میری رائے ہے کہ جن محفلین نے اپنے اصلی نام محفل پر کبھی نہیں بتائے ان کا فی الحال انٹرویو نہ ہی کیا جائے تو بہتر ہے۔
ایک تو یہ بات ہے کہ انٹرویو کا مقصد کسی کے متعلق جاننا بھی ہے اور اس سے سیکھنا بھی۔ ان میں سے کسی ایک بات سے بھی انکار نہیں کیا جا سکتا۔
دوسری بات یہ ہے کہ کچھ محفلین تو کھلی کتاب ہیں، اصل میں انٹرویو تو ان کا ہی ہونا چاہیے جنہوں نے کنڈ کڈے ہوئے ہیں۔
تیسری بات یہ ہے کہ محفلین جس بات کا جواب نہ دینا چاہیں اس کی بھی اجازت ہے۔ قلمی نام یا انٹرنیٹ کی دنیا پر الگ نام بھی ایک الگ کردار کو جنم دیتا ہے۔ اس کی اپنی ایک حقیقت ہے۔
چوتھی بات یہ ہے کہ ہماری کوشش ہوگی کہ متعلقہ محفلین سے انٹرویو کی اجازت لی جائے۔
