آج کا شعر

اُمید پرسشِ غم کس سے کیجئے ناصرؔ!!
جو اپنے دل پہ گزرتی ہے کوئی نہ جانے
ناصر کاظمی

وہی رہ جاتے ہیں زبانوں پر
شعر جو انتخاب ہوتے ہیں
امیر مینائی

اس سے کہنا کہ کبھی آ کے ملے
ہم سے رنجش کا سبب جو بھی ہو
رسا چغتائی

اے مسیحا کبھی تو بھی تو اسے دیکھنے آ
تیرے بیمار کو سنتے ہیں کہ آرام نہیں
(کوثر نیازی)

کر رہا تھا غم جہاں کا حساب
آج تم یاد بے حساب آئے
فیض احمد فیض

بیٹیاں باپ کی آنکھوں میں چھپے خواب کو پہچانتی ہیں
اور کوئی دوسرا اس خواب کو پڑھ لے تو برا مانتی ہیں
افتخار عارف

چاند ہوتا نہیں ہر اک چہرہ
پھول ہوتے نہیں سخن سارے
رسا چغتائی

تم سنو یا نہ سنو ہاتھ بڑھاؤ نہ بڑھاؤ
ڈوبتے ڈوبتے اک بار پکاریں گے تمہیں
عرفان صدیقی

آواز دے کے دیکھ لو شاید وہ مل ہی جائے
ورنہ یہ عمر بھر کا سفر رائیگاں تو ہے
منیر نیازی

لے دے کے اپنے پاس فقط اک نظر تو ہے
کیوں دیکھیں زندگی کو کسی کی نظر سے ہم
ساحر لدھیانوی

آہٹ سی کوئی آئے تو لگتا ہے کہ تم ہو
سایہ کوئی لہرائے تو لگتا ہے کہ تم ہو
جاں نثاراختر

سن کے ساری داستان رنج و غم
کہہ دیا اس نے کہ پھر ہم کیا کریں
بیخود دہلوی

جب وہ مسرور نظر آتا ہے
ہر طرف نور نظر آتا ہے
سکندر علی وجد

کبھی یک بہ یک توجہ کبھی دفعتاً تغافل
مجھے آزما رہا ہے کوئی رخ بدل بدل کر
شکیل بدایونی

بعد خط آنے کے اس سے تھا وفا کا احتمال
لیک واں تک عمر نے اپنی وفاداری نہ کی
قائم چاندپوری

ہم کو یقین تھا کہ نبھاؤ گے عمر بھر
اچھا ہؤا کہ آج یہ خطرہ بھی ٹل گیا
اتباف ابرک

اب تو خوشی کا غم ہے نہ غم کی خوشی مجھے
بے حس بنا چکی ہے بہت زندگی مجھے
شکیل بدایونی

تری بلا سے گروہِ جنُوں پہ کیا گُزری
تُو اپنا دفترِ سُود و زیاں سنبھال کے رکھ
افتخار عارف

کي ميرے قتل کے بعد اس نے جفا سے توبہ
ہائے اس زود پشيمان کا پشيماں ہونا
اسد اللہ خان غالب