اور کسی فورم پہ نہیں ہوں۔ ویسے اور کوئی اردو فورم اب بچا بھی ہے کیا؟
نیز یہ کہ تاثرات کیا ہونے ہیں۔ منطقی اقدام تو وہی لگتا ہے، جو انتظامیہ نے اٹھایا ہے۔
تاہم اس معاملے کا ایک اور پہلو بھی ہے۔ شاید اس میں کچھ سینئر (یعنی عمر میں) اراکین بھی کچھ رائے دے پائیں، کہ اردو محفل جیسا فورم اگر رہتا تو بہت سوں کے بڑھاپے کا سہارا بھی ہوتا۔ میں اکثر سوچتا ہوں کہ اب کے بعد والی نسل کو سوشل میڈیا اور آن لائن کنیکٹیوٹی کی وجہ سے ایک خاص عمر کے بعد ویسی تنہائی محسوس نہ ہو جیسی کچھ عرصہ پہلے تک تھی۔ لیکن ہر ایک سوشل میڈیا اس ضمن میں ویسا کارآمد نہ ہو پائے، جیسا محفل (یا اس جیسے کئی اور فورمز یا ایپس وغیرہ) ہو سکتا تھا۔
دوسرے الفاظ میں اردو محفل کی ضرورت اب باقی دنیا کو نہیں رہی تھی کہ اب یہاں (نیا) کوئی نہیں کوئی نہیں آئے گا۔ تاہم محفلین کی ایک مناسب تعداد کو اس کی ضرورت یا افادیت ضرور رہتی۔ خصوصاً اگر آج سے ایک دو دہائی بعد کا سوچیں تو (جب محفلین کی اکثریت عمر کی ایک خاص سٹیج کراس کر چکے ہوں گے۔
اتنا اناپ شناپ لکھ دیا ہے تو برادرم
نبیل صاحب کو بھی ٹیگ کر ہی دوں کہ شاید دل میں اتر جائے بات، وغیرہ ۔