ذو معنی اشعار میں دونوں میں سے کوئی ایک معنی لیا جا سکتا ہے۔
ذو معنی اشعار میں دونوں میں سے کوئی ایک معنی لیا جا سکتا ہے۔
جیسے خدا خدا کرکے وہ ڈاکہ مارنے میں کامیاب ہو ہی گیا؟؟؟
یہ ہوا ناں دو معنوں والا شعر!!!
واہ۔۔۔ کیا کہنے احمد بھائی۔۔۔ ہمیشہ کی طرح شاندار۔۔۔ لاجواب
میں تمھاری طرح نہ بن پایا
میں نے اپنی شناخت کھوئی ہے
------
خود کلامی کی خُو نہیں جاتی
کچھ نہیں ہے تو شعر گوئی ہے
بہت خوب -
ظہیر بھائی -حیرت ہوئی آپ کی بات پر -صاحب اور اہل کا فرق میری نظر میں ملکیت و اہلیت کا ہے -کچھ چیزیں ہمارے پاس ہوتی تو ہیں مگر ہم ان کے اہل نہیں ہوتے -صاحب اور اہل کے فرق کے لیے لطیفے کے طور پر ایک بات عرض کرتا ہوں کہ کچھ مرد اپنی اہلیہ کے صاحب تو ہوتے ہیں اہل نہیں ہوتے کیونکہ انھیں بیگم سے زیادہ حکیم کی ضرورت ہوتی ہے -یاسر بھائی ، کچھ ستم ظریفانہ سا شعر ہوگیا یہ تو ۔
اہلِ نظر اور اہلِ علم جمع کا صیغہ ہیں ۔ یہ کبھی واحد کے لئے استعمال نہیں ہوتے ۔ واحد کے لئے صاحبِ نظر اور صاحبِ علم مستعمل ہیں ۔
ظہیر بھائی -حیرت ہوئی آپ کی بات پر -صاحب اور اہل کا فرق میری نظر میں ملکیت و اہلیت کا ہے -کچھ چیزیں ہمارے پاس ہوتی تو ہیں مگر ہم ان کے اہل نہیں ہوتے -صاحب اور اہل کے فرق کے لیے لطیفے کے طور پر ایک بات عرض کرتا ہوں کہ کچھ مرد اپنی اہلیہ کے صاحب تو ہوتے ہیں اہل نہیں ہوتے کیونکہ انھیں بیگم سے زیادہ حکیم کی ضرورت ہوتی ہے -
فرہنگ آصفیہ صفحہ ٣٣٠ پر اگر آپ <اہل> کے معانی دیکھیں تو وہیں ایک مصرع بطور سند درج ہے جو میرے اس شعر کا حاصل ہے :
<اے اہل بزم کوئی تو بولو خدا لگی >
اس کے علاوہ یہ اسناد ہیں جن میں اہل نظر کو بطور واحد باندھا ہے :
اہل نظر کسو کو ہوتی ہے محرمیت
آنکھوں کے اندھے ہم تو مدت رہے حرم میں
----------------------------------میر تقی میر
ہم بھی دیکھیں گے کوئی اہل نظر ہے کہ نہیں
یاں سے جب ہم روش تیر نظر جائیں گے
------------------------------------ذوق
چہرے پہ سجا لایا ہوں میں دل کی صدائیں
دنیا میں کوئی اہل نظر ہے کہ نہیں ہے
--------------------------------قتیل
آنکھ پڑتی ہے ہر اک اہل نظر کی تم پر
تم میں روپ اے گل و نسرین و سمن کس کا ہے
----------------------------------حالی
اہل دل کے بھی دو شعر دیکھ لیجیے :
اہل دل جان کے رکھتا ہے مجھے عشق بتنگ
کاشکے دل کے عوض کوئی ملا ہوتا سنگ
-------------------------------میر تقی میر
اہل دل گر جہاں سے اٹھتا ہے
اک جہاں جسم و جاں سے اٹھتا ہے
--------------------------------مصحفی