آج کا شعر

بن سکی مقنع و چادر سے نہ ترکیبِ حجاب
تِرا اسلوبِ بدن وہ کہ چھپائے نہ بنے
عزیز حامد مدنی

کہاں رہے وہ سلامت جو تھے کمال صفت
زمیں نے گود میں اپنی سلا لیا اُن کو
سحؔر

اگرچہ عشق ہے پورے وجود کا دشمن
مگر جو دل پہ گزرتی ہے نیم‌جاں سے نہ پوچھ
راحیل فاروق

اے محرّم! تری فضا کو سلام
دن ہمارا ہے، شب ہماری ہے
نصیر ترابی

میں عمر کے رستے میں چپ چاپ بکھر جاتا
اک دن بھی اگر اپنی تنہائی سے ڈر جاتا
عزم بہزاد

بلبل کے کاروبار پہ ہیں خندہ ہائے گل
کہتے ہیں جس کو عشق خلل ہے دماغ کا
مرزا غالب

اہل معنی جز نہ بوجھے گا کوئی اس رمز کو
ہم نے پایا ہے خدا کو صورت انساں کے بیچ
شیخ ظہور الدین حاتم

کامیابی کا سدیشی پر ہر اک در بستہ ہے
چونچ طوطا رام نے کھولی مگر پربستہ ہے
دھن دیس کی تھی جس میں گاتا تھا اک دہاتی
بسکٹ سے ہے ملائم پوری ہے یا چپاتی
تحریک سودیشی پہ مجھے وجد ہے اکبرؔ
کیاخوب یہ نغمہ ہے چھڑا دیس کی دھن میں

تعریف میں چشمے کو سمندر سے ملا دوں
قطرے کو جو دوں آب تو گوہر سے ملا دوں
ذرے کی چمک مہر منور سے ملا دوں
کانٹوں کو نزاکت میں گل ِ تر سے ملا دوں
گلدستہ معنی کو نئے ڈھنگ سے باندھوں
اک پھول کا مضموں ہو تو سو رنگ سے باندھوں
میر انیس

ریت پر تھک کے گرا ہوں تو ہوا پوچھتی ہے
آپ کیوں آئے تھے اس دشت میں وحشت کے بغیر

ہم نہ چاہیں تو کبھی شام کے سائے نہ ڈھلیں
ہم تڑپتے ہیں تو صبحوں کے سلام آتے ہیں
قتیل شفائی

یہ وقت کس کی رعونت پہ خاک ڈال گیا
یہ کون بول رہا تھا خدا کے لہجے میں!!!!!
افتخار عارف

نامرادانِ محبت کو حقارت سے نہ دیکھ
یہ بڑے لوگ ہیں جینے کا ہنر جانتے ہیں

محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
مرزا اسد اللّہ خاں غالب

وہ آ گیا تو جیسے سبزے میں جان آئی
دوڑی رَمق ہَوا کی ساکت صنوبروں میں
خورشید رضوی

کھوجتا کیا ہے اندھیروں میں تفاہم کے دیے
آ چراغوں میں لہو ڈال، اجالے ہوں گے
ذوالفقار نقوی

اپنی قسمت میں کجی ایک یہی دیکھی ہے
سب میسر ہے فقط تیری کمی دیکھی ہے
سعید راجہ

گلہ تو گھونٹ دیا اہل مدرسہ نے ترا
کہاں سے نکلے صدا لا الہ الااللہ
علامہ اقبال