زیک چند سوالات:
سوال نمبر 1: آپ نے پاکستان میں اپنی زندگی کے اہم سال گزارے ہیں۔ پاکستان سے باہر بھی کچھ ممالک دیکھے ہیں ۔اپنا وطن چھوڑا، پھر آپ جہاں رہے اسے اپنا وطن بنا لیا۔ تو یہ اردو زبان کے ساتھ اتنی وابستہ گی کیسے؟اردو محفل کی بِنا ڈالی۔ اور آج بھی اس زبان کی بہت فکر کرتے ہیں۔
سوال نمبر 2: وہ زکریا جو پاکستان میں تھا اور اس
زیک میں سوچ، اپروچ اور برتاوَ کے لحاظ سے آپ کیا اور کتنا فرق محسوس کرتے ہیں؟
سوال نمبر 3: زیادہ محبت پاکستان سے ہے یا جہاں آجکل رہتے ہیں؟
سوال نمبر4: اگر انگریزوں کا ملک پسند ہے تو ان کی زبان کو فروغ دینے کیلئے کیا کیا کیا؟ کیا کوئی فورم نہیں بنانا چاہیے تھا محفل کی طرح؟ یہ بھی ایک خدمت ہوتی اس ملک کی۔
سوال نمبر5: پاکستان کی خدمت کرنے کا جذبہ کتنا ہے؟ ذرا تفصیل سے بتائیں۔
سوال نمبر6 : اتنے سالوں سے آپ اپنے رشتہ داروں سے دور ہیں۔ کیا اس سے آپ بالکل مطمئن ہیں؟ کیا آپ کو کبھی ایسا بھی لگا کہ پاکستان میں ہی رہنا بہتر تھا؟
سوال نمبر7: کیا آپ کو کبھی لگتا ہے کہ آپ کی سوچ دو حصوں میں بٹ گئی ہے؟ ایک وہ ملک جہاں آپ کے والدین ہیں اور جسے آپ کبھی بھی اپنا ملک کہہ سکتے ہیں اور ایک وہ ملک جہاں آپ اپنے خوابوں کو تعبیر میں بدلنے کی کوشش کر رہے ہیں۔
سوال نمبر 8: ملک پاکستان کی سلامتی کیلئے کتنے فکرمند رہتے ہیں خاص کر جب میڈیا میں پاکستانی سلامتی کو لاحق خطرے کے متعلق خبریں آتی ہیں۔
اگلا مرحلہ ان سوالوں کے جوابات آنے کے بعد۔