اگر مجھے اردو محفل کا ایک دن تو کیا ایک گھنٹے کا انتظام بھی مل جائے تو میں اس کے ماتھے پہ یہ تحریر لگا دوں۔
یہ تو شاید اس کوچے میں آپ کا پہلا اور واحد گھر ہے اگر میں غلطی پر نہیں اور اس گھر کی تعمیر ابھی دو چار روز قبل ہی تکمیل کو پہنچی ہے اور ہم ابھی مہمان ہو گئے۔
اور میں جھوٹی تعریف نہیں کرتا۔ آپ واقعی اچھا شعر کہہ سکتی ہیں۔
بس اسی لئے کوشش نہیں کرتی کہ اپنے عزیز بھائی کو پیچھے چھوڑنا اچھا نہیں لگتا ناں!
ضرور ضرور!
وہ یہ کہ آپ اب ایک غزل لکھیں، تازہ ۔ اور اسے ارسال کریں محفل میں۔ضرور ضرور!
شکریہ بہنا
مستزاد سیاہ فام میرا اصل نام
پیار سے کجلا کجلا کہتے ہیں۔
اور زلفیں تخلص رکھتی ہوں۔ضرورتاَََ زلف بھی استعمال میں آتا ہے۔
اپنا ہی ایک مراسلہ پڑھتے بے ساختہ ہنسی آرہی ہے۔یعنیلکھنا شروع ہی کہاں کیا تھا کہ بند کرنے کی نوبت آتی!
یعنی
؎ لکھنے نہ پائے تھے کہ گرفتار ہم ہوئے
اچھی باتیں لکھنا اچھی بات ہے ۔ اس لئے اگر قلم کو تحریک ہو تو روکئے مت ۔ لکھ ڈالئے اور یہاں پوسٹ کیجئے ۔
پوسٹ کا پوسٹ مارٹم ہماری ذمہ داری ۔
آپ کا حکم سر آنکھوں پہ۔
پر بھائی صاحب!
اب تو شعر کے نام پہ بچوں کو صبح ناشتہ میں کیا دینا ہے؟ غزل کے نام پہ صاحب کے لئے کل سے مختلف آملیٹ بنانا ہے۔۔۔اور نظم کی بجائے سکول لے جانے کے لئے کیا بنایا جائے کہ جسکا کل سامان بھی گھر میں موجود ہو۔۔۔دفتر و ادارہ کی ذمہ داریاں، میکہ و سسرال کے معاملات و مسائل ۔۔۔۔ہی ذہن میں آتے ہیں۔ ایک کتاب کی بجائے دو دو کتابیں ایک دن میں ختم کرنے والی۔۔۔اب ایک کتاب مہینوں لے کے بیٹھی رہتی ہے جو ختم نہیں ہوتی۔
پرانا کچھ کہیں پڑا مل گیا تو پوسٹ کروں گی ان شاءاللہ۔ نئے کا وعدہ نہیں کر سکتی۔
اور شاعری کے کلیے قاعدے سیکھنا میرے بس کی بات ہے بھی نہیں۔
خواہرم جاسمن، سچی بات تو یہ ہے کہ اپنی ذمہ داریاں نبھانا ہی ہر انسان کی پہلی ترجیح ہونی چاہیے اور شعر و شاعری وغیرہ کو ایک مشغلے سے زیادہ اہمیت دینا بھی نہیں چاہیے ۔ آپ اپنی فیملی کی ضروریات کا خیال رکھ رہی ہیں اور بچوں کی صحیح تربیت کے لئے کوشاں ہیں اب اس سے بڑھ کر اور کیا کام ہوسکتا ہے بھلا ۔ پھر سونے پر سہاگہ اسکول کی ذمہ داریاں نبھانا ۔ اساتذہ تو قوم کے مستقبل کے معمار ہیں ۔ آپ کو اور ان تمام اساتذہ کو ہمارا سلام کہ جو محنت اور دیانتداری سے اپنے فرائض انجام دینے کی کوشش کرتے ہیں !
آپ کو کسی نئے جھنجٹ میں ڈالنے کا ہمارا کوئی ارادہ نہیں ۔ اگر کوئی پرانا کلام مل جائے تو ضرور شیئر کیجئے گا ۔ پیشگی داد حاضر ہے !
نہیں۔ تُک بندی ہوں۔
صائمہ۔ مجھے اب اتنا یاد ہے کہ مطلع نہیں بن پا رہا تھا۔تلاش کرنے کے لئے کسی ایسی ترکیب کی تلاش تھی،سو خود ایجاد کر لی۔ شاید ہو بھی تو پتہ نہیں۔
تب ہی تو کہا کہ تُک۔۔۔بندی ہوں۔
آپ پہلے اردو محفل پر آجاتیں تو آپ کو اسی وقت مشورے بھی دے دیتے جیسے تاڑتا ہوا، گھورتا ہوا، دیکھتا ہوا آنکھتا ہوا کی جگہ لایا جا سکتا تھا اگرچہ قوافی کا غلط ہونا اپنی جگہ پر ہی ہے
بس میں پہلے اسی لئے نہیں آئی۔
دیکھیں کوئی اعلیٰ پائے کی غزل غلط قوافی میں بھی ہونی چاہیے۔ اور غلط قوافی اگر عام ہو جائیں تو وہ کیا کہتے ہیں غلط الشاعر (غلط العام،غلط العوام) ہو جائیں گے۔ اور لوگ ہم جیسوں کو دعائیں دیں گے۔
ارے واہ سارہ بہن ، آپ بڑی باریک بین ہیں۔ ہمیں تو کہیں نام نظر نہیں آیا
غزل کا مقطع یہزلفیں سیاہ فام تھیں اور اُس پہ مستزادآئیں اب اس میں نام تلاش کرتے ہیں @جاسمن باجی کا
کجلا تمہاری آنکھ میں وہ پھیلتا ہؤا
زلفیں
سیاہ فام
مستزاد
کجلا
اب اس میں سے کون سانام آپ کا ہے @جاسمن
مستزاد سیاہ فام میرا اصل نام
پیار سے کجلا کجلا کہتے ہیں۔
اور زلفیں تخلص رکھتی ہوں۔ضرورتاَََ زلف بھی استعمال میں آتا ہے۔
واہ بہت خوب، بہت ہی اچھوتے خیالات ہیں، آپ نے شاعری کی روح کو پکڑا ہے، یا شاعری نے آپ کو پکڑ لیا ہے۔ تکنیکی درستی وغیرہ تو بقدر کسب و محنت ہے، مسلسل مشق سے آ ہی جائے گی، اصل چیز تو آپ میں موجود ہے، شاعرانہ مزاج۔ لفظ 'آنکھتا' اس بات کی غمازی کر رہا ہے،کہ آپ کے جذبات شدید ہیں، اور وہ اپنے اظہار میں الفاظ اور ان کی ساخت کو رکاوٹ بننے نہیں دینا چاہتے، بلکہ جذبہ کی حدت لفظوں کی ٹھوس بناوٹ کو پگھلا کے آگے بڑھ رہی ہے۔ آپ قواعد و ضوابط پر الگ سے کوشش کرتی رہیں، اور اپنے احساسات کاغذ پہ اتارتی بھی رہیں۔ اللہ کرے زور قلم اور زیادہ!