میں نے یہ کہا کہ اردو زبان کو کوئی خطرہ نہیں ہے۔ اردومحفل کے مقاصد کو کیا خطرہ ہے اس بارے میں میری رائے واضح ہے۔
یہ محفل انٹرنیٹ اور یونیکوڈ میں صرف اردو کی ترویج کے لیے قائم کی گئی ہے۔ ۔
آپ کی رائے یقیناً ایک بہترین نقطہ لیے ہوئے ہے۔ لیکن میرے سوچنے کا انداز کچھ مختلف ہے۔
پنجابی، فارسی، عربی، سنسکرت وغیرہ ہی اردو کی ڈونر زبانیں ہیں۔ اردو کا جنم انھی زبانوں سے ہوا ہے۔ جب ہم اس رائے پر متفق ہو چکے ہیں کہ کسی اور زبان کے استعمال کی وجہ سے اردو کو کوئی خطرہ نہیں ہے تو اردو محفل جو اردو کی ترویج کے لیے قائم کی گئی ہے، وہ اردو کے ساتھ ساتھ اپنی ان ڈونر زبانوں کی ترویج کے لیے بھی استعمال ہو جائے تو کیا مضائقہ ہے !!! بلکہ یہ تو ان زبانوں پر اردو محفل اور یونی کوڈ کا ایک احسان ہو گا کہ انھیں ایک بنا بنایا پلیٹ فارم مل گیا ہے، جس کے استعمال سے ڈونر زبانوں کو بھی ترویج مل رہی ہے۔ ایسا ہو جانے سے اردو محفل اپنے ساتھ کے دیگر فورمز میں مزید ممتاز ہو جائے گی کہ یہاں بہت سی زبانوں کی بیک وقت ترویج ہو رہی ہے۔
