہ دری ناں دا ک تاگہ واہوا مشہور ہندا سی، ہون وی ہووے گا ، ہورے ساڈا چکر گھٹ لگدا اے۔ ڈیرہ ساڈے جٹاں دے گھراں دے اک پاسے پروہنیاں دی خدمت خاطر نالے اپنے بہن کھلون لئی چھتی تھاں یا کسے بوہڑ شوہڑ دی چھاں تھلے چار منجیاں دا ناں ہندا اے۔ پہلاں پہلاں مال ڈنگر کھوہاں دے مڈھ بنھے جاندے سن۔ فیر ایہناں کھوہاں تے وی لوکاں ڈیرے بنا لئے۔ ایہ رہتل دی جان ہندے سن، پرہیا پنچایت، آیا گیا، پروہنا شروہنا ، سارے ڈیریاں اچ ای نبڑدے سردے سن ۔ایہ تاگہ ایسے لئی بنایا اے، کہ جدوں کدھرے پھیرا وجے، تے سلام دعا لئی کوئی تھاں تھڑا بن جائے ۔
اک دو بیلیاں نوں میں ٹیگ کرن لگاں ، باقی ساریاں نوں وی سدا اے
فلک شیر
وعلیکم السلام چنگا سلسلہ شروع کیتا جے پر ہک گل اے پنجابی گھراں وچ ڈیرے تے کڑیاں چڑیاں دا جانا کوئی بہوں چنگا نئیں سمجھیا جاندا..او ہور وقت سی جدوں مائیاں بڈھے کٹھے بہہ کئی لمیاں گلاں چھیڑ بہندے سی..اُنج تے تندوراں تے ہی سوانیاں جا کے اپنے اپنے دکھڑے روندیاں سن تے نالے ساریاں خبراں کٹھیاں کر لیندیاں سن..خیر اِسے بہانے ڈیرہ ویکھ لیساں..اپنا تے میں ہکوں واری دوروں ای ویکھیا سی..بہن کھلون آلی چنگی تھاں اے شالا وسدی رہوے
غدیر زھرا — نومبر 14، 2016 4:18 شام
ہک ہور گل کجھ دارے، بیٹھک تے ڈیرہ دے فرق تے وی روشنی پا دیو..تہاڈے لکھے مراسلے نال لگدا اے ساریاں تھاواں ہکوں ای نے.. فلک شیر
میں تے کوئی نئیں..نالے انج وی چوہدرائناں دی گھر وچ چوری چھپے آلی تے مان سمان آلی پردھان منتری ای چنگی لگدی اے..ڈیریاں تے چوہدری ای پردھان بنے چنگے لگدے..تہانوں مبارک..
شالا بخت بلند نوں رنگ لنگنی تے سلامت راہنی شاہیاں
