الف سے اشعار

سیما علی — فروری 16، 2021 2:56 شام

اِس اندھیروں کے عہد میں ساغر
کیا کرے گا کوئی اُجالوں کو
ساغرصدیقی

سیما علی — فروری 16، 2021 2:59 شام

اہل بینش نے بہ حیرت کدہٴ شوخیٴ ناز
جوہرِ آئینہ کو طوطیٴ بسمل باندھا

سیما علی — فروری 16، 2021 3:03 شام

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تِری محفل سے ہم
سیماب اکبرآبادی

سیما علی — فروری 16، 2021 3:04 شام

اللہ کرے، میرؔ کا جنت میں مکاں ہو
مرحوم نے ہر بات ہماری ہی بیاں کی
ابنِ انشا

لاريب اخلاص — فروری 16، 2021 3:08 شام

اب آ گیا ہوں تو سوچا صدا لگاتا چلوں
کسے خبر یہاں آنا نہ ہو دوبارہ مرا
سلیم کوثر

سیما علی — اپریل 8، 2021 3:46 شام

اس شہر خرابی میں غم عشق کے مارے
زندہ ہیں ، یہی بات بڑی بات ہے پیارے
کچھ اور بھی ہیں کام ہمیں اے غم جاناں
کب تک کوئی الجھی ہی زلفوں کو سنوارے
حبیب جالب

سیما علی — اپریل 8، 2021 3:48 شام

آہ وہ ياديں کہ اس ياد کو ہو کر مجبور
دل مايوس نے مدت سے بہلا رکھا ہے
حسرت موہانی

سیما علی — اپریل 8، 2021 3:48 شام

آئے وہ کیوں؟ اِس آنے سے حاصل ہی کیا ہوا
چُپ تھوڑی دیر بیٹھے، اُٹھے، گھر چلے گئے
امیر مینائی

سیما علی — اپریل 8، 2021 3:49 شام

انا کی جنگ میں ہم جیت تو گئے لیکن
پھر اس کے بعد بہت دیر تک نڈھال رہے
فرحت عباس شاہ

شمشاد — اپریل 8، 2021 6:46 شام

آج کی رات وہ آئے ہیں بڑی دیر کے بعد
آج کی رات بڑی دیر کے بعد آئی ہے
سیف الدین سیف

غلام شبیرخان — مئی 15، 2021 6:53 صبح

واہ بہت عمدہ انتخاب

غلام شبیرخان نے کہا:
کوئی دوست مجھے انشاء اللہ خان کی اس غزل کی تشریح کردیگا کہ دل بےدرد کوبیتابیوں نےلوٹ لیا ہمارےقبلہ کووہابیوں نےلوٹ لیا

شمشاد — مئی 15، 2021 8:43 شام

ارے او خانہ آباد اتنی خوں ریزی یہ قتالی
کہ اک عاشق نہیں کوچہ ترا ویران سونا ہے
(ولی اللہ محب)

سیما علی — مئی 30، 2021 4:29 صبح

اپنے مرکز کی طرف مائل پرواز تھا حسن
بھولتا ہی نہیں عالم تیری انگڑائ کا
عزیز لکھنوی

سیما علی — مئی 30، 2021 4:30 صبح

آنے کا وعدہ اُن کے نہ آنے کی تھی دلیل
آخر کھُلی یہ بات بڑے انتظار پر
مست بنارسی

سیما علی — مئی 30، 2021 4:30 صبح

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تِری محفل سے ہم
سیماب اکبرآبادی

گُلِ یاسمیں — جون 2، 2021 8:46 شام

اے موت تو ہی آ کے قصہ تمام کر دے
ہم زندگی کے ہاتھوں قسطوں میں مر رہے ہیں

شمشاد — جون 3، 2021 12:08 شام

آنسو فلک کی آنکھ سے ٹپکے تمام رات
اور صبح تک زمین کا آنچل بھگو گئے
ظہیر احمد ظہیر

گُلِ یاسمیں — جون 3، 2021 1:16 شام

اب کیا ہے جو تیرے پاس آؤں
کس مان پہ تجھ کو آزماؤں
زخم اب کے تو سامنے سے کھاؤں
دشمن سے نہ دوستی بڑھاؤں
پروین شاکر

گُلِ یاسمیں — جون 3، 2021 1:17 شام

اہرام ہے یا کہ شہر میرا
انسان ہیں یا حنوط لاشیں
سڑکوں پہ رواں ، یہ آدمی ہیں
یا نیند میں چل رہی ہیں لاشیں
پروین شاکر

شمشاد — جون 4، 2021 8:53 شام

آئی تھی چند گام اسی بے وفا کے ساتھ
پھر عمر بھر کو بھول گئی زندگی ہمیں
جاوید کمال رامپوری