کاشف بھائی ! اچھی غزل ہے۔ بہت خوب ! بہت داد آپ کے لئے! اللہ کرے زورِ قلم اور زیادہ
صرف دو تین باتوں کو دیکھ لیجئے ۔ ریا مونث ہے اس لئے بڑی ریا درست ہوگا۔ دوسرے شعر میں جسے کے بجائے جس سے کا محل ہے یعنی زندگی بھر میں جس سے ملا ہی نہیں ۔ شاید یہی آپ کا مدعا ہے یہاں ؟! یا میں اسے کسی اور طرح سے دیکھ رہا ہوں؟ ایک شعر میں آپ نے
ضِم لکھا ہے لیکن اس کا اصل تلفظ ضَم ہے ۔
ایک بار پھر عرض کروں گا کہ کوما کا بیجا استعمال ہوا ہے کئی اشعار میں جس کی وجہ سے شعر فہمی میں بلاوجہ کی الجھن اور پیچیدگی پیدا ہورہی ہے ۔ مثلا اس شعر کا کیا مطلب ہے؟
شکوہ کیوں، حرفِ زیرِ لب، آیا ؟
یہ، مُحبّت میں ضابطہ ہی نہیں !
میرا برادرانہ مشورہ ہے کہ قواعد کی کسی کتاب سے رموز اوقاف کو ایک نظر دیکھ لیجئے ۔ آگے کے بہت کام آئے گی ۔ اگر کوئی بات ناگوار گزرے تو پیشگی معذرت چاہتا ہوں ۔ ایک بار پھر داد و تحسین!
