عظیم کی شاعری برائے اصلاح و تنقید و تبصرہ

بہت خوبصورت غزل جناب۔ داد قبول فرمائیے

واہہہہہہہہہہہہہہہہہ
بہت خوب انتخاب

دو بحور کا خوبصورت امتزاج۔۔ یہ درست ہے یا نہیں، یہ مزمل شیخ بسمل کہہ سکتے ہیں۔ مجھے اس کی بحر کے افاعیل یہ لگے ہیں
متفاعلن فعولن مفعول فاعلاتن۔ مستعمل بحور میں یا تو متفاعلن فعولن دو بار ہوتا ہے، یا مفعول فاعلاتن دو بار۔

الف عین @@

بہت زبردست جناب

الف عین نے کہا:

دو بحور کا خوبصورت امتزاج۔۔ یہ درست ہے یا نہیں، یہ مزمل شیخ بسمل کہہ سکتے ہیں۔ مجھے اس کی بحر کے افاعیل یہ لگے ہیں
متفاعلن فعولن مفعول فاعلاتن۔ مستعمل بحور میں یا تو متفاعلن فعولن دو بار ہوتا ہے، یا مفعول فاعلاتن دو بار۔

مزید نمائش کے لیے کلک کریں۔۔۔

بالکل درست ہے استاد محترم۔
غور کریں تو یہ دو نہیں ایک ہی بحر ہے۔
رمل مکفوف:
فعِلاتُ فاعلاتن فعِلاتُ فاعلاتن
فعلات میں مسلسل تین متحرک حروف میں درمیان والے کو تسکین اوسط کے ذریعے ساکن کرنے کی اجازت ہوتی ہے۔ اس لئے یہ فعِلاتُ کا عین ساکن ہوکر فعلاتُ بوزن مفعولُ بن جاتا ہے۔ اس لئے یہ ایک ہی بحر ہے۔
یا پھر بحر کامل مخلع مسکن میں بھی تقطیع ممکن ہے۔ اور وہاں بھی یہ ایک ہی بحر ہے:
متفاعلن فعولن مستفعلُن فعولن
متفاعلن سے ت تسکینِ اوسط یا اضمار سے ساکن ہوا تو مستفعلن بن گیا۔
لیکن یہاں خلع کے زحاف کے استعمال کی اجازت نہیں اس لئے حقیقی تقطیع اوپر والی بحر یعنی رمل مکفوف میں ہوگی۔ یہ تقطیع غیر حقیقی ہے۔۔

عظیم شہزاد نے کہا:

اور تو کوئی ہمارا فرض ہم کو یاد نہ​

سب بھلا کر رات بیٹھے کی سُخن آرائیاں​

یاد مدت بعد آیا تھا جو لمحے بھر کا کھیل​

ہم عظیم اتنے نہیں تھے جتنی تھیں گہرائیاں​

مزید نمائش کے لیے کلک کریں۔۔۔

عمدہ! امید ہے عظیم صاحب ایک دن عظیم غزلیں لکھیں۔ ویسے ایک نظر اس پر پڑی ہے:

رعنائیاں اور دشت کی پہنائیں کے ساتھ سنسار کا استعمال اچھا نہیں لگ رہا۔ یہاں ’دنیا‘ ہی کر دیں، کچھ رد و بدل کر کے۔
محتشم ی بات کے علاوہ یہ مصرع بھی روانی چاہتا ہے
یاد مدت بعد آیا تھا جو لمحے بھر کا کھیل
بعد اک مدت کے یاد آیا تھا لمحے بھر کا کھیل
کیا جا سکتا ہے
یہاں بھی ’یہ‘ پر ختم مصرع اچھا نہیں لگ رہا
تجھ سے اپنا ساتھ کتنا ہے ہمیں معلوم یہ
نہ بطور دو حرفی دونوں غزلوں میں کئی جگہ استعمال کیا گیا ہے۔ جو اچھا نہیں لگتا۔ بلکہ میں تو غلط ہی مانتا ہوں ۔ کہ اور نہ کا اس طرح استعمال

اچھی غزل ہے عظیم۔ لبتہ ردیف میں جمع کے صیغے کا استعمال ہے، جو ہر جگہ درست نہیں۔
’مر کے‘ کو ’مر کہ‘ لکھا گیا ہے، اور مطلع میں ہی |’مرا‘ کو ’میرا‘

جی بہتر حضور آئندہ خیال رہے گا
ہمت افزائی کےلیئے شکر گزار ہوں
اللہ سبحان و تعالی آپ کے علم میں مزید اضافہ فرمائے
آمین

بہت خوب غل ہے میاں۔ استاد محترم نشان دہی فرما چکے ہیں۔
جب کبھی حضور قوافی جمع کے سیغے میں باندھیں تو اس بات کا خیال رکھیں کہ ان کے واحد کے سیغے آپس میں قوافی ہوں۔
بطورِ مثال
دیوانوں اور ارمانوں کو قوافی تسلیم نہیں کیا جا سکتا۔ کیوں کہ انکے واحد دیوانہ اور ارمان ہیں جو کہ قوافی نہیں۔
آپ کی غزل میں الجھن، دھڑکن اور گلشن والے قوافی درست ہیں۔
امید ہے یہ باتیں درست ہوں گی۔ ورنہ اساتذہ ضرور نشاندہی کریں کہ اس میں ہماری اصلاح بھی مضمر ہے۔