الف سے اشعار

اسی کے درد سے ملتے ہیں سلسلے جاں کے
اسی کے نام لگا دو ملال جو بھی ہو
احمد فراز

آج رخصت ہو گیا دنیا سے اک بیمار غم
درد ایسا دل میں اٹھا جان لے کر ہی گیا
واصف دہلوی

آج بھی شاید کوئی پھولوں کا تحفہ بھیج دے
تتلیاں منڈلا رہی ہیں کانچ کے گلدان پر
شکیب جلالی

اگرچہ پھول یہ اپنے لیے خریدے ہیں
کوئی جو پوچھے تو کہہ دوں گا اس نے بھیجے ہیں
افتخار نسیم

آگ میں پھول کھلے ہیں ،یہ سنا تھا لیکن
آج۔ شاداب گلابوں نے جلایا ہم کو
اظہاراللہ اظہار

اس طرح میرے گناہوں کو وہ دھو دیتی ہے
ماں بہت غصے میں ہوتی ہے تو رو دیتی ہے
شاعر: منور رانا

اے میری ماں مجھے ہر پل رہے تمہارا خیال
تم ہی سے صبح مری میری شام تم سے ہے

اسے خبر ہی نہیں کیا ہے انتظار کا دکھ
میں اس کے پاس کبھی دیر سے گیا ہی نہیں
آیت دہلوی

آنکھوں کو انتظار کا دے کر ہنر چلا گیا
چاہا تھا ایک شخص کو جانے کدھر چلا گیا
جون ایلیاء

آج بھی اس کا انتظار کرتے کرتے دن بیتے
انا پرست لوگ ہیں مرضی سے یاد کرتے ہیں
ندیم بھابھہ

اک رات وہ گیا تھا جہاں بات روک کے
اب تک رکا ہوا ہوں وہیں رات روک کے
فرحت احساس

آج یہ شام بھیگتی کیوں ہے
تم کہیں چھپ کے رو رہی ہو کیا
ضیا ضمیر

اداسی شام تنہائی کسک یادوں کی بے چینی
مجھے سب سونپ کر سورج اتر جاتا ہے پانی میں
علینا عترت

انگلی_ یار مخالف سے نہ گھبرائیں جناب!
یہ تو ہوتی ہے ہمیں تیز چلانے کے لیے

اخلاص کا بھی لطف اٹھا کر تو دیکھیے
یوں کار_خیر کیجے کسی کو خبر نہ ہو
شاہ

اشراق سے ملی نہ مجھے چاشت سے ملی
ایمان کی مٹھاس جو برداشت سے ملی
شاہ

یاسر شاہ نے کہا:

اشراق سے ملی نہ مجھے چاشت سے ملی
ایمان کی مٹھاس جو برداشت سے ملی
شاہ

مزید نمائش کے لیے کلک کریں۔۔۔

بہت اعلیٰ

اب یاد رفتگاں کی بھی ہمت نہیں رہی
یاروں نے کتنی دور بسائ ہیں بستیاں
فراق گو رکھپوری

اب تو امجد جدائی کے اُس موڑ تک درد کی دھند ہے اور کچھ بھی نہیں
جانِ من، اب وہ دن لوٹنے کے نہیں، چھوڑیئے اب وہ قصہ پرانا ہوا
امجد اسلام امجد

اے حضرتِ ناصح ہمیں الزام نہ دیجے
اس عمر میں کچھ آپ بھی نادان رہے ہیں
قابل اجمیری